Texts

Help

Select a text:
Bibliography
Select a chapter:
 (no revisions)
Associated topic(s): nirūḍhapaśubandha

Show parallels  Show headlines
Use dependency labeler
Chapter id: 14922
  • Click on a sentence to show its analysis
  • Keep the mouse pointer over a lemma to show its meanings.
āpo hi ṣṭhā mayobhuva iti tisṛbhir idam āpaḥ pravahata nir mā muñcāmīti dvābhyāṃ ca sarve patnī ca cātvāle 'dbhir mārjayante // (1) Par.?
athādhvaryur agnīt paśupuroḍāśam nirvapa pratiprasthātaḥ paśuṃ viśādhīti saṃpreṣyati // (2) Par.?
samānadevataṃ paśunaikādaśakapālaṃ vrīhimayaṃ puroḍāśam āgnīdhro nirvapati // (3) Par.?
pratiprasthātā paśuṃ viśāsti // (4) Par.?
hṛdayajihvāvakṣāṃsi tanima matasnū savyaṃ dor ubhe pārśve dakṣiṇā śroṇir gudatṛtīyam ity ekādaśa daivatāni // (5) Par.?
dakṣiṇaṃ doḥ savyā śroṇir gudatṛtīyam iti sauviṣṭakṛtāni // (6) Par.?
klomānaṃ plīhānaṃ purītataṃ vaniṣṭhum adhyuddhiṃ medo jāghanīm ity uddharati // (7) Par.?
gudaṃ mā nirvleṣīr vaniṣṭhuṃ mā nirvleṣīr iti saṃpreṣyati // (8) Par.?
yadyac ca medhyaṃ manyate // (9) Par.?
kumbhyāṃ paśuṃ samavadhāya śāmitre śrapayati // (10) Par.?
śūle hṛdayam upatṛdya pratapati // (11) Par.?
ūvadhyagohe śakṛt saṃpravidhyati lohitaṃ ca nirasyati // (12) Par.?
śṛte paśau puroḍāśena pracaret // (13) Par.?
juhūpabhṛtor upastīryāvadāyābhighāryendrāgnibhyāṃ puroḍāśasyānubrūhīti saṃpreṣyati // (14) Par.?
āśrāvya pratyāśrāvita indrāgnibhyāṃ puroḍāśasya preṣyeti saṃpreṣyati // (15) Par.?
maitrāvaruṇo hotāraṃ preṣyati // (16) Par.?
aupabhṛtaṃ juhvāṃ nidhāyāgnaye 'nubrūhīti sviṣṭakṛte saṃpreṣyati // (17) Par.?
āśrāvya pratyāśrāvite 'gnaye preṣyeti saṃpreṣyati // (18) Par.?
maitrāvaruṇo hotāraṃ preṣyati // (19) Par.?
Duration=0.053756952285767 secs.