Texts

Help

Select a text:
Bibliography
Select a chapter:
 (no revisions)
Associated topic(s): paribhāṣā, general rules

Show parallels  Show headlines
Use dependency labeler
Chapter id: 15765
  • Click on a sentence to show its analysis
  • Keep the mouse pointer over a lemma to show its meanings.
prayoge puruṣahitaṃ yajñasya ca jñāne // (1.1) Par.?
taṃ vyākhyāsyāmaḥ // (2.1) Par.?
sarvārthaṃ dharmaṃ prathamam / (3.1) Par.?
upavādān anuvadet // (3.2) Par.?
brāhmaṇakṣatriyavaiśyarathakārāṇāṃ yajñāḥ // (4.1) Par.?
niṣādasthapater iṣṭyagnyādheyam // (5.1) Par.?
adhvaryur yajurvedena karoty ṛgvedena hotā sāmavedenodgātā sarvair brahmā // (6.1) Par.?
uccair ṛgvedasāmavedābhyām upāṃśu yajuṣoccaiḥ saṃpraiṣaiḥ // (7.1) Par.?
saṃsvāraikasvaryam iti śabdanyāyaḥ // (8.1) Par.?
prāṅmukhaḥ karma kuryād ā caturthāt karmaṇaḥ prasaṃpaśyan // (9.1) Par.?
uttarata upacāro vihāraḥ // (10.1) Par.?
na yajñāṅgenātmānam abhivipariharet // (11.1) Par.?
na vihārād apaparyāvarteta // (12.1) Par.?
antarāṇi yajñāṅgāni bāhyāḥ kartāraḥ // (13.1) Par.?
kartṝṇāṃ ca pradhānakāriṇo 'bhyantarā bāhyā itare // (14.1) Par.?
yajñopavītī karmāṇi kuryāt prācīnāvītī pitryāṇy ācāntodako 'hasan // (15.1) Par.?
mantrāntena karma saṃnipātayet // (16.1) Par.?
uttaramantrasyādinā pūrvasyāntaṃ vidyāt // (17.1) Par.?
pūrvāmnānād aṅgānām ānupūrvyaṃ pūrvaprakaraṇaṃ codanāc cāniyamaḥ kratūnām // (18.1) Par.?
ghṛtam ājyaśabdena pratīyate bhāryā patnī juhūḥ āhavanīya iti home // (19.1) Par.?
hiraṇyaṃ jātarūpam // (20.1) Par.?
gārhapatye haviḥśrapaṇaṃ pratitarpaṇaṃ ca // (21.1) Par.?
dakṣiṇāgner ekolmukāharaṇam // (22.1) Par.?
brāhmaṇā ṛtvija ārṣeyā mahānto yuvāno bahvapatyāḥ // (23.1) Par.?
juhotīti darvihomacodanā // (24.1) Par.?
ājyasyādhiśrayaṇaṃ gārhapatye // (25.1) Par.?
paryagnikaraṇam utpavanaṃ sruksruvasaṃmārgaḥ paristaraṇaṃ paryukṣaṇam āhavanīyasyeti // (26.1) Par.?
tūṣṇīkāṃ darvihomadharmaḥ // (27.1) Par.?
anabhastantram // (28.1) Par.?
āsīno juhuyāj jānvakno nigadya svāhākārāntam // (29.1) Par.?
jamadagnīnāṃ pañcāvattaṃ caturavattam anyeṣām / (30.1) Par.?
āmantrya jāmadagnyam ajāmadagnyaḥ pañcāvattī syāt // (30.2) Par.?
māṃsasaṃhitābhyām aṅgulībhyām aṅguṣṭhena ca puroḍāśasyāvadyet sruveṇājyapayasor mekṣaṇena caroḥ svadhitinā paśor darvyā somasya // (31.1) Par.?
yathādiṣṭaṃ havirbhir devatā yajaty ājyenetarāḥ // (32.1) Par.?
dhrauvasyājyārthān kurvīta // (33.1) Par.?
ājyasyopastīrya haviṣo 'vadānam abhighāraṇaṃ ca // (34.1) Par.?
avadāyāvadāya havirdhruvāṃ pratyabhighārayed ā sviṣṭakṛdavadānāt // (35.1) Par.?
ājyasthālyā dhruvām // (36.1) Par.?
aṅguṣṭhaparvamātrāṇy avadānāni // (37.1) Par.?
bhūyaḥ sviṣṭakṛte bhūyiṣṭham iḍāyāḥ // (38.1) Par.?
madhyād avadāya haviṣaḥ pūrvārdhād dvitīyam avadyec caturavadānasya paścārdhāt tṛtīyaṃ pañcāvadānasya // (39.1) Par.?
pūrvārdhāt prathamaṃ jyeṣṭhasya jyaiṣṭhineyasya gataśriyo vā // (40.1) Par.?
aparaṃ kaniṣṭhasya kāniṣṭhineyasya bubhūṣato vā // (41.1) Par.?
sarveṣāṃ haviṣāṃ sviṣṭakṛte samavadyed uttarārdhāt sakṛt sakṛc caturavadānasya dvir dviḥ pañcāvadānasya // (42.1) Par.?
dvir abhighārayet // (43.1) Par.?
yatra yājyās tatrāśrutapratyāśrute ca caturavattapañcāvatte ca // (44.1) Par.?
dakṣiṇena dakṣiṇātikrāmet savyenodaṅ // (45.1) Par.?
avadāya grahaṃ vā gṛhītvā dakṣiṇātikrāman saṃpreṣyaty amuṣmā anubrūhīti yathādevataṃ saṃpraiṣayājyayoś ca // (46.1) Par.?
anuvācya vāgyato bhavaty āśrāvaṇāt / (47.1) Par.?
āśrute cāgnīdhra ā pratyāśrāvaṇāt / (47.2) Par.?
pratyāśrute cādhvaryur ā yaja yajeti brūyāt // (47.3) Par.?
anuvākyānte praṇavaṃ dadhāti hotā / (48.1) Par.?
tam adhvaryuḥ praṇavenopasaṃdadhāti // (48.2) Par.?
o śrāvayety adhvaryur astu śrauṣaḍ ity āgnīdhraḥ pratyāśrāvayaty uttaratas tiṣṭhan sphyaṃ cedhmasaṃnahanāni codyamya // (49.1) Par.?
amuṣmai preṣyeti saṃpreṣyati yājyāvat svāhavanīyapradhānasthāneṣu paśusomayor amuṃ yajety ārāt // (50.1) Par.?
yājyānuvākyāvanti pradhānāny ājyabhāgādīni sviṣṭakṛdantāni patnīsaṃyājeṣu vājine ca // (51.1) Par.?
dakṣiṇaṃ paridhisaṃdhiṃ pratyavasthāya vaṣaṭkārānte pārśvenāpidadhad ivānāsekaṃ haviṣo 'prakṣiṇan juhoti // (52.1) Par.?
mukhenāsekaṃ haviṣo vyṛṣan yaṃ dviṣyāt tam āhutiṣu hūyamānāsu manasā dhyāyet // (53.1) Par.?
yājyāvat svāhavanīyapradhāneṣv oṃkāre ca dakṣiṇātikramaṇam // (54.1) Par.?
upabhṛtam adhastād upayamya pracarati vedam upayāmam anyatra daśāṃ some // (55.1) Par.?
samānaṃ darśapūrṇamāsayor vidhānam anyatra nirdeśāt // (56.1) Par.?
ubhayatrāgneyaḥ puroḍāśaḥ / (57.1) Par.?
agnīṣomīyo dvitīyaḥ paurṇamāsyām aindrāgno 'māvāsyāyām asaṃnayataḥ // (57.2) Par.?
sāṃnāyyena samānadevataḥ // (58.1) Par.?
saṃnayata aindraṃ sāṃnāyyaṃ māhendraṃ vā // (59.1) Par.?
agnīṣomīya upāṃśuyājaḥ paurṇamāsyāṃ vaiṣṇavo 'māvāsyāyām // (60.1) Par.?
etad ijyāpradhānam // (61.1) Par.?
tadaṅgānītarāṇi // (62.1) Par.?
arthakāraṇād dharmān āvartayed vacanād vā // (63.1) Par.?
somejyāgniṣṭome pradhānam // (64.1) Par.?
darśapūrṇamāsikānāṃ pradhānānām iṣṭipaśubandhe codanā // (65.1) Par.?
somasyaikāhāhīnasattreṣv aṅgānāṃ ca samanvayaḥ piṇḍapitṛyajñavarjam // (66.1) Par.?
pratyāmnāyapratiṣedhārthalopair aṅgānivṛttiḥ sāmānyād arthāt svāśrutyād iti // (67.1) Par.?
dharmaviniyoge 'nāmnāte yathārthaṃ mantrān saṃnamayet // (68.1) Par.?
dravyālābhe tulyārthānāṃ yathāsadṛśaṃ pratinidadhyād yathārtham atulyārthe // (69.1) Par.?
pradhānānāṃ dharmavipratiṣedhe bhūyastve na dharmān viniyacchet tulyāṃ pūrvacodanayā // (70.1) Par.?
karmaṇāṃ gaṇādeśe pratyṛcaṃ karoti pratiparyāyaṃ ca // (71.1) Par.?
amuṣmai praṇīyamānāyānubrūhīty ukte triruktāṃ karoti // (72.1) Par.?
some krīte havirdhānapravartane ca // (73.1) Par.?
darbhāḥ paristaraṇe // (74.1) Par.?
svāhākārāntāḥ samidhaḥ // (75.1) Par.?
agniṃ sādayiṣyann uddhatya lakṣaṇam adbhir avokṣya sādayati // (76.1) Par.?
saṃtatakarmasu purastād ārambhaṃ pradakṣiṇaṃ prāgapavargāṇy udag vā karoti // (77.1) Par.?
prasavyaṃ pitryāṇi // (78.1) Par.?
maṅgalāni lokataḥ // (79.1) Par.?
karmābhyāvṛttau kṛtasaṃkhyeṣu mantrān āvartayet // (80.1) Par.?
saṃpraiṣānuvacaneṣv āśrutapratyāśruteṣu ca mandrasvāraḥ // (81.1) Par.?
sāmidhenīprabhṛtyājyabhāgānteṣūrdhvam ājyabhāgābhyām ānuyājebhyo madhyamāḥ // (82.1) Par.?
anuyājaprabhṛty uccair ā śaṃyvantāt // (83.1) Par.?
triṃśadvarṣāṇi darśapūrṇamāsābhyāṃ yajeta yāvajjīvaṃ vā // (84.1) Par.?
pañcadaśa dākṣāyaṇayajñena darśapūrṇamāsayoḥ sthāne // (85.1) Par.?
yāvajjīvam agnihotram // (86.1) Par.?
aniyamo 'nyatra // (87.1) Par.?
Duration=0.14582490921021 secs.