Texts

athāhitāgner darbheṣu kṛṣṇājinam antarlomāstīrya // (1) Par.?

tatrainam uttānam ādhāya // (2) Par.?

athāsya yajñapātrāṇi pṛṣadājyena pūrayitvānurūpaṃ nidadhati // (3) Par.?

dakṣiṇe haste juhūm // (4) Par.?

savya upabhṛtam // (5) Par.?

kaṇṭhe dhruvāṃ mukhe 'gnihotrahavanīṃ nāsikayoḥ sruvam // (6) Par.?

tānyanumantrayate juhūr dadhāra dyāṃ dhruva ā roheti // (7) Par.?

lalāṭe prāśitraharaṇam // (8) Par.?

imam agne camasam iti śirasīḍācamasam // (9) Par.?

devā yajñam ity urasi puroḍāśam // (10) Par.?

dakṣiṇe pārśve sphyaṃ savya upaveṣam // (11) Par.?

udare pātrīṃ // (12) Par.?

aṣṭhīvator ulūkhalamusalam // (13) Par.?

śroṇyoḥ śakaṭam // (14) Par.?

antareṇorū anyāni yajñapātrāni // (15) Par.?

pādayoḥ śūrpam // (16) Par.?

apo mṛnmayānyupaharanti // (17) Par.?

ayasmayāni nidadhati // (18) Par.?

amā putrā ca dṛṣat // (19) Par.?

athobhayor apaśyaṃ yuvatiṃ prajānaty aghnya iti jaghanyāṃ gāṃ prasavyaṃ pariṇīyamānām anumantrayate // (20) Par.?

tāṃ nairṛtena jaghanatāghnanta upaveśayanti // (21) Par.?

tasyāḥ pṛṣṭhato vṛkkāv uddhārya pāṇyor asyādadhaty ati drava śvānāv iti // (22) Par.?

dakṣiṇe dakṣiṇaṃ savye savyam // (23) Par.?

hṛdaye hṛdayam // (24) Par.?

agner varmeti vapayā saptachidrayā mukhaṃ pracchādayanti // (25) Par.?

yathāgātraṃ gātrāṇi // (26) Par.?

dakṣiṇair dakṣiṇāni savyaiḥ savyāni // (27) Par.?

anubaddhaśiraḥpādena gośālāṃ carmaṇāvacchādya // (28) Par.?

ajo bhāga ut tvā vahantv iti dakṣiṇato 'jaṃ badhnāti // (29) Par.?

asmād vai tvam ajāyathā ayaṃ tvad adhi jāyatām asau svāhety urasi gṛhye juhoti // (30) Par.?

tathāgniṣu juhoty agnaye svāhā kāmāya svāhā lokāya svāheti // (31) Par.?

dakṣiṇāgnāv ity eke // (32) Par.?

mainam agne vi dahaḥ śaṃ tapā rabhasva prajānanta iti kaniṣṭha ādīpayati // (33) Par.?

ādīpte sruveṇa yāmān homāñjuhoti pareyivāṃsaṃ pravato mahīr iti // (34) Par.?

yamo no gātuṃ prathamo vivedeti dve prathame // (35) Par.?

aṅgiraso naḥ pitaro navagvā iti saṃhitāḥ sapta // (36) Par.?

yo mamāra prathamo martyānāṃ ye naḥ pituḥ pitaro ye pitāmahā ity ekādaśa // (37) Par.?

atha sārasvatāḥ // (38) Par.?

sarasvatīṃ devayanto havante sarasvatīṃ pitaro havante sarasvati yā sarathaṃ yayātha sarasvati vrateṣu ta idaṃ te havyaṃ ghṛtavat sarasvatīndro mā marutvān iti // (39) Par.?

dakṣiṇato 'nyasminn anuṣṭhātā juhoti // (40) Par.?

sarvair upatiṣṭhanti trīṇi prabhṛtir vā // (41) Par.?

api vānuṣṭhānībhiḥ // (42) Par.?

etā anuṣṭhānyaḥ // (43) Par.?

mainam agne vi daha itiprabhṛty ava sṛjeti varjayitvā sahasranīthā ity ātaḥ // (44) Par.?

ā roha janitrīṃ jātavedasa iti pañcadaśabhir āhitāgnim // (45) Par.?

mitrāvaruṇā pari mām adhātām iti pāṇī prakṣālayate // (46) Par.?

varcasā mām ity ācāmati // (47) Par.?

vivasvān na ity uttarato 'nyasminn anuṣṭhātā juhoti // (48) Par.?