Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 15112
  • Click on a sentence to show its analysis
  • Keep the mouse pointer over a lemma to show its meanings.
vājapeye pṛṣṭhasya stotram anumantrya sadasyaṃ brahmāsana upaveśya niṣkrāmet // (1) Par.?
pūrveṇāgnīdhrīyaṃ sthūṇā nikhātā syāt // (2) Par.?
dakṣiṇena mārjālīyamantarvedīti śāṇḍilyaḥ // (3) Par.?
tasyām audumbaraṃ saptadaśāraṃ rathacakraṃ pratimuktaṃ syāt // (4) Par.?
tadabhāve yat kiṃca rathacakram // (5) Par.?
tasmin bāhū ādadhyād devasyāhaṃ savituḥ prasave satyaśravaso bṛhaspatervājino vājajito varṣiṣṭhamadhi nākaṃ ruheyamiti // (6) Par.?
ratheṣvājiṃ dhāvatsvāvirmaryā iti gāyedākāramudgīthādau luptvā tasya sthāne pratyāhṛtya dvyakṣaram agmanniti // (7) Par.?
gateṣu ca // (8) Par.?
yathādhītam ādhāvatsu // (9) Par.?
āsṛteṣu vā // (10) Par.?
sarvatra vā yathādhītam // (11) Par.?
parivartayan gāyet // (12) Par.?
parivartya vā gāyed gītvā vā parivartayet // (13) Par.?
gāyato vānyaḥ parivartayet // (14) Par.?
udaṅṅavarohaṃ manyeta viṣṇoḥ kramo 'si viṣṇoḥ krāntamasi viṣṇor vikrāntamasīti // (15) Par.?
abhidakṣiṇamāvṛtya sadaḥ praviśet // (16) Par.?
tatrāsīno hiraṇyaṃ madhu ca nānā pratigṛhṇīyāt // (17) Par.?
ṛtapeye ca dakṣiṇāṃ camasam // (18) Par.?
brāhmaṇāya madhu dadyānnidadhīta hiraṇyam // (19) Par.?
triṣṭupchandasā sarvabhakṣaṃ camasaṃ bhakṣayet // (20) Par.?
taṃ pratigṛhṇīyāditi sthaviro gautamaḥ // (21) Par.?
kastvā dadāti sa tvā dadāti kasmai tvā dadāti tasmai tvā dadāti kastvā kaṃ bhakṣayāmīti bhakṣayet // (22) Par.?
vāgdevī somasya tṛpyatviti vā // (23) Par.?
ubhābhyāṃ vobhābhyāṃ vā // (24) Par.?
Duration=0.05475902557373 secs.