Texts

Help

Select a text:
Bibliography
Select a chapter:
 (no revisions)
Associated topic(s): eating, food, anna

Show parallels  Show headlines
Use dependency labeler
Chapter id: 15331
  • Click on a sentence to show its analysis
  • Keep the mouse pointer over a lemma to show its meanings.
Food
athāto bhojyābhojyaṃ ca varṇayiṣyāmaḥ // (1.1) Par.?
cikitsakamṛgayupuṃścalīdaṇḍikastenābhiśastaṣaṇḍhapatitānām annam abhojyam // (2.1) Par.?
kadaryadīkṣitabaddhāturasomavikrayitakṣarajakaśauṇḍikasūcakavārdhuṣikacarmāvakṛntānām // (3.1) Par.?
śūdrasya ca // (4.1) Par.?
astrabhṛtaś ca // (5.1) Par.?
upapater yaś copapatiṃ manyate // (6.1) Par.?
yaś ca gṛhān dahet // (7.1) Par.?
yaś ca vadhārhān nopahanyāt // (8.1) Par.?
ko bhokṣyata iti vācābhighuṣṭam // (9.1) Par.?
gaṇānnaṃ gaṇikānnaṃ ceti // (10.1) Par.?
athāpy udāharanti / (11.1) Par.?
nāśnanti śvavato devā nāśnanti vṛṣalīpateḥ / (11.2) Par.?
bhāryājitasya nāśnanti yasya copapatir gṛha iti // (11.3) Par.?
edhodakayavasakuśalājābhyudyatayānāvasathaśapharīpriyaṅgusraggandhamadhumāṃsānīty eteṣāṃ pratigṛhṇīyāt // (12.1) Par.?
athāpy udāharanti / (13.1) Par.?
gurvarthaṃ dāram ujjihīrṣann arciṣyan devatātithīn / (13.2) Par.?
sarvataḥ pratigṛhṇīyān na tu tṛpyet svayaṃ tata iti // (13.3) Par.?
na mṛgayor iṣucāriṇaḥ parivarjyam annam // (14.1) Par.?
vijñāyate hi / (15.1) Par.?
agastyo varṣasāhasrike satre mṛgayāṃ cacāra / (15.2) Par.?
tasyāsaṃstarasamayāḥ puroḍāśā mṛgapakṣiṇāṃ praśastānām // (15.3) Par.?
api hy atra prājāpatyāñ ślokān udāharanti / (16.1) Par.?
udyatām āhṛtāṃ bhikṣāṃ purastād apracoditām / (16.2) Par.?
bhojyāṃ prajāpatir mene api duṣkṛtakāriṇaḥ // (16.3) Par.?
śraddadhānasya bhoktavyaṃ corasyāpi viśeṣataḥ / (17.1) Par.?
na tv eva bahuyājyasya yaś copanayate bahūn // (17.2) Par.?
na tasya pitaro 'śnanti daśa varṣāṇi pañca ca / (18.1) Par.?
na ca havyaṃ vahaty agnir yas tām abhyavamanyate // (18.2) Par.?
cikitsakasya mṛgayoḥ śalyahartus tu pāpinaḥ / (19.1) Par.?
ṣaṇḍhasya kulaṭāyāś ca udyatāpi na gṛhyata iti // (19.2) Par.?
ucchiṣṭam aguror abhojyam // (20.1) Par.?
svam ucchiṣṭam ucchiṣṭopahataṃ ca // (21.1) Par.?
yad vasanakeśakīṭopahataṃ ca // (22.1) Par.?
kāmaṃ tu keśakīṭān uddhṛtyādbhiḥ prokṣya bhasmanāvakīrya vācā praśastam upayuñjīta // (23.1) Par.?
api hy atra prājāpatyāñ ślokān udāharanti / (24.1) Par.?
trīṇi devāḥ pavitrāṇi brāhmaṇānām akalpayan / (24.2) Par.?
adṛṣṭam adbhir nirṇiktaṃ yacca vācā praśasyate // (24.3) Par.?
devadroṇyāṃ vivāheṣu yajñeṣu prakṛteṣu ca / (25.1) Par.?
kākaiḥ śvabhiś ca saṃspṛṣṭam annam tan na visarjayet / (25.2) Par.?
tasmād annam apoddhṛtya śeṣaṃ saṃskāram arhati / (25.3) Par.?
dravāṇāṃ plāvanenaiva ghanānāṃ prokṣaṇena tu // (25.4) Par.?
mārjāramukhasaṃspṛṣṭaṃ śuci eva hi tad bhavet // (26.1) Par.?
annaṃ paryuṣitaṃ bhāvaduṣṭaṃ sahṛllekhaṃ punaḥsiddham āmamāṃsaṃ pakvaṃ ca // (27.1) Par.?
kāmaṃ tu dadhnā ghṛtena vābhighāritam upayuñjīta // (28.1) Par.?
api hy atra prājāpatyāñ ślokān udāharanti / (29.1) Par.?
ghṛtaṃ vā yadi vā tailaṃ vipro nādyān nakhaścyutam / (29.2) Par.?
yamas tad aśuci prāha tulyaṃ gomāṃsabhakṣaṇaiḥ // (29.3) Par.?
hastadattās tu ye snehā lavaṇavyañjanāni ca / (30.1) Par.?
dātāraṃ nopatiṣṭhanti bhoktā bhuñjīta kilbiṣam // (30.2) Par.?
pradadyān na tu hastena nāyasena kadācaneti // (31.1) Par.?
laśunapalāṇḍukyākugṛñjanaśleṣmāntakavṛkṣaniryāsalohitavraścanaśvakākāvalīḍhaśūdroccheṣaṇabhojaneṣv atikṛcchraḥ // (32.1) Par.?
sandhinīkṣīram avatsākṣīram // (33.1) Par.?
gomahiṣyajānām anirdaśāhānām // (34.1) Par.?
antarnāvy udakam // (35.1) Par.?
apūpadhānākarambhasaktuvaṭakatailapāyasaśākāni śuktāni varjayet // (36.1) Par.?
anyāṃśca kṣīrayavapiṣṭavikārān // (37.1) Par.?
śvāvicchalyakaśaśakacchapagodhāḥ pañcanakhānāṃ bhakṣyāḥ // (38.1) Par.?
anuṣṭrāḥ paśūnām anyatasdantāś ca // (39.1) Par.?
matsyānāṃ vā ceṭagavayaśiśumāranakrakulīrāḥ // (40.1) Par.?
vikṛtarūpāḥ sarpaśīrṣāś ca // (41.1) Par.?
gauragavayaśarabhāś ca // (42.1) Par.?
anuddiṣṭās tathā // (43.1) Par.?
dhenvanaḍuhāv apannadantāṃśca // (44.1) Par.?
bhakṣyau tu dhenvanaḍuhau medhyau vājasaneyake vijñāyate // (45.1) Par.?
khaḍge tu vivadanty agrāmyaśūkare ca // (46.1) Par.?
śakunānāṃ ca viṣuviṣkarajālapādakalaviṅkaplavahaṃsacakravākabhāsavāyasapārāvatakurarasāraṅgapāṇḍukapotakrauñcakrakarakaṅkagṛdhraśyenabakabalākamadguṭiṭṭibhamāndhālanaktañcaradārvāghāṭacaṭakarailātakāhārītakhañjarīṭagrāmyakukkuṭaśukaśārikakokilakravyādo grāmacāriṇaś ca grāmacāriṇaś ceti // (47.1) Par.?
Duration=0.17774391174316 secs.