Texts

Help

Select a text:
Bibliography
Select a chapter:
 (no revisions)
Associated topic(s): King, rājanīti, process, jurisdiction

Show parallels  Show headlines
Use dependency labeler
Chapter id: 15334
  • Click on a sentence to show its analysis
  • Keep the mouse pointer over a lemma to show its meanings.
King
atha vyavahārāḥ // (1.1) Par.?
rājā mantrī vā sadaḥkāryāṇi kuryāt // (2.1) Par.?
dvayor vivadamānayoḥ pakṣāntaraṃ na gacchet // (3.1) Par.?
yathāsanam aparādho hy antenāparādhaḥ // (4.1) Par.?
samaḥ sarveṣu bhūteṣu yathāsanam aparādho hy ādyavarṇayor vidyāntataḥ // (5.1) Par.?
sampannaṃ ca rakṣayet // (6.1) Par.?
rājabāladhanāni // (7.1) Par.?
aprāptavyavahārāṇām // (8.1) Par.?
prāptakāle tu tad yat // (9.1) Par.?
likhitaṃ sākṣiṇo bhuktiḥ pramāṇaṃ trividhaṃ smṛtam / (10.1) Par.?
dhanasvīkaraṇaṃ pūrvaṃ dhanī dhanam avāpnuyād iti // (10.2) Par.?
mārgakṣetrebhyo visargas tathā parivarttanam // (11.1) Par.?
taruṇagṛheṣv arthāntareṣu tripādamātram // (12.1) Par.?
gṛhakṣetravirodhe sāmantapratyayaḥ // (13.1) Par.?
sāmantavirodhe lekhyapratyayaḥ // (14.1) Par.?
pratyabhilekhyavirodhe grāmanagaravṛddhaśreṇīpratyayaḥ // (15.1) Par.?
athāpy udāharanti / (16.1) Par.?
paitṛkaṃ krītam ādheyam anvādheyaṃ pratigraham iti // (16.2) Par.?
tatra bhuktānubhuktadaśavarṣam // (17.1) Par.?
anyathāpy udāharanti / (18.1) Par.?
ādhiḥ sīmā bāladhano nikṣepopanidhistriyaḥ / (18.2) Par.?
rājasvaṃ śrotriyadravyaṃ na saṃbhogena hīyate // (18.3) Par.?
prahīṇadravyāṇi rājagāmīni bhavanti // (19.1) Par.?
tato 'nyathā rājā mantribhiḥ saha nāgaraiś ca kāryāṇi kuryāt // (20.1) Par.?
Royal entourage
vedhaso vā rājā śreyān gṛdhraparivāraṃ syāt // (21.1) Par.?
gṛdhraparivāraṃ vā rājā śreyān // (22.1) Par.?
gṛdhraparivāraṃ syān na gṛdhro gṛdhraparivāraṃ syāt // (23.1) Par.?
parivārāddhi doṣāḥ prādurbhavanti // (24.1) Par.?
steyahāravināśanaṃ ca // (25.1) Par.?
tasmāt pūrvam eva parivāraṃ pṛcchet // (26.1) Par.?
Witnesses
atha sākṣiṇaḥ // (27.1) Par.?
śrotriyo rūpavāñ śīlavān puṇyavān satyavān sākṣiṇaḥ // (28.1) Par.?
sarveṣu sarva eva vā // (29.1) Par.?
strīṇāṃ sākṣiṇaḥ striyaḥ kuryād dvijānāṃ sadṛśā dvijāḥ śūdrāṇāṃ santaḥ śūdrāś cāntyānām antyayonayaḥ // (30.1) Par.?
athāpy udāharanti / (31.1) Par.?
pratibhāvyaṃ vṛthādānam ākṣikaṃ saurikaṃ ca yat / (31.2) Par.?
daṇḍaśulkāvaśiṣṭaṃ ca na putro dātum arhati // (31.3) Par.?
brūhi sākṣin yathātattvaṃ lambante pitaras tava / (32.1) Par.?
tava vākyam udīkṣāṇā utpatanti patanti ca // (32.2) Par.?
nagno muṇḍaḥ kapālī ca bhikṣārthī kṣutpipāsitaḥ / (33.1) Par.?
andhaḥ śatrukule gacched yaḥ sākṣyam anṛtaṃ vadet // (33.2) Par.?
pañca kanyānṛte hanti daśa hanti gavānṛte / (34.1) Par.?
śatam aśvānṛte hanti sahasraṃ puruṣānṛte // (34.2) Par.?
vyavahāre mṛte dāre prāyaścittaṃ kulastriyāḥ / (35.1) Par.?
teṣāṃ pūrvaparicchedācchidyante 'trāpavādibhiḥ // (35.2) Par.?
udvāhakāle ratisaṃprayoge prāṇātyaye sarvadhanāpahāre / (36.1) Par.?
viprasya cārthe hy anṛtaṃ vadeyuḥ pañcānṛtāny āhur apātakāni // (36.2) Par.?
svajanasvārthe yadi vārthahetoḥ pakṣāśrayeṇaiva vadanti kāryam / (37.1) Par.?
te śabdavaṃśasya kulasya pūrvān svargasthitāṃstān api pātayanti // (37.2) Par.?
api pātayantīti // (38.1) Par.?
Duration=0.12048697471619 secs.