Texts

Help

Select a text:
Bibliography
Select a chapter:
 (no revisions)
Associated topic(s): kṛcchra, penance, prāyaścitta, prāyaścitta

Show parallels  Show headlines
Use dependency labeler
Chapter id: 15359
  • Click on a sentence to show its analysis
  • Keep the mouse pointer over a lemma to show its meanings.
yady akāryaśataṃ sāgraṃ kṛtaṃ vedaś ca dhāryate / (1.1) Par.?
sarvaṃ tat tasya vedāgnir dahaty agnir ivendhanam // (1.2) Par.?
yathā jātabalo vahnir dahaty ārdrān api drumān / (2.1) Par.?
tathā dahati vedāgniḥ karmajaṃ doṣam ātmanaḥ // (2.2) Par.?
hatvāpi sa imāṃllokān bhuñjāno 'pi yatas tataḥ / (3.1) Par.?
ṛgvedaṃ dhārayan vipro nainaḥ prāpnoti kiṃcana // (3.2) Par.?
na vedabalam āśritya pāpakarmaratir bhavet / (4.1) Par.?
ajñānācca pramādācca dahyate karma netarat // (4.2) Par.?
tapas tapyati yo 'raṇye munir mūlaphalāśanaḥ / (5.1) Par.?
ṛcam ekāṃ ca yo 'dhīte tacca tāni ca tat samam // (5.2) Par.?
itihāsapurāṇābhyāṃ vedaṃ samupabṛṃhayet / (6.1) Par.?
bibhety alpaśrutād vedo mām ayaṃ prahariṣyati // (6.2) Par.?
vedābhyāso 'nvahaṃ śaktyā mahāyajñakriyākramaḥ / (7.1) Par.?
nāśayaty āśu pāpāni mahāpātakajāny api // (7.2) Par.?
vedoditaṃ svakaṃ karma nityaṃ kuryād atandritaḥ / (8.1) Par.?
taddhi kurvan yathāśaktyā prāpnoti paramāṃ gatim // (8.2) Par.?
yājanādhyāpanād yaunāt tathaivāsatpratigrahāt / (9.1) Par.?
vipreṣu na bhaved doṣo jvalanārkasamo hi saḥ // (9.2) Par.?
śaṅkāsthāne samutpanne abhojyabhojyasaṃjñake / (10.1) Par.?
āhāraśuddhiṃ vakṣyāmi tan me nigadataḥ śṛṇu // (10.2) Par.?
akṣāralavaṇāṃ rūkṣāṃ pibedbrāhmīṃ suvarcalām / (11.1) Par.?
trirātraṃ śaṅkhapuṣpīṃ ca brāhmaṇaḥ payasā saha // (11.2) Par.?
palāśabilvapatrāṇi kuśān padmān udumbarān / (12.1) Par.?
kvāthayitvā pibed āpas trirātreṇaiva śudhyati // (12.2) Par.?
gomūtraṃ gomayaṃ kṣīraṃ dadhi sarpiḥ kuśodakam / (13.1) Par.?
ekarātropavāsaś ca śvapākam api śodhayet // (13.2) Par.?
gomūtraṃ gomayaṃ caiva kṣīraṃ dadhi ghṛtaṃ tathā / (14.1) Par.?
pañcarātraṃ tadāhāraḥ pañcagavyena śudhyati // (14.2) Par.?
yavān vidhinopayuñjānaḥ pratyakṣeṇaiva śudhyati / (15.1) Par.?
viśuddhabhāve śuddhāḥ syur aśuddhe tu sarāgiṇaḥ // (15.2) Par.?
haviṣyān prātar āśāṃstrīn sāyam āśāṃstathaiva ca / (16.1) Par.?
ayācitaṃ tathaiva syād upavāsatrayaṃ bhavet // (16.2) Par.?
atha cet tvarate kartuṃ divasaṃ mārutāśanaḥ / (17.1) Par.?
rātrau jalāśaye vyuṣṭaḥ prājāpatyena tat samam // (17.2) Par.?
sāvitryaṣṭasahasraṃ tu japaṃ kṛtvotthite ravau / (18.1) Par.?
mucyate pātakaiḥ sarvair yadi na brahmahā bhavet // (18.2) Par.?
yo vai stenaḥ surāpo vā bhrūṇahā gurutalpagaḥ / (19.1) Par.?
dharmaśāstram adhītyaiva mucyate sarvapātakaiḥ // (19.2) Par.?
duritānāṃ duriṣṭānāṃ pāpānāṃ mahatāṃ tathā / (20.1) Par.?
kṛcchraṃ cāndrāyaṇaṃ caiva sarvapāpapraṇāśanam // (20.2) Par.?
ekaikaṃ vardhayet piṇḍaṃ śukle kṛṣṇe ca hrāsayet / (21.1) Par.?
amāvāsyāṃ na bhuñjīta evaṃ cāndrāyaṇo vidhiḥ // (21.2) Par.?
evaṃ cāndrāyaṇo vidhir iti // (22.1) Par.?
Duration=0.07085394859314 secs.