Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 15487
  • Click on a sentence to show its analysis
  • Keep the mouse pointer over a lemma to show its meanings.
krīte rājani subrahmaṇyam āmantrayante // (1) Par.?
sa yajñopavītaṃ kṛtvāpa ācamya dakṣiṇena pāṇinā palāśaśākhāṃ śamīśākhāṃ vādāyāntareṇa cakraṃ cānaḍvāhaṃ ca dakṣiṇām īṣām anuprasṛpya rājavāhanasyāntarīṣe tiṣṭhan subrahmaṇyām āhvayati trir aniruktām // (2) Par.?
subrahmaṇyoṃ subrahmaṇyoṃ subrahmaṇyom ity upāṃśu // (3) Par.?
evam eva prāgvartamāna evaṃ dakṣiṇata evam udagāvarte // (4) Par.?
dvir dakṣiṇam anaḍvāhaṃ śākhayā saṃspṛśati sakṛd vāmam // (5) Par.?
paryāvahanti rājavāhanam // (6) Par.?
vimuktayor anaḍuho rājānaṃ prapādayanti // (7) Par.?
prapanne rājani yathaitam upaniḥsṛpya pūrvayā dvārā śālāṃ prapadyottarataḥ śākhām upagūhati yajamānasya paśūn pāhīti // (8) Par.?
atraitad ano yuktaṃ dadāti subrahmaṇyāya // (9) Par.?
atithyayā caranti // (10) Par.?
atithyayā caritvā pravargyopasadbhyāṃ caranti // (11) Par.?
saṃsthitāyām upasady utkare tiṣṭhan subrahmaṇyām āhvayati trir niruktām // (12) Par.?
subrahmaṇyoṃ subrahmaṇyoṃ subrahmaṇyom indrāgaccha hariva āgaccha medhātither meṣa vṛṣaṇaśvasya mene gaurāvaskandinnahalyāyai jāra kauśika brāhmaṇa kauśika bruvāṇa sutyām āgaccha maghavan devā brahmāṇa āgacchatāgacchatāgacchateti // (13) Par.?
āhūya subrahmaṇyāṃ yajamānaṃ vācayati // (14) Par.?
brahmāsi subrahmaṇye tasyāste pṛthivī pādo 'gnir vatsas tena me prasnuteṣam ūrjaṃ dhukṣva // (15) Par.?
brahmāsi subrahmaṇye tasyās te 'ntarikṣaṃ pādo vāyur vatsas tena me prasnuteṣam ūrjaṃ dhukṣva // (16) Par.?
brahmāsi subrahmaṇye tasyās te dyauḥ pāda ādityo vatsas tena me prasnuteṣam ūrjaṃ dhukṣva // (17) Par.?
brahmāsi subrahmaṇye tasyās te diśaḥ pādo 'vāntaradiśā vatsas tena me prasnuteṣam ūrjaṃ dhukṣva // (18) Par.?
brahmāsi subrahmaṇye parorajās te pañcamaḥ pādaḥ samudraḥ stanaś candramā vatsas tena me prasnuteṣam ūrjaṃ dhukṣva prajāṃ paśūn svargaṃ lokaṃ mahyaṃ yajamānāya dhukṣvety upāṃśu // (19) Par.?
evam evāparāhṇa upasadi saṃsthitāyām // (20) Par.?
ete evopavasathād anuvartayate // (21) Par.?
sutyām ity upavasathāt // (22) Par.?
śvaḥ sutyām ity upavasathe // (23) Par.?
adya sutyām iti save // (24) Par.?
Duration=0.059952974319458 secs.