Texts

Help

Select a text:
Bibliography
Select a chapter:
 (no revisions)
Associated topic(s): darśapūrṇamāsa iṣṭi, full-moon sacrifice

Show parallels  Show headlines
Use dependency labeler
Chapter id: 15659
  • Click on a sentence to show its analysis
  • Keep the mouse pointer over a lemma to show its meanings.
āpo rebhata pipṛta madhvā samaktā niṣāda sthā yāmanvāhāryamāṇā iti prokṣaṇīr abhimantrayate / (1.1) Par.?
devīr āpaḥ śuddhā yūyam iti ca // (1.2) Par.?
brahmann idhmaṃ vediṃ barhiḥ prokṣiṣyāmīty āmantrya visrasyedhmamṛte paridhibhyaḥ prokṣati // (2.1) Par.?
kṛṣṇo 'syākhareṣṭha itīdhmaṃ vedir asīti vediṃ barhir asīti barhis tris triḥ prokṣati // (3.1) Par.?
devaṃgamam asīty antarvedy āsādya barhis triḥ prokṣati dive tvety agram antarikṣāya tveti madhyaṃ pṛthivyai tveti mūlam // (4.1) Par.?
agrāṇy upapāyya granthiṃ pariṣicya mūlāny upasiñcati // (5.1) Par.?
ūrg bhava barhiṣadbhyaḥ / (6.1) Par.?
svāhā pitṛbhyo gharmapāvabhya iti dakṣiṇato vedyāḥ prokṣaṇīśeṣaṃ ninīya pūṣā te granthiṃ viṣyatv iti granthiṃ visrasya yajamāne prāṇāpānau dadhāmīti prastare pavitre visṛjya viṣṇoḥ stupo 'sīti prastaraṃ sahapavitram āhavanīyato 'bhigṛhṇāty avidhūnvann asaṃmārgam // (6.2) Par.?
agreṇāhavanīyaṃ parihṛtya dakṣiṇato brahmaṇe yajamānāya vā prayacchati prāṇāpānābhyāṃ tvā satanuṃ kṛṇomīti // (7.1) Par.?
mayi prāṇāpānāv iti pratigṛhṇāti // (8.1) Par.?
darbhān antardhāya dakṣiṇataḥ śulbaṃ stṛṇāty uttaram aṃsam abhistṛṇan barhiḥstaraṇamantreṇa // (9.1) Par.?
paścārdhād udagagram apatnīkasya nidadhyāt // (10.1) Par.?
uru prathasveti staraṇam // (11.1) Par.?
pūrvaṃ pūrvaṃ dhātum aparam aparaṃ vā stṛṇāti // (12.1) Par.?
chādayan mūlāni prācīnam antardadhāti vedim // (13.1) Par.?
prastarahastaḥ paridhibhir āhavanīyaṃ paridadhāti gandharvo 'sīti paścārdhyam udañcam indrasya bāhur asīti dakṣiṇārdhyaṃ prāñcaṃ mitrāvaruṇau tvety uttarārdhyaṃ prāñcam // (14.1) Par.?
avakṛṣyāgrataram idhmād ūrdhve samidhāv ādadhāti nityahotāraṃ tveti / (15.1) Par.?
tūṣṇīm uttarām // (15.2) Par.?
sūryas tvā raśmibhir ity āhavanīyam upasthāya purastād apracchinnaprāntau darbhāv anantargarbhāv udagagrau barhiṣi vitanoti viśvajanasya vidhṛtī stha iti // (16.1) Par.?
vidhṛtyoḥ prastaraṃ sādayati dakṣiṇārdhe barhiṣaḥ vasūnāṃ rudrāṇām iti // (17.1) Par.?
dyaur asīti prastare juhūm // (18.1) Par.?
samaṃ prastaramūlair daṇḍaṃ karoti // (19.1) Par.?
antarikṣam asīty uttarām upabhṛtam adhastād vidhṛtyoḥ / (20.1) Par.?
pṛthivy asīty uttarāṃ dhruvām upariṣṭād vidhṛtyoḥ // (20.2) Par.?
asaṃspṛṣṭāḥ sādayaty anūcīḥ // (21.1) Par.?
ṛṣabho 'sīti dakṣiṇato juhvāḥ pūrṇasruvaṃ sādayati // (22.1) Par.?
dhruvā asadann ity ājyāni saṃmṛśati // (23.1) Par.?
syonaṃ te sadanaṃ kṛṇomi ghṛtasya dhārayā suśevaṃ kalpayāmīti pātryām upastīryābhighārya havīṃṣy udvāsayati / (24.1) Par.?
ārdraḥ pṛthasnur bhuvanasya gopāḥ śṛta utsnātu janitā matīnām iti // (24.2) Par.?
surūpaṃ tvā vasuvidaṃ paśūnāṃ tejasāgnaye tvā juṣṭam abhighārayāmīty āgneyam abhighārayati yathādevatam uttaram // (25.1) Par.?
anabhighnann aparyāvartayan vedena pramṛjya pātryām avadadhāti // (26.1) Par.?
irā bhūtiḥ pṛthivyā raso motkramīd iti kapālāny abhighārya puroḍāśāv alaṃkaroti // (27.1) Par.?
tṛptir asi gāyatraṃ chandas tarpaya mā tejasā brahmavarcasena / (28.1) Par.?
tṛptir asi traiṣṭubhaṃ chandas tarpaya mendriyeṇa vīryeṇa / (28.2) Par.?
tṛptir asi jāgataṃ chandas tarpaya mā prajayā paśubhiḥ / (28.3) Par.?
kham aṅkṣva tvacam aṅkṣva sarvam ātmānam aṅkṣveti svaktam anīkāśam anakti // (28.4) Par.?
adhastād upājya dohāv alaṃkaroti / (29.1) Par.?
yas ta ātmā paśuṣu praviṣṭo devānāṃ veṣṭām anu yo vicaṣṭe / (29.2) Par.?
ātmanvān soma ghṛtavān ihehi svar vinda yajamānāya mahyam / (29.3) Par.?
iti // (29.4) Par.?
paścātsrucāṃ pratyagdaṇḍāṃ pātrīm āsādayaty agreṇa srucaḥ kumbhyau saṃdhāya dakṣiṇasyāṃ vediśroṇyāṃ śṛtam uttarasyāṃ dadhyagreṇa sruco vedaṃ sādayati // (30.1) Par.?
vedyantān paristīrya hotṛṣadanam āstīryāgnaye samidhyamānāyānubrūhīti saṃpreṣyati // (31.1) Par.?
Duration=0.063399076461792 secs.