Texts

Help

Select a text:
Bibliography
Select a chapter:
 (no revisions)
Associated topic(s): darśapūrṇamāsa iṣṭi, full-moon sacrifice

Show parallels  Show headlines
Use dependency labeler
Chapter id: 15664
  • Click on a sentence to show its analysis
  • Keep the mouse pointer over a lemma to show its meanings.
praṇave praṇave samidham ādadhāty anuyājasamidham avaśiṣya // (1.1) Par.?
samiddham agniṃ trir vedenopavājayaty agraṃ vedyāḥ saṃmārgam // (2.1) Par.?
dhruvāyāṃ pūrṇasruvam avanīya dhruvāyā upahatyottareṇa paridhisaṃdhinānvavahṛtya dakṣiṇāprāñcam āghāram āghārayati prajāpataye svāheti manasā // (3.1) Par.?
agnīt paridhīṃś cāgniṃ ca tris triḥ saṃmṛḍḍhīti saṃpreṣyati // (4.1) Par.?
sphyena saṃmārṣṭīdhmasaṃnahanaiś ca paridhīn / (5.1) Par.?
ṛte sphyād agnim idhmasaṃnahanaiḥ saṃmārṣṭy ājiṃ tvāgne sariṣyantaṃ saniṃ saniṣyantaṃ vājaṃ jeṣyantaṃ devebhyo havyaṃ vakṣyantaṃ vājinaṃ tvā vājajityāyai saṃmārjmi / (5.2) Par.?
agne vājaṃ jayeti // (5.3) Par.?
saprathā nama iti purastāj juhūpabhṛtor añjaliṃ karoti // (6.1) Par.?
juhvety agniṣ ṭvā hvayati devān yakṣyāvo devayajyayā iti juhūm ādatte / (7.1) Par.?
upabhṛd ehi devas tvā savitā hvayati devān yakṣyāvo devayajyayā ity upabhṛtam // (7.2) Par.?
suyame me adya stam ity abhimantryāgnāviṣṇū ity atikrāmati // (8.1) Par.?
viṣṇoḥ sthāmāsīty avatiṣṭhate // (9.1) Par.?
antarvedi dakṣiṇaḥ pādo bhavaty avaghra iva savyaḥ // (10.1) Par.?
athāghāram āghārayati ūrdhvo adhvara iti prāgudañcaṃ saṃtatam ūrdhvaṃ svargakāmasya nyañcaṃ dveṣyasya // (11.1) Par.?
asaṃsparśayan srucau pratyatikrāmati pāhi māgne duścaritād ā mā sucaritād bhajeti // (12.1) Par.?
juhvā dhruvāṃ triḥ samanakti / (13.1) Par.?
samaktam agninā haviḥ samaktaṃ haviṣā ghṛtam / (13.2) Par.?
sam antarikṣam arciṣā saṃ jyotiṣā jyotiḥ / (13.3) Par.?
iti // (13.4) Par.?
dhruvām abhighāryāyatane srucau sādayati // (14.1) Par.?
unnītaṃ rāya iti dhruvāyā ājyam unnayati suvīrāya svāheti juhūm āpyāyayati // (15.1) Par.?
yajñena yajñaḥ saṃtata iti juhvā dhruvāṃ pratyabhighārayati // (16.1) Par.?
uttarataḥ pravarāyāvatiṣṭhate / (17.1) Par.?
sphyasaṃmārgaṃ pāṇau kṛtvāpara āgnīdhro vedyās tṛṇam avyantam apādāyāha ka idam adhvaryur bhaviṣyati sa idam adhvaryur bhaviṣyati / (17.2) Par.?
yajño yajñasya / (17.3) Par.?
viṣṇoḥ sthāne tiṣṭhāmi / (17.4) Par.?
vāg ārtvijyaṃ karotu mana ārtvijyaṃ karotu / (17.5) Par.?
vācaṃ prapadye / (17.6) Par.?
bhūr bhuvaḥ svaḥ / (17.7) Par.?
brahman pravarāyāśrāvayiṣyāmīty āmantryāśrāvya pratyāśruta āha agnir devo daivyo hotā devān yakṣad vidvāṃś cikitvān manuṣvad bharatavad amuvad amuvad iti // (17.8) Par.?
ūrdhvān ṛṣīn mantrakṛto yajamānasya pravṛṇīte // (18.1) Par.?
purohitapravarenābrāhmaṇasya // (19.1) Par.?
brahmaṇvad ā ca vakṣad brāhmaṇā asya yajñasya prāvitāra iti // (20.1) Par.?
hotur upāṃśu nāmādiśati mānuṣa ity uccaiḥ // (21.1) Par.?
ghṛtavatīti saṃpreṣyati // (22.1) Par.?
srucāv ādāya samidho yajeti prathame saṃpreṣyati yaja yajety uttarān // (23.1) Par.?
trīn iṣṭvopabhṛto 'rdhaṃ juhvām ānīyottarau yajati // (24.1) Par.?
pañca prayājān uttareṇāghārasaṃbhedaṃ samānatra yajati // (25.1) Par.?
dhruvādīni havīṃṣy abhighārayaty upabhṛtam antataḥ // (26.1) Par.?
jyotiṣmatyājyabhāgau yajaty āgneyam uttarārdhe saumyaṃ dakṣiṇārdhe 'greṇāghārasaṃbhedam atikrāmam // (27.1) Par.?
pradhānāhutīḥ pūrvāṃ pūrvāṃ saṃhitām // (28.1) Par.?
āgneyena pracaryopāṃśuyajñena pracarati // (29.1) Par.?
upāṃśu devatām āhoccair anyat // (30.1) Par.?
sāṃnāyyena samānadevatasya dohayoś ca samavadāya pracarati // (31.1) Par.?
purastāt sviṣṭakṛtaḥ sruvena pārvaṇau homau juhoti / (32.1) Par.?
ṛṣabhaṃ vājinaṃ vayaṃ pūrṇamāsaṃ havāmahe / (32.2) Par.?
sa no dohatāṃ suvīraṃ rāyaspoṣaṃ sahasriṇam / (32.3) Par.?
pūrṇamāsāya surādhase svāheti paurṇamāsyām // (32.4) Par.?
amāvāsyā subhagā suśevā dhenur iva payo bhūya āpyāyamānā / (33.1) Par.?
sā no dohatāṃ suvīraṃ rāyaspoṣaṃ sahasriṇam / (33.2) Par.?
amāvāsyāyai surādhase svāhā / (33.3) Par.?
ity amāvāsyāyām // (33.4) Par.?
uttarārdhapūrvārdhe 'gniṃ sviṣṭakṛtam asaṃsṛjan yajati // (34.1) Par.?
āyatane srucau sādayati // (35.1) Par.?
Duration=0.085773944854736 secs.