Texts

Help

Select a text:
Bibliography
Select a chapter:
 (no revisions)
Associated topic(s): agnyādhāna, agnyādheya

Show parallels  Show headlines
Use dependency labeler
Chapter id: 15673
  • Click on a sentence to show its analysis
  • Keep the mouse pointer over a lemma to show its meanings.
yat pṛthivyā anāmṛtaṃ saṃbabhūva tve sacā / (1.1) Par.?
tad agnir agnaye dadat tasminn ādhīyatāmayam / (1.2) Par.?
itiprabhṛtinā tena rucā rucam aśīthā ityantena bhūr bhuvo 'ṅgirasāṃ tvā devānāṃ vratenādadhānīty āṅgiraso brāhmaṇa ādadhīta / (1.3) Par.?
bhṛgūṇāṃ tveti bhārgavo bhṛgvaṅgirasāṃ tveti bhārgavāṅgirasa ādityānāṃ tvā devānām ity anye / (1.4) Par.?
agneṣ ṭvā devasyeti ca / (1.5) Par.?
indrasya tveti rājanyo manoṣ ṭveti vaiśya ṛbhūṇāṃ tveti rathakāra āchadi tveti sarveṣām // (1.6) Par.?
ubhāvādhānamantrān ādadhānīty adhvaryur ādadha iti yajamānaḥ // (2.1) Par.?
jvalantam ādhāyeṣe rāye ramasvety abhimantrya sārasvatau tvotsau prāvatām ityantenāgnā āyūṃṣi pavasa iti tisṛbhis tisra āśvatthīḥ samidha ādadhāti // (3.1) Par.?
gārhapatyād dakṣiṇāgnim ādadhāti // (4.1) Par.?
samayādhvaṃ gate tvāhavanīye mathyam āhāryaṃ vā // (5.1) Par.?
bhraṣṭrād annādyakāmasya // (6.1) Par.?
triṃśaddhāmeti sārparājñī / (7.1) Par.?
yad antarikṣasyānāmṛtaṃ saṃbabhūva tve sacā / (7.2) Par.?
tad agnir agnaye dadat tasminn ādhīyatām ayam / (7.3) Par.?
bhuva iti vyāhṛtiḥ / (7.4) Par.?
yatharṣy adhvaryur ādadhāti // (7.5) Par.?
gārhapatye 'gnipraṇayanāny ādhāya rathyam aśvaṃ purastāt pratyañcam avasthāpya tasya dakṣiṇakarṇe japati yā vājinn agner iti // (8.1) Par.?
ojase balāya tvety agnim udyacchati // (9.1) Par.?
śūrpe pāṃsūn nyupyādhastād upayamanīr upayacchati // (10.1) Par.?
prācīm anu pradiśam iti praṇayati // (11.1) Par.?
aśvam agrato nayati // (12.1) Par.?
kulphadaghne harati jānudaghne nābhidaghne 'ṃsadaghne karṇadaghne // (13.1) Par.?
na karṇadaghnam aty udyacchati // (14.1) Par.?
dakṣiṇato harati samaṃ prāṇair dhārayamāṇaḥ // (15.1) Par.?
samayādhve varaṃ dadāti // (16.1) Par.?
praṇīyamāne dakṣiṇato brahmā dhūrgṛhītaṃ rathaṃ vartayati // (17.1) Par.?
yaḥ sapatnavān bhrātṛvyavān vā syāt tasya rathacakreṇa vihāraṃ trir anuparivartayeyuḥ // (18.1) Par.?
abhyasthāṃ viśvā iti purastāt pratyañcam aśvam āhavanīyalakṣaṇam ākrāmayati // (19.1) Par.?
na prāñcam avasṛjet // (20.1) Par.?
tam anidhāyaiveti brāhmaṇavyākhyātam // (21.1) Par.?
antaś caratīti sārparājñī / (22.1) Par.?
yad divo 'nāmṛtaṃ saṃbabhūva tve sacā / (22.2) Par.?
tad agnir agnaye dadat tasminn ādhīyatām ayam / (22.3) Par.?
bhūr bhuvaḥ svariti vyāhṛtir yatharṣyagne havyāya voḍhava ityantena // (22.4) Par.?
purastāt pratyaṅmukhas tiṣṭhan pārśvataḥ padasyādhāyeṣe rāye ramasvety abhimantrya sārasvatau tvotsau prāvatām ityantenāśvenopaghrāpayet // (23.1) Par.?
araṇyor nihito jātavedā ity etasyāṃ sāma gāyeti brūyād araṇyor nihitayoḥ // (24.1) Par.?
agniṃ naro dīdhitibhir ity etasyāṃ sāma gāyeti brūyāt samavahitayoḥ // (25.1) Par.?
tveṣas te dhūma ṛṇvatīty etasyāṃ sāma gāyeti brūyād dhūme // (26.1) Par.?
adarśi gātuvittama ity etasyāṃ sāma gāyeti brūyāj jāte // (27.1) Par.?
rathantaraṃ gāyati gārhapatya ādhīyamāne // (28.1) Par.?
bṛhad āhavanīya uddhriyamāṇe // (29.1) Par.?
vāmadevyam ādhīyamāne / (30.1) Par.?
yajñāyajñiyaṃ ca // (30.2) Par.?
nihite vāravantīyaṃ varaṇapāṇir nihite śyaitam // (31.1) Par.?
purastāt sabhāyā āhavanīyāt sabhyam agnim ādadhāti // (32.1) Par.?
tasya paścāc catuḥśatam akṣān nivapati // (33.1) Par.?
sabhyāt pūrvam āvasathyam // (34.1) Par.?
agner manva ity ajaṃ vimucya vācaṃ visṛjya dakṣiṇā dadāti // (35.1) Par.?
aśvaṃ vahinaṃ brahmaṇe 'dhvaryave vā // (36.1) Par.?
ajam agnīdha upabarhaṇaṃ ca sarvasūtram // (37.1) Par.?
kṣaumam idam adhvaryave // (38.1) Par.?
purastād vihārasyānaḍvāhaṃ dhenuṃ ca paścāt parītya hotre // (39.1) Par.?
dvihāyanamithunau ratha iti sarveṣām avinirdiṣṭam // (40.1) Par.?
ṣaḍdvādaśacaturviṃśatyaparimitagavāṃ saṃkhyāvikalpaḥ // (41.1) Par.?
anṛtavadanaṃ brāhmaṇopavāsanaṃ svakṛta iriṇe 'vasānam antar nāvy udakācamanam ṛbīsapakvāśanaṃ klinnakāṣṭhābhyādhānam iti varjayet // (42.1) Par.?
agnīn upatiṣṭhate yajamānaḥ // (43.1) Par.?
Duration=0.094085931777954 secs.