Texts

Help

Select a text:
Bibliography
Select a chapter:
 (no revisions)
Associated topic(s): punarādheya

Show parallels  Show headlines
Use dependency labeler
Chapter id: 15690
  • Click on a sentence to show its analysis
  • Keep the mouse pointer over a lemma to show its meanings.
adhiśrite 'gnihotre mamāgne varca iti catasṛbhir vaihavībhir hastāv avanenijīta purastād agnīṣomīyāyā uttarāś catasro japet // (1.1) Par.?
vidyud asi vidya me pāpmānam ity apa upaspṛśya tiṣṭhet // (2.1) Par.?
unnīyamāne vācaṃ yacchati // (3.1) Par.?
abhyudāhṛta upaviśya daśahotrābhimṛśyottarām āhutim upotthāyopaprayanto adhvaram iti prāgudaṅmukhaś caturbhir anuvākair āhavanīyam upatiṣṭheta // (4.1) Par.?
agnīṣomīyayā pūrvapakṣa aindrāgnyāparapakṣe // (5.1) Par.?
agnā āyūṃṣi pavasa iti ṣaḍbhir āhavanīyaṃ nityaṃ saṃvatsare saṃvatsare gārhapatyam // (6.1) Par.?
agneḥ samid asīti paryāyair āhavanīye samidha ādadhāti // (7.1) Par.?
citrāvaso svasti te pāram aśīyārvāgvaso svasti te pāram aśīyeti trir japati / (8.1) Par.?
prātarupasthāne cāmbhaḥ sthāmbho vo bhakṣīyeti gṛhān upatiṣṭhate // (8.2) Par.?
revatī ramadhvam ity antarāgnī tiṣṭhan japati // (9.1) Par.?
saṃhitāsi viśvarūpeti vaśām ālabhate vatsaṃ vā // (10.1) Par.?
upa tvāgne dive diva iti gārhapatyam / (11.1) Par.?
abhyasthāṃ viśvā ity āhavanīyam // (11.2) Par.?
ūrjā vaḥ paśyāmy ūrjā mā paśyateti gṛhān paśūn abhivīkṣate // (12.1) Par.?
iḍāḥ stheti gām ālabhate bhuvanam asīti vatsam // (13.1) Par.?
nimrado 'sīti brāhmaṇavyākhyātam // (14.1) Par.?
prācī dig iti paryāyair diśa upatiṣṭhate // (15.1) Par.?
agne gṛhapata iti gārhapatyaṃ yathā yājamāne // (16.1) Par.?
jyotiṣe tantave tvety antarvedy upaviśyāhavanīye 'bhyādhāya vṛṣṭir asi vṛśca me pāpmānam ity apa upaspṛśet // (17.1) Par.?
prātaravanegena prātar upatiṣṭheta // (18.1) Par.?
apāṃ pate yo 'pāṃ bhāgaḥ sa ta eṣa iti prāgudañcam udakāñjalim utsicya pratiṣiktā arātaya iti triḥ pratyukṣati // (19.1) Par.?
kālāya vām iti pāṇī prakṣālyedam ahaṃ duradmanyāṃ niṣplāvayāmīty ācamya niṣṭhīvati // (20.1) Par.?
bhrātṛvyāṇāṃ sapatnānām iti pāṇī prakṣālayate // (21.1) Par.?
indriyavatīm adyeti yathārūpaṃ gātrāṇi saṃmṛśati // (22.1) Par.?
ado mā mā hāsiṣṭeti pāṇī prakṣālayate // (23.1) Par.?
sūryapatnīr ity abhiṣiñcan purudhyavāno mahiṣa iti ca hute catasro vaihavīr uktvā gharmo jaṭhare ity anuvākenāhavanīyam upatiṣṭheta // (24.1) Par.?
asau svasti te 'stvasau svasti te 'stviti nāmagrāhaṃ putrān anvātayate // (25.1) Par.?
agnīn samādhehīty āha pravatsyan // (26.1) Par.?
bhāsvata upatiṣṭhate / (27.1) Par.?
paśūn me śaṃsya pāhīty āhavanīyaṃ prajāṃ me narya pāhīti gārhapatyam annaṃ me budhya pāhīti dakṣiṇāgniṃ saprathaḥ sabhāṃ me pāhīti sabhyam ahirbudhnya mantraṃ me pāhīty āvasathyam // (27.2) Par.?
imān me mitrāvaruṇau gṛhān gopāyataṃ yuvam ity antarāgnī tiṣṭhan japati // (28.1) Par.?
mama nāma prathamaṃ jātavedaḥ pitā mātā ca dadhatur nv agre / (29.1) Par.?
tat tvaṃ bibhṛhi punar ā mamaitos tanvāham agne bibharāṇi nāma / (29.2) Par.?
ity āhavanīyam // (29.3) Par.?
mā pragāma patho vayaṃ mā yajñād indra sominaḥ / (30.1) Par.?
māntaḥ sthur no arātayaḥ / (30.2) Par.?
yo yajñasya prasādhanas tantur deveṣv ātataḥ / (30.3) Par.?
tam āhutaṃ naśīmahi / (30.4) Par.?
iti vrajati // (30.5) Par.?
sakāśe vācaṃ yacchaty asakāśe visṛjate // (31.1) Par.?
yathākālam agnyupasthānayājamāne japet // (32.1) Par.?
proṣya samidha āharati // (33.1) Par.?
asakāśe vācaṃ yacchati sakāśe visṛjate // (34.1) Par.?
agnīn samādhehīty āha / (35.1) Par.?
proṣya bhāsvata upatiṣṭhate // (35.2) Par.?
agneḥ samid asīti paryāyaiḥ sarveṣu samidha ādhāya viśvadānīm ābharanto 'nātureṇa manasā / (36.1) Par.?
agne mā te prativeśā riṣāma / (36.2) Par.?
ity āhavanīyaṃ paśūn me śaṃsyājugupa iti ca / (36.3) Par.?
prajāṃ me naryājugupa iti gārhapatyam annaṃ me budhyājugupa iti dakṣiṇāgniṃ saprathaḥ sabhāṃ me 'jugupas tāṃ me punar dehīti sabhyam ahirbudhnya mantraṃ me 'jugupas taṃ me punar dehīty āvasathyam // (36.4) Par.?
imān me mitrāvaruṇau gṛhān ajugupataṃ yuvam ity antarāgnī tiṣṭhan japati // (37.1) Par.?
mama ca nāma tava ca jātavedo vāsasī iva vivasānau carāvaḥ / (38.1) Par.?
te bibhṛto mahase jīvase ca yathāyathaṃ nau tanvau jātavedaḥ / (38.2) Par.?
ity āhavanīyam // (38.3) Par.?
nava rātrīḥ parārdhāḥ proṣyāhutiṃ juhoti viśvakarman haviṣā ghṛtena vicchinnaṃ yajñaṃ samimaṃ dadhātu / (39.1) Par.?
yā iṣṭā uṣaso yāśca yājyās tāḥ saṃdadhāmi manasā ghṛtena / (39.2) Par.?
iti // (39.3) Par.?
nava rātrīḥ parārdhā uṣitvā sahagṛhaḥ prayāsyan yukteṣu cakrāvatsu vāstoṣpatyaṃ juhoti // (40.1) Par.?
na hīnam anvāhareyuḥ // (41.1) Par.?
amīvahā vāstoṣpate / (42.1) Par.?
vāstoṣpata ity etābhyām āhutī hutvāyaṃ te yonir ṛtviya ity araṇyor agniṃ samāropayati gārhapatyāhavanīyau gataśriyo gārhapatyam agataśriyaḥ // (42.2) Par.?
dakṣiṇāgnir yadi mathyaḥ samāropayet // (43.1) Par.?
yady araṇyor nāśam āśaṅketa sakṣehi yā te yajñiyā tanūs tayehy ārohety ātmani vihāraṃ samāropayati // (44.1) Par.?
na sahāgnir ṛte gṛhebhyaḥ pravaset // (45.1) Par.?
nāsaṃdahyāvakṣāṇāni prayāyāt // (46.1) Par.?
upāvaroha jātavedo devebhyo havyaṃ vahatu prajānan / (47.1) Par.?
āyuḥ prajāṃ rayim asmāsu dhehy ariṣṭo dīdihi no duroṇe / (47.2) Par.?
ity upāvarohya manthet // (47.3) Par.?
Duration=0.15024304389954 secs.