Texts

Help

Select a text:
Bibliography
Select a chapter:
 (no revisions)
Associated topic(s): animal sacrifice, paśubandha

Show parallels  Show headlines
Use dependency labeler
Chapter id: 15707
  • Click on a sentence to show its analysis
  • Keep the mouse pointer over a lemma to show its meanings.
hṛdayasya jihvāyāḥ kroḍasya savyasya kapilalāṭasya pārśvayor yakno vṛkkayor dakṣiṇasyāḥ śroṇyāḥ gudatṛtīyam iti dvir dvir avadāya juhvām avadyati // (1.1) Par.?
tridhā gudaṃ vicchidyāsyāṇīyaso devatābhyo 'vadyati // (2.1) Par.?
sthaviṣṭhagudasyopayaḍbhyo nidadhāti // (3.1) Par.?
dakṣiṇasya kapilalāṭasya pūrvārdhān madhyamaṃ gudatṛtīyaṃ savyāyāḥ śroṇyā jaghanārdhāt sakṛt sakṛd upabhṛti sviṣṭakṛte // (4.1) Par.?
yūṣe medaḥ pariplāvya traidhaṃ vicchidya juhūpabhṛtau pracchādayati // (5.1) Par.?
śeṣam iḍāyām abhito daivatāni hiraṇyaśakalāv avadyati // (6.1) Par.?
reḍ asīti svadhitinā vasāhomaṃ prayauti // (7.1) Par.?
prayutā dveṣāṃsīti pārśvenāpas tvā samariṇvann iti gṛhītvā pārśvenāpidadhāti // (8.1) Par.?
anusuṃ ṣaḍiḍām avadyati vaniṣṭhuṃ saptamam // (9.1) Par.?
klomānaṃ purītatam iti saṃkṛtya vardhayitveḍāṃ yūṣeṇopasicya pratiparītya pracarati // (10.1) Par.?
indrāgnibhyāṃ chāgasya haviṣo 'nubrūhi / (11.1) Par.?
indrāgnibhyāṃ chāgasya haviṣaḥ preṣyeti saṃpreṣyati // (11.2) Par.?
ghṛtaṃ ghṛtapāvāna ity ardharce yājyāyā vasāhomaṃ juhoti // (12.1) Par.?
pṛṣadājyena sakṛd eva tena vanaspatiṃ yajati // (13.1) Par.?
vanaspataye 'nubrūhi / (14.1) Par.?
vanaspataye preṣyeti saṃpreṣyati // (14.2) Par.?
vasām aśeṣeṇa diśaḥ prati yajati / (15.1) Par.?
diśaḥ svāheti paryāyaiḥ pratidiśam // (15.2) Par.?
madhye pañcamena pūrvārdhe ṣaṣṭhena // (16.1) Par.?
aupabhṛtaṃ juhvām avanīya sviṣṭakṛtā pracarati // (17.1) Par.?
aindraḥ prāṇa iti yajamānaḥ paśuṃ saṃmṛśaty avadānavantam // (18.1) Par.?
upahūtāyām iḍāyām adhyūdhnīṃ hotre haranti // (19.1) Par.?
vaniṣṭhum agnīdha ādadhāti yathāgnīdhrabhāgam // (20.1) Par.?
dakṣiṇāsan mārjanasaṃpreṣam uktvāgnīd aupayajāṅgārān āharopayaṣṭar upasīdasveti saṃpreṣyati // (21.1) Par.?
śāmitrād āgnīdhro 'ṅgārān paścārdhe vedyā vyūhyopasamādadhāti // (22.1) Par.?
uttarato dakṣiṇāmukha upaviśya tasmin pratiprasthātopayajati gudakāṇḍam ekādaśadhā sambhindann avadāya vaṣaṭkārānteṣv anuyājānām ekaikaṃ hastena juhoti // (23.1) Par.?
samudraṃ gaccha svāheti paryāyair ekādaśa hutvā mano hārdiṃ yaccheti hṛdayadeśam abhimṛśati // (24.1) Par.?
oṣadhībhyas tveti darbheṣu nimārṣṭi // (25.1) Par.?
apaḥ spṛṣṭvā pṛṣadājyenānuyājān yajati // (26.1) Par.?
devebhyaḥ preṣyeti prathame saṃpreṣyati preṣyety uttarān // (27.1) Par.?
ekādaśabhiḥ pracarya svaruṃ juhvāṃ trir upariṣṭāt trir adhastād aktvā dadhāti divaṃ te dhūmo gacchatv iti // (28.1) Par.?
ūrdhvaṃ svaruhomāt prāg anudeśād yūpo nopaspṛśyaḥ // (29.1) Par.?
sūktavāke sūktā preṣyeti saṃpreṣyati // (30.1) Par.?
jāghanyā patnīḥ saṃyājayaty uttānāyā devānāṃ patnībhyo 'vadyatīḍāṃ cāgnaye gṛhapataye cāgnīdhe ca // (31.1) Par.?
yajñaṃ gaccha svāheti paryāyais trīṇi samiṣṭayajūṃṣi juhoti // (32.1) Par.?
purastān nityasya tṛtīyaḥ svāhākāraḥ pūrṇapātrasthāne // (33.1) Par.?
śūlenāvabhṛthaṃ yanti // (34.1) Par.?
parogoṣṭhaṃ yad ārdram anudakam anauṣadhikaṃ ca tasmin śamitopavapati // (35.1) Par.?
śug asi yaṃ dviṣmas tam abhiśocety upopyamānam anumantrayate // (36.1) Par.?
dhāmno dhāmno rājann ity āntād anuvākasyādhy adhi mārjayitvā samidhaḥ kṛtvānapekṣamāṇāḥ pratyāyanti edho 'sy edhiṣīmahi svāhety āhavanīye samidham ādadhāti // (37.1) Par.?
samid asi samedhiṣīmahīti dvitīyām // (38.1) Par.?
Duration=0.082573890686035 secs.