Texts

Help

Select a text:
Bibliography
Select a chapter:
 (no revisions)
Associated topic(s): cāturmāsya

Show parallels  Show headlines
Use dependency labeler
Chapter id: 15719
  • Click on a sentence to show its analysis
  • Keep the mouse pointer over a lemma to show its meanings.
pitṛyajñe 'greṇa dakṣiṇāgniṃ vedim uddharati // (1.1) Par.?
akhātā bhavati // (2.1) Par.?
prāgudīcīnaṃ stambayajur harati // (3.1) Par.?
samaṃ caturaśraṃ pariśrayati // (4.1) Par.?
uttarāṃ prati vediśroṇiṃ dvāraṃ kurvanti // (5.1) Par.?
ekolmukaṃ madhye vedyāḥ sādayati // (6.1) Par.?
sa āhavanīyaḥ // (7.1) Par.?
varṣīyo nityād barhir upamūlalūnaṃ varṣīyān idhmaḥ // (8.1) Par.?
agreṇa nityam āhavanīyam atihāraḥ // (9.1) Par.?
uttarato vedyāḥ pātrāṇi prayunakti // (10.1) Par.?
dakṣiṇato nirvapati // (11.1) Par.?
somāya pitṛmate ṣaṭkapālaḥ puroḍāśaḥ pitṛbhyo barhiṣadbhyo dhānāḥ pitṛbhyo 'gniṣvāttebhyo manthaḥ // (12.1) Par.?
tūṣṇīkāṃs tryambakān puroḍāśān ekakapālān pratipuruṣaṃ yajamānasyaikādhikān // (13.1) Par.?
prokṣaṇīstigrān yavān avaghnanti // (14.1) Par.?
dakṣiṇārdhe gārhapatyasya puroḍāśaṃ śrapayaty uttarārdhe tryambakān // (15.1) Par.?
dakṣiṇāgnau yavān bhṛjjati // (16.1) Par.?
peṣaṇavelāyāṃ dhānā mantreṇa vibhajati // (17.1) Par.?
abhivānyāyāḥ payasi manthaṃ dohana ikṣuśalākayā prasavyam āloḍayati // (18.1) Par.?
śalākāsthaṃ manthaṃ karoti // (19.1) Par.?
caturgṛhītāny ājyāny adhy adhi gārhapatyaṃ gṛhṇāti // (20.1) Par.?
tūṣṇīṃ prastaram uddhavam ādatte // (21.1) Par.?
samantaṃ barhis triḥ stṛṇan paryety ayā viṣṭheti // (22.1) Par.?
trir astṛṇan pratiparyeti // (23.1) Par.?
ekaikam abhyudāharaty udakumbham ājyenāgrataḥ pariṣecanāya // (24.1) Par.?
agnaye devebhyaḥ pitṛbhyaḥ samidhyamānāyānubrūhīti saṃpreṣyati // (25.1) Par.?
uśantas tvā havāmaha ity ekā sāmidhenī // (26.1) Par.?
tasyāṃ trir uktāyāṃ sakṛd idhmam ādadhāti // (27.1) Par.?
na hotāraṃ vṛṇīte nārṣeyam // (28.1) Par.?
apabarhiṣaḥ prayājān yajati // (29.1) Par.?
ājyabhāgābhyāṃ pracarya prācīnāvītāni kurvate // (30.1) Par.?
vipariharanti havīṃṣi // (31.1) Par.?
vipariyanty ṛtvijaḥ // (32.1) Par.?
yathāsthānaṃ juhūḥ // (33.1) Par.?
upabhṛd dhruve dakṣiṇe // (34.1) Par.?
yathāsthānaṃ puroḍāśaṃ dakṣiṇā dhānā manthaṃ dakṣiṇataḥ // (35.1) Par.?
āgnīdhraḥ pratyāśrāvayati // (36.1) Par.?
aparo yajamānaḥ // (37.1) Par.?
dakṣiṇato 'dhvaryur avadyati triś caturavadānasya catuḥ pañcāvadānasya // (38.1) Par.?
udaṅṅ atikrāmaṃ somāya pitṛmate 'nu svadhety anuvācayati // (39.1) Par.?
o svadhety āśrāvayati // (40.1) Par.?
astu svadheti pratyāśrāvayati // (41.1) Par.?
somaṃ pitṛmantaṃ svadheti saṃpreṣyati // (42.1) Par.?
svadhā nama iti vaṣaṭkāraḥ // (43.1) Par.?
dakṣiṇāmukho dakṣiṇārdhe juhoti // (44.1) Par.?
etena dharmeṇa sviṣṭakṛdantaiḥ pracarati // (45.1) Par.?
agniḥ kavyavāhana iti sviṣṭakṛt // (46.1) Par.?
manthādīnām iḍām avadyati // (47.1) Par.?
brahmāgnīdhro yajamāna ity avaghreṇa bhakṣayitveḍāṃ haviḥśeṣāṃś ca trīn piṇḍān kṛtvā sraktiṣu prasavyaṃ nidadhāti yathā piṇḍapitṛyajña uttarāṃ śroṇīṃ parihāpya // (48.1) Par.?
tasyāṃ lepān nimārṣṭi // (49.1) Par.?
atra pitaro mādayadhvam ity uktvā paretya susaṃdṛśaṃ tvā vayam ity āhavanīyam upatiṣṭhante // (50.1) Par.?
yojā nv indra te harom iti praṇavena tāmyante // (51.1) Par.?
yad antarikṣam iti gārhapatyam // (52.1) Par.?
amīmadanta pitara iti pariśritaṃ prapadyāñjanābhyañjanadaśānihavanam iti kṛtvā pretana pitara iti trir apaḥ pariṣiñcan paryeti // (53.1) Par.?
ayā viṣṭheti trir apariṣiñcan pratiparyeti // (54.1) Par.?
akṣann amīmadanteti patnyagniṃ manasvatīś ca pratyāyanti // (55.1) Par.?
agne tam adyāśvam iti gārhapatyam upatiṣṭhate // (56.1) Par.?
apabarhiṣāv anuyājau yajati devau yaja yajeti saṃpreṣyati // (57.1) Par.?
na patnīḥ saṃyājayanti na samiṣṭayajur juhoti // (58.1) Par.?
samāpyeṣṭiṃ prāgudañcas tryambakair yajanti // (59.1) Par.?
mūte puroḍāśān upavapanti // (60.1) Par.?
ekolmukaṃ parācīnaṃ dhūpāyamānaṃ haranti // (61.1) Par.?
ākhuṃ te rudra paśuṃ karomīty ākhukirau puroḍāśam ekam upavapati // (62.1) Par.?
ekolmukaṃ catuṣpatha upasamādhāya puroḍāśānāṃ sakṛt sakṛt samavadāyāraṇyena palāśaparṇena madhyamena juhoty eṣa te rudra bhāga iti // (63.1) Par.?
avāmba rudram adimahīti yajamāno 'mātyaiḥ sahāgniṃ paryeti // (64.1) Par.?
patikāmāpi yāyāt // (65.1) Par.?
bhago 'si bhagasyeṣa ity udasya pratilabhya yajamānāya samāvapanti // (66.1) Par.?
patikāmāpi vā // (67.1) Par.?
trir etena dharmeṇa // (68.1) Par.?
yathāsvam upayāmam // (69.1) Par.?
bheṣajaṃ gava iti dvitīyaṃ pariyanti // (70.1) Par.?
tryambakaṃ yajāmaha iti tṛtīyam // (71.1) Par.?
sugandhiṃ pativedanam / (72.1) Par.?
urvārukam iva bandhanān mṛtyor mukṣīya māmṛtāt / (72.2) Par.?
iti patikāmā // (72.3) Par.?
yathāmnātam itare // (73.1) Par.?
mūta upanahya vṛkṣa āsajati rudraiṣa te bhāga ity ubhayataḥ // (74.1) Par.?
anapekṣamāṇāḥ pratyāyanti // (75.1) Par.?
mārjanaṃ samidādhānam iti yathā paśubandhe // (76.1) Par.?
prāpyādityaṃ ghṛte caruṃ nirvapati // (77.1) Par.?
kraiḍiniprabhṛtyādityāntaṃ prāg astamayāt kriyeta // (78.1) Par.?
saṃsthitāyāṃ paurṇamāsīṃ saṃsthāpya nivartayate / (79.1) Par.?
yo 'syāḥ pṛthivyā adhi tvaci nivartayatyoṣadhīḥ / (79.2) Par.?
agnis tigmeneti samānam // (79.3) Par.?
Duration=0.16913795471191 secs.