Texts

Help

Select a text:
Bibliography
Select a chapter:
 (no revisions)
Associated topic(s): vājapeya

Show parallels  Show headlines
Use dependency labeler
Chapter id: 15590
  • Click on a sentence to show its analysis
  • Keep the mouse pointer over a lemma to show its meanings.
aṅkau nyaṅkāvabhito rathaṃ ye dhvāntā vātā agramabhi ye saṃpatanti / (1.1) Par.?
dūrehetiḥ patatrī vājinīvāṃs te no agnayaḥ paprayaḥ pārayantv iti / (1.2) Par.?
cakram abhimantrayate // (1.3) Par.?
aśvājani vājini vājeṣu vājinīvaty aśvān samatsu codayeti kāśām ādāyārvāsi saptir asīty aśvān saṃkṣipati // (2) Par.?
viśa itarāḥ preṣṭān ārohanti // (3) Par.?
taiḥ sahājiṃ dhāvati // (4) Par.?
vājaṃ vājino jayateti yajuṣā // (5) Par.?
catasṛbhir dhāvati // (6) Par.?
rathā āvartante / (7.1) Par.?
pradakṣiṇaṃ kāṣṭhāṃ kṛtvāyanti // (7.2) Par.?
ā mā vājasyety etayāgateṣu juhoti // (8) Par.?
pratirathaṃ kṛṣṇalāny āharanti // (9) Par.?
hiraṇyasthālaṃ śatamānasya madhunaḥ pūrṇaṃ brahmaṇe // (10) Par.?
indrāya vācaṃ vadateti dundubhīn āghnanti // (11) Par.?
iyaṃ vaḥ sā satyetīndrāya vācaṃ vimucyadhvam iti rathavimocanīyaṃ juhoti // (12) Par.?
tena dharmeṇa yugyau naivāram avaghrāpayati // (13) Par.?
darbhamayaṃ vāsaḥ patnī paridhatte tārpyaṃ yajamānaḥ kṣaumaṃ yūṣe sarpiṣi vā paryastam // (14) Par.?
svo rohāveti yajamānaḥ patnīm āmantrayata ehīti patnī tair etena dharmeṇa // (15) Par.?
ahaṃ nāv ubhayo rokṣyāmīty uktvāyuryajñena kalpata iti yajamāno yūpam ārohati // (16) Par.?
annāya tvā vājāya tveti viśa ūṣapuṭair yajamānam arpayanti purastāt pratyañcam // (17) Par.?
yo yaḥ paryeti taṃ tam abhiparyāvarteta // (18) Par.?
svar devā agāmety ūrvāvyadhistrinayati // (19) Par.?
agne acchāvadeha na iti saptabhir annahomān juhoti // (20) Par.?
agnayā ekākṣarāya chandase svāhety anuvākaśeṣeṇa yajamānam avarohayati // (21) Par.?
iyaṃ te rāṇ mitrasya yantāsi yamano dhartāsi dharuṇo rayyai poṣāya kṛṣyai kṣemāyety avarohantam anumantrayate // (22) Par.?
kṛṣṇājinam āsandyām āstṛṇāti bastājine rukmaṃ śatamānam / (23.1) Par.?
tejo 'sīti rukme pādam ādadhāti puṣṭir asi prajananam asīti bastājine // (23.2) Par.?
divaṃ proṣṭhanīm āroha tām āruhya prapaśyaikarāṇ manuṣyāṇām ity ārohantam anumantrayate // (24) Par.?
tena dharmeṇa pariṣiñcati // (25) Par.?
atraivāsya śvetaṃ chatraṃ dhārayanty ājiśareṇa vā // (26) Par.?
paridhānīyāṃ sampādya māhendreṇa pracaraty aindraiś cātigrāhyaiḥ // (27) Par.?
upākṛte brahmasāmni sarasvatīprabhṛtīnāṃ vapāḥ saṃskurvanti // (28) Par.?
prāyājikasyāśeṣeṇābhighārayati // (29) Par.?
brāhmaṇācchaṃsicamasaiḥ pracarya sahaprājāpatyam apannadatyā vapayā pracarya naivāreṇa pracarya paśupuroḍāśaiḥ pracarati // (30) Par.?
sahasviṣṭakṛdiḍaṃ naivārasya paśupuroḍāśānāṃ ca // (31) Par.?
paśukāla itaraiḥ paśubhiḥ pracarati // (32) Par.?
vanaspatisviṣṭakṛdiḍam iti pariśāyayanti // (33) Par.?
ṣoḍaśicamasaiḥ pracarya hotṛcamasamukhyān vājapeyacamasān unnayati // (34) Par.?
stutaśastravantaḥ // (35) Par.?
saṃpṛcaḥ stha saṃ mā bhadreṇa pṛṅkteti prāṅ adhvaryuḥ somagrahair uddravati vipṛcaḥ stha vi mā pāpmanā pṛṅkteti pratyaṅ pratiprasthātā surāgrahaiḥ // (36) Par.?
paścāddhavirdhānasya nidadhāti // (37) Par.?
grahacamasaiḥ pracaranti // (38) Par.?
upodyacchanti suropayāmān // (39) Par.?
bhakṣayanti camasān // (40) Par.?
upari sthāpayanti grahān // (41) Par.?
sārasvataprabhṛtibhir mūrdhni pracaranti // (42) Par.?
sahasviṣṭakṛdiḍaṃ pūrveṣāṃ ca // (43) Par.?
upahṛtāyām iḍāyāṃ vaśāyā yāny avadānīyāny aṅgāni tāny ṛtvigbhyo haranti somagrahāṃś ca yāny anavadānīyāni tāny ājisṛgbhyaḥ suropayāmāṃśca paryāktājanīnāṃ pratihitaḥ prastanti // (44) Par.?
na vājapeyayājī kaṃcana pratyavarohen na pratyuttiṣṭhet // (45) Par.?
yadi pratyavarohet pratyuttiṣṭhed vā bṛhaspatisavena yajetendrasavena rājanyaḥ // (46) Par.?
samrāḍ ity enam ācakṣīran // (47) Par.?
Duration=0.11944198608398 secs.