Texts

Help

Select a text:
Bibliography
Select a chapter:
 (no revisions)
Associated topic(s): Pashupata Shaivism

Show parallels  Show headlines
Use dependency labeler
Chapter id: 655
  • Click on a sentence to show its analysis
  • Keep the mouse pointer over a lemma to show its meanings.
tatrobhayaṃ dvayaṃ samastam ityarthaḥ // (1) Par.?
tuśabdo devapitṛṣu vaiśeṣikaṃ kāraṇatvaṃ vyāvartayati rudre iti kāraṇāpadeśam // (2) Par.?
rudrasya rudratvaṃ pūrvoktam // (3) Par.?
rudra iti vaiṣayikaṃ saṃnidhānam // (4) Par.?
atra śaktirviṣaya ity anarthāntaram // (5) Par.?
te devapitaro rudraśaktyāṃ hāryadhāryakāryatvena vartante ādhīyante viṣaye vartanta ityarthaḥ // (6) Par.?
devāḥ pitaraśca // (7.2) Par.?
tatra devā iti ṛbhuṣu brahmādipiśācānteṣu manuṣyatiryagyonivarjaṃ sāmānyasaṃjñā // (8) Par.?
vidhivat // (9) Par.?
pitara iti viśeṣasaṃjñā bhasmasnānādivad ityarthaḥ // (10) Par.?
brāhmaṇadevadattādivac ca // (11) Par.?
atrāha sāmānyaviśeṣasaṃjñābhidhāne kiṃ prayojanamiti cet // (12) Par.?
taducyate trividhasyāpi kāryasya rudre hāryadhāryakāryajñāpanārthaṃ kiṃca kālakriyāsvāhāsvadhāmantrānyatvadarśanād devapitṛyajanāpahṛtacittavyāvartanārthatvāc ca // (13) Par.?
tasmād anyānanyatvenāpi vyākhyānam aduṣṭam // (14) Par.?
caśabdo'bhyadhikatve // (15) Par.?
devapitṛvat sattvasya trividhasyāpi kāryasyeśvare pratiṣṭhāprasavasaṃyogaviyogasukhamohabandhamokṣadātṛtvena ca sa eva paraṃ kāraṇaṃ samastatvenāpyate ityevaṃ caśabdo'bhyadhikatve draṣṭavyaḥ tasmād duḥkhāntārthinā te devapitaro na yaṣṭavyāḥ // (16) Par.?
tadarthe bhagavān maheśvaro yaṣṭavya ityarthaḥ // (17) Par.?
atredam ānuṣaṅgikaṃ kāryakāraṇaprakaraṇaṃ parisamāptam // (18) Par.?
ata uttarasya vidhiprakaraṇasya satyapi padārthavailakṣaṇye sādhyasādhanabhāvād yajanena saha sambandhaṃ kariṣyāmaḥ // (19) Par.?
kasmāt // (20) Par.?
iha purastāduktam ubhayathā yaṣṭavyaḥ devavat pitṛvac ca // (21) Par.?
yatra pūrvaṃ devapitṛbhyo vyāvartitayā bhaktyā maheśvaraṃ yajato'navagamāt svātmeśvarasaṃyogaṃ yogaṃ prāpsyasi tatphalaṃ vakṣyāmaḥ // (22) Par.?
yena ca balenopabṛṃhitasya tatraiva yajane udyogo'bhiniveśaśca bhaviṣyati tad balaṃ vakṣyāmaḥ // (23) Par.?
tadbalaprāptau copāyaṃ vakṣyāmaḥ // (24) Par.?
taducyate // (25) Par.?
Duration=0.099852085113525 secs.