Texts

Help

Select a text:
Bibliography
Select a chapter:
 (no revisions)
Associated topic(s): Pashupata Shaivism

Show parallels  Show headlines
Use dependency labeler
Chapter id: 927
  • Click on a sentence to show its analysis
  • Keep the mouse pointer over a lemma to show its meanings.
asiddhastu sarvathāpi vartamāno lipyata ityarthaḥ // (1) Par.?
ato yogī siddha ityevaṃ prāpte sukhamukhoccāraṇārtham uktaṃ siddhayogī iti // (2) Par.?
atra // (3) Par.?
yogo nāmātmeśvarayoryogaḥ // (4) Par.?
tenāyaṃ yogī // (5) Par.?
siddho nāma darśanādyaiśvaryaṃ prāptaḥ // (6) Par.?
sa khalu vaśīkaraṇāveśanapālanādipravīṇaḥ // (7) Par.?
na lipyate na saṃyujyata ityarthaḥ // (8) Par.?
āha kena na lipyate // (9) Par.?
taducyate karmaṇā // (10) Par.?
atra karmaṇetyucyate // (11) Par.?
kasmāt // (12) Par.?
kṛtakatvāt // (13) Par.?
karmaṇeti tṛtīyā // (14) Par.?
iṣṭasthānaśarīrendriyaviṣayasambandhakṛtena karmaṇā na lipyate na saṃyujyata ityarthaḥ // (15) Par.?
āha aninditena śubhena karmaṇā na saṃyujyata ityucyate āho atha kimaśubhena karmaṇā lipyate neti // (16) Par.?
taducyate na // (17) Par.?
yasmādāha pātakena // (18) Par.?
atra pāpākhyena pātakena vāniṣṭasthānaśarīrendriyaviṣayagato 'śubhaṃ bhuṅkte tenāpyaśubhena karmaṇā na lipyate na yujyata ityarthaḥ // (19) Par.?
vā trikalpe // (20) Par.?
pātakena vā apātakena vā samastābhyāṃ vā vaśīkaraṇāveśanapālanādiṣu pravartamāno na lipyate na saṃyujyata ityarthaḥ // (21) Par.?
kasmāt // (22) Par.?
siddhisāmarthyāt // (23) Par.?
asiddhaścāyaṃ yogī brāhmaṇo gomṛgadharmāvastho yadi sarvathāpi gomṛgavat pravartate tato lipyate // (24) Par.?
tasmād gomṛgayor akuśaladharmo na grāhyaḥ // (25) Par.?
kuśaladharmaśca svādhyātmikādidvaṃdvasahiṣṇutvaṃ parigṛhyate // (26) Par.?
tenāyaṃ śucirbhavati // (27) Par.?
āha kimasyāśaucam // (28) Par.?
taducyate dvaṃdvair yogavyāsaṅgakaraiḥ kāmakrodhaśirorogādinimittaiḥ śītādibhiranyairvā // (29) Par.?
na lipyate na saṃyujyata ityarthaḥ // (30) Par.?
kasmāt // (31) Par.?
prāptabalatvādityarthaḥ // (32) Par.?
atra śloko nirvacanaḥ // (33) Par.?
āha śūnyāgāraguhāvasthasyendriyajaye vartataḥ kāḥ kriyāḥ kartavyāḥ // (34) Par.?
kiṃ snānahasitādyāḥ krāthanaspandanamaṇṭanādyā vā // (35) Par.?
taducyate na // (36) Par.?
yasmādāha // (37) Par.?
Duration=0.054404973983765 secs.