Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 840
  • Click on a sentence to show its analysis
  • Keep the mouse pointer over a lemma to show its meanings.
52 parallel or similar passage(s) in this chapter
śrīśuka uvāca / (1.1) Par.?
śrīśuka uvāca / (BhāgPur, 8, 6, 1, 1) [0]
śrīśuka uvāca / (BhāgPur, 8, 6, 16, 1) [0]
śrīśuka uvāca / (BhāgPur, 8, 6, 26, 1) [0]
śrīśuka uvāca / (BhāgPur, 8, 7, 1, 1) [0]
śrīśuka uvāca / (BhāgPur, 8, 7, 36, 1) [0]
śrīśuka uvāca / (BhāgPur, 8, 7, 41, 1) [0]
śrīśuka uvāca / (BhāgPur, 8, 8, 1, 1) [0]
śrīśuka uvāca / (BhāgPur, 10, 1, 15, 1) [0]
śrīśuka uvāca / (BhāgPur, 10, 1, 26, 1) [0]
śrīśuka uvāca / (BhāgPur, 10, 1, 46, 1) [0]
śrīśuka uvāca / (BhāgPur, 10, 1, 55, 1) [0]
śrīśuka uvāca / (BhāgPur, 10, 2, 1, 1) [0]
śrīśuka uvāca / (BhāgPur, 10, 2, 42, 1) [0]
śrīśuka uvāca / (BhāgPur, 10, 3, 1, 1) [0]
śrīśuka uvāca / (BhāgPur, 10, 3, 23, 1) [0]
śrīśuka uvāca / (BhāgPur, 10, 3, 46, 1) [0]
śrīśuka uvāca / (BhāgPur, 10, 4, 1, 1) [0]
śrīśuka uvāca / (BhāgPur, 10, 4, 7, 1) [0]
śrīśuka uvāca / (BhāgPur, 10, 4, 28, 1) [0]
śrīśuka uvāca / (BhāgPur, 10, 4, 43, 1) [0]
śrīśuka uvāca / (BhāgPur, 10, 5, 1, 1) [0]
śrīśuka uvāca / (BhāgPur, 11, 1, 1, 1) [0]
śrīśuka uvāca / (BhāgPur, 11, 2, 1, 1) [0]
śrīśuka uvāca / (BhāgPur, 11, 2, 10, 1) [0]
śrīśuka uvāca / (BhāgPur, 11, 5, 51, 1) [0]
śrīśuka uvāca / (BhāgPur, 11, 6, 1, 1) [0]
śrīśuka uvāca / (BhāgPur, 11, 6, 32, 1) [0]
śrīśuka uvāca / (BhāgPur, 11, 6, 39, 1) [0]
śrīśuka uvāca / (BhāgPur, 11, 6, 50, 1) [0]
śrīśuka uvāca / (BhāgPur, 11, 7, 13, 1) [0]
śrīśuka uvāca / (BhāgPur, 11, 17, 8, 1) [0]
śrīśuka uvāca / (BhāgPur, 2, 1, 1, 1) [0]
śrīśuka uvāca / (BhāgPur, 2, 1, 23, 1) [0]
śrīśuka uvāca / (BhāgPur, 2, 2, 1, 1) [0]
śrīśuka uvāca / (BhāgPur, 2, 3, 1, 1) [0]
śrīśuka uvāca / (BhāgPur, 2, 4, 12, 1) [0]
śrīśuka uvāca / (BhāgPur, 2, 9, 1, 1) [0]
śrīśuka uvāca / (BhāgPur, 2, 9, 37, 1) [0]
śrīśuka uvāca / (BhāgPur, 2, 10, 1, 1) [0]
śrīśuka uvāca / (BhāgPur, 3, 1, 1, 1) [0]
śrīśuka uvāca / (BhāgPur, 3, 1, 6, 1) [0]
śrīśuka uvāca / (BhāgPur, 3, 2, 1, 1) [0]
śrīśuka uvāca / (BhāgPur, 3, 4, 23, 1) [0]
śrīśuka uvāca / (BhāgPur, 3, 4, 27, 1) [0]
śrīśuka uvāca / (BhāgPur, 3, 4, 29, 1) [0]
śrīśuka uvāca / (BhāgPur, 3, 5, 1, 1) [0]
śrīśuka uvāca / (BhāgPur, 3, 5, 17, 1) [0]
śrīśuka uvāca / (BhāgPur, 3, 7, 1, 1) [0]
śrīśuka uvāca / (BhāgPur, 3, 7, 8, 1) [0]
śrīśuka uvāca / (BhāgPur, 3, 7, 42, 1) [0]
śrīśuka uvāca / (BhāgPur, 3, 13, 1, 1) [0]
śrīśuka uvāca / (BhāgPur, 3, 13, 5, 1) [0]
niśamya kauṣāraviṇopavarṇitāṃ hareḥ kathāṃ kāraṇasūkarātmanaḥ / (1.2) Par.?
punaḥ sa papraccha tam udyatāñjalir na cātitṛpto viduro dhṛtavrataḥ // (1.3) Par.?
vidura uvāca / (2.1) Par.?
tenaiva tu muniśreṣṭha hariṇā yajñamūrtinā / (2.2) Par.?
ādidaityo hiraṇyākṣo hata ity anuśuśruma // (2.3) Par.?
tasya coddharataḥ kṣauṇīṃ svadaṃṣṭrāgreṇa līlayā / (3.1) Par.?
daityarājasya ca brahman kasmāddhetor abhūn mṛdhaḥ // (3.2) Par.?
śraddadhānāya bhaktāya brūhi tajjanmavistaram / (4.1) Par.?
ṛṣe na tṛpyati manaḥ paraṃ kautūhalaṃ hi me // (4.2) Par.?
maitreya uvāca / (5.1) Par.?
sādhu vīra tvayā pṛṣṭam avatārakathāṃ hareḥ / (5.2) Par.?
yat tvaṃ pṛcchasi martyānāṃ mṛtyupāśaviśātanīm // (5.3) Par.?
yayottānapadaḥ putro muninā gītayārbhakaḥ / (6.1) Par.?
mṛtyoḥ kṛtvaiva mūrdhny aṅghrim āruroha hareḥ padam // (6.2) Par.?
athātrāpītihāso 'yaṃ śruto me varṇitaḥ purā / (7.1) Par.?
brahmaṇā devadevena devānām anupṛcchatām // (7.2) Par.?
ditir dākṣāyaṇī kṣattar mārīcaṃ kaśyapaṃ patim / (8.1) Par.?
apatyakāmā cakame saṃdhyāyāṃ hṛcchayārditā // (8.2) Par.?
iṣṭvāgnijihvaṃ payasā puruṣaṃ yajuṣāṃ patim / (9.1) Par.?
nimrocaty arka āsīnam agnyagāre samāhitam // (9.2) Par.?
ditir uvāca / (10.1) Par.?
eṣa māṃ tvatkṛte vidvan kāma āttaśarāsanaḥ / (10.2) Par.?
dunoti dīnāṃ vikramya rambhām iva mataṃgajaḥ // (10.3) Par.?
tad bhavān dahyamānāyāṃ sapatnīnāṃ samṛddhibhiḥ / (11.1) Par.?
prajāvatīnāṃ bhadraṃ te mayy āyuṅktām anugraham // (11.2) Par.?
bhartary āptorumānānāṃ lokān āviśate yaśaḥ / (12.1) Par.?
patir bhavadvidho yāsāṃ prajayā nanu jāyate // (12.2) Par.?
purā pitā no bhagavān dakṣo duhitṛvatsalaḥ / (13.1) Par.?
kaṃ vṛṇīta varaṃ vatsā ity apṛcchata naḥ pṛthak // (13.2) Par.?
sa viditvātmajānāṃ no bhāvaṃ saṃtānabhāvanaḥ / (14.1) Par.?
trayodaśādadāt tāsāṃ yās te śīlam anuvratāḥ // (14.2) Par.?
atha me kuru kalyāṇaṃ kāmaṃ kamalalocana / (15.1) Par.?
ārtopasarpaṇaṃ bhūmann amoghaṃ hi mahīyasi // (15.2) Par.?
iti tāṃ vīra mārīcaḥ kṛpaṇāṃ bahubhāṣiṇīm / (16.1) Par.?
pratyāhānunayan vācā pravṛddhānaṅgakaśmalām // (16.2) Par.?
eṣa te 'haṃ vidhāsyāmi priyaṃ bhīru yad icchasi / (17.1) Par.?
tasyāḥ kāmaṃ na kaḥ kuryāt siddhis traivargikī yataḥ // (17.2) Par.?
sarvāśramān upādāya svāśrameṇa kalatravān / (18.1) Par.?
vyasanārṇavam atyeti jalayānair yathārṇavam // (18.2) Par.?
yām āhur ātmano hy ardhaṃ śreyaskāmasya mānini / (19.1) Par.?
yasyāṃ svadhuram adhyasya pumāṃś carati vijvaraḥ // (19.2) Par.?
yām āśrityendriyārātīn durjayān itarāśramaiḥ / (20.1) Par.?
vayaṃ jayema helābhir dasyūn durgapatir yathā // (20.2) Par.?
na vayaṃ prabhavas tāṃ tvām anukartuṃ gṛheśvari / (21.1) Par.?
apy āyuṣā vā kārtsnyena ye cānye guṇagṛdhnavaḥ // (21.2) Par.?
athāpi kāmam etaṃ te prajātyai karavāṇy alam / (22.1) Par.?
yathā māṃ nātirocanti muhūrtaṃ pratipālaya // (22.2) Par.?
eṣā ghoratamā velā ghorāṇāṃ ghoradarśanā / (23.1) Par.?
caranti yasyāṃ bhūtāni bhūteśānucarāṇi ha // (23.2) Par.?
etasyāṃ sādhvi saṃdhyāyāṃ bhagavān bhūtabhāvanaḥ / (24.1) Par.?
parīto bhūtaparṣadbhir vṛṣeṇāṭati bhūtarāṭ // (24.2) Par.?
śmaśānacakrāniladhūlidhūmravikīrṇavidyotajaṭākalāpaḥ / (25.1) Par.?
bhasmāvaguṇṭhāmalarukmadeho devas tribhiḥ paśyati devaras te // (25.2) Par.?
na yasya loke svajanaḥ paro vā nātyādṛto nota kaścid vigarhyaḥ / (26.1) Par.?
vayaṃ vratair yac caraṇāpaviddhām āśāsmahe 'jāṃ bata bhuktabhogām // (26.2) Par.?
yasyānavadyācaritaṃ manīṣiṇo gṛṇanty avidyāpaṭalaṃ bibhitsavaḥ / (27.1) Par.?
nirastasāmyātiśayo 'pi yat svayaṃ piśācacaryām acarad gatiḥ satām // (27.2) Par.?
hasanti yasyācaritaṃ hi durbhagāḥ svātman ratasyāviduṣaḥ samīhitam / (28.1) Par.?
yair vastramālyābharaṇānulepanaiḥ śvabhojanaṃ svātmatayopalālitam // (28.2) Par.?
brahmādayo yatkṛtasetupālā yatkāraṇaṃ viśvam idaṃ ca māyā / (29.1) Par.?
ājñākarī yasya piśācacaryā aho vibhūmnaś caritaṃ viḍambanam // (29.2) Par.?
maitreya uvāca / (30.1) Par.?
saivaṃ saṃvidite bhartrā manmathonmathitendriyā / (30.2) Par.?
jagrāha vāso brahmarṣer vṛṣalīva gatatrapā // (30.3) Par.?
sa viditvātha bhāryāyās taṃ nirbandhaṃ vikarmaṇi / (31.1) Par.?
natvā diṣṭāya rahasi tayāthopaviveśa hi // (31.2) Par.?
athopaspṛśya salilaṃ prāṇān āyamya vāgyataḥ / (32.1) Par.?
dhyāyañ jajāpa virajaṃ brahma jyotiḥ sanātanam // (32.2) Par.?
ditis tu vrīḍitā tena karmāvadyena bhārata / (33.1) Par.?
upasaṃgamya viprarṣim adhomukhy abhyabhāṣata // (33.2) Par.?
ditir uvāca / (34.1) Par.?
na me garbham imaṃ brahman bhūtānām ṛṣabho 'vadhīt / (34.2) Par.?
rudraḥ patir hi bhūtānāṃ yasyākaravam aṃhasam // (34.3) Par.?
namo rudrāya mahate devāyogrāya mīḍhuṣe / (35.1) Par.?
śivāya nyastadaṇḍāya dhṛtadaṇḍāya manyave // (35.2) Par.?
sa naḥ prasīdatāṃ bhāmo bhagavān urvanugrahaḥ / (36.1) Par.?
vyādhasyāpy anukampyānāṃ strīṇāṃ devaḥ satīpatiḥ // (36.2) Par.?
maitreya uvāca / (37.1) Par.?
svasargasyāśiṣaṃ lokyām āśāsānāṃ pravepatīm / (37.2) Par.?
nivṛttasaṃdhyāniyamo bhāryām āha prajāpatiḥ // (37.3) Par.?
kaśyapa uvāca / (38.1) Par.?
aprāyatyād ātmanas te doṣān mauhūrtikād uta / (38.2) Par.?
mannideśāticāreṇa devānāṃ cātihelanāt // (38.3) Par.?
bhaviṣyatas tavābhadrāv abhadre jāṭharādhamau / (39.1) Par.?
lokān sapālāṃs trīṃś caṇḍi muhur ākrandayiṣyataḥ // (39.2) Par.?
prāṇināṃ hanyamānānāṃ dīnānām akṛtāgasām / (40.1) Par.?
strīṇāṃ nigṛhyamāṇānāṃ kopiteṣu mahātmasu // (40.2) Par.?
tadā viśveśvaraḥ kruddho bhagavāl lokabhāvanaḥ / (41.1) Par.?
haniṣyaty avatīryāsau yathādrīn śataparvadhṛk // (41.2) Par.?
ditir uvāca / (42.1) Par.?
vadhaṃ bhagavatā sākṣāt sunābhodārabāhunā / (42.2) Par.?
āśāse putrayor mahyaṃ mā kruddhād brāhmaṇāt prabho // (42.3) Par.?
na brahmadaṇḍadagdhasya na bhūtabhayadasya ca / (43.1) Par.?
nārakāś cānugṛhṇanti yāṃ yāṃ yonim asau gataḥ // (43.2) Par.?
kaśyapa uvāca / (44.1) Par.?
kṛtaśokānutāpena sadyaḥ pratyavamarśanāt / (44.2) Par.?
bhagavaty urumānāc ca bhave mayy api cādarāt // (44.3) Par.?
putrasyaiva ca putrāṇāṃ bhavitaikaḥ satāṃ mataḥ / (45.1) Par.?
gāsyanti yadyaśaḥ śuddhaṃ bhagavadyaśasā samam // (45.2) Par.?
yogair hemeva durvarṇaṃ bhāvayiṣyanti sādhavaḥ / (46.1) Par.?
nirvairādibhir ātmānaṃ yacchīlam anuvartitum // (46.2) Par.?
yatprasādād idaṃ viśvaṃ prasīdati yadātmakam / (47.1) Par.?
sa svadṛg bhagavān yasya toṣyate 'nanyayā dṛśā // (47.2) Par.?
sa vai mahābhāgavato mahātmā mahānubhāvo mahatāṃ mahiṣṭhaḥ / (48.1) Par.?
pravṛddhabhaktyā hy anubhāvitāśaye niveśya vaikuṇṭham imaṃ vihāsyati // (48.2) Par.?
alampaṭaḥ śīladharo guṇākaro hṛṣṭaḥ pararddhyā vyathito duḥkhiteṣu / (49.1) Par.?
abhūtaśatrur jagataḥ śokahartā naidāghikaṃ tāpam ivoḍurājaḥ // (49.2) Par.?
antar bahiś cāmalam abjanetraṃ svapūruṣecchānugṛhītarūpam / (50.1) Par.?
pautras tava śrīlalanālalāmaṃ draṣṭā sphuratkuṇḍalamaṇḍitānanam // (50.2) Par.?
maitreya uvāca / (51.1) Par.?
śrutvā bhāgavataṃ pautram amodata ditir bhṛśam / (51.2) Par.?
putrayoś ca vadhaṃ kṛṣṇād viditvāsīn mahāmanāḥ // (51.3) Par.?
Duration=0.20819306373596 secs.