Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 880
  • Click on a sentence to show its analysis
  • Keep the mouse pointer over a lemma to show its meanings.
brahmovāca / (1.1) Par.?
iti tad gṛṇatāṃ teṣāṃ munīnāṃ yogadharmiṇām / (1.2) Par.?
pratinandya jagādedaṃ vikuṇṭhanilayo vibhuḥ // (1.3) Par.?
śrībhagavān uvāca / (2.1) Par.?
etau tau pārṣadau mahyaṃ jayo vijaya eva ca / (2.2) Par.?
kadarthīkṛtya māṃ yad vo bahv akrātām atikramam // (2.3) Par.?
yas tv etayor dhṛto daṇḍo bhavadbhir mām anuvrataiḥ / (3.1) Par.?
sa evānumato 'smābhir munayo devahelanāt // (3.2) Par.?
tad vaḥ prasādayāmy adya brahma daivaṃ paraṃ hi me / (4.1) Par.?
tad dhīty ātmakṛtaṃ manye yat svapuṃbhir asatkṛtāḥ // (4.2) Par.?
yan nāmāni ca gṛhṇāti loko bhṛtye kṛtāgasi / (5.1) Par.?
so 'sādhuvādas tatkīrtiṃ hanti tvacam ivāmayaḥ // (5.2) Par.?
yasyāmṛtāmalayaśaḥśravaṇāvagāhaḥ sadyaḥ punāti jagad āśvapacād vikuṇṭhaḥ / (6.1) Par.?
so 'haṃ bhavadbhya upalabdhasutīrthakīrtiś chindyāṃ svabāhum api vaḥ pratikūlavṛttim // (6.2) Par.?
yatsevayā caraṇapadmapavitrareṇuṃ sadyaḥ kṣatākhilamalaṃ pratilabdhaśīlam / (7.1) Par.?
na śrīr viraktam api māṃ vijahāti yasyāḥ prekṣālavārtha itare niyamān vahanti // (7.2) Par.?
nāhaṃ tathādmi yajamānahavir vitāne ścyotadghṛtaplutam adan hutabhuṅmukhena / (8.1) Par.?
yad brāhmaṇasya mukhataś carato 'nughāsaṃ tuṣṭasya mayy avahitair nijakarmapākaiḥ // (8.2) Par.?
yeṣāṃ bibharmy aham akhaṇḍavikuṇṭhayogamāyāvibhūtir amalāṅghrirajaḥ kirīṭaiḥ / (9.1) Par.?
viprāṃs tu ko na viṣaheta yadarhaṇāmbhaḥ sadyaḥ punāti sahacandralalāmalokān // (9.2) Par.?
ye me tanūr dvijavarān duhatīr madīyā bhūtāny alabdhaśaraṇāni ca bhedabuddhyā / (10.1) Par.?
drakṣyanty aghakṣatadṛśo hy ahimanyavas tān gṛdhrā ruṣā mama kuṣanty adhidaṇḍanetuḥ // (10.2) Par.?
ye brāhmaṇān mayi dhiyā kṣipato 'rcayantas tuṣyaddhṛdaḥ smitasudhokṣitapadmavaktrāḥ / (11.1) Par.?
vāṇyānurāgakalayātmajavad gṛṇantaḥ saṃbodhayanty aham ivāham upāhṛtas taiḥ // (11.2) Par.?
tan me svabhartur avasāyam alakṣamāṇau yuṣmadvyatikramagatiṃ pratipadya sadyaḥ / (12.1) Par.?
bhūyo mamāntikam itāṃ tad anugraho me yat kalpatām acirato bhṛtayor vivāsaḥ // (12.2) Par.?
brahmovāca / (13.1) Par.?
atha tasyośatīṃ devīm ṛṣikulyāṃ sarasvatīm / (13.2) Par.?
nāsvādya manyudaṣṭānāṃ teṣām ātmāpy atṛpyata // (13.3) Par.?
satīṃ vyādāya śṛṇvanto laghvīṃ gurvarthagahvarām / (14.1) Par.?
vigāhyāgādhagambhīrāṃ na vidus taccikīrṣitam // (14.2) Par.?
te yogamāyayārabdhapārameṣṭhyamahodayam / (15.1) Par.?
procuḥ prāñjalayo viprāḥ prahṛṣṭāḥ kṣubhitatvacaḥ // (15.2) Par.?
ṛṣaya ūcuḥ / (16.1) Par.?
na vayaṃ bhagavan vidmas tava deva cikīrṣitam / (16.2) Par.?
kṛto me 'nugrahaś ceti yad adhyakṣaḥ prabhāṣase // (16.3) Par.?
brahmaṇyasya paraṃ daivaṃ brāhmaṇāḥ kila te prabho / (17.1) Par.?
viprāṇāṃ devadevānāṃ bhagavān ātmadaivatam // (17.2) Par.?
tvattaḥ sanātano dharmo rakṣyate tanubhis tava / (18.1) Par.?
dharmasya paramo guhyo nirvikāro bhavān mataḥ // (18.2) Par.?
taranti hy añjasā mṛtyuṃ nivṛttā yadanugrahāt / (19.1) Par.?
yoginaḥ sa bhavān kiṃ svid anugṛhyeta yat paraiḥ // (19.2) Par.?
yaṃ vai vibhūtir upayāty anuvelam anyair arthārthibhiḥ svaśirasā dhṛtapādareṇuḥ / (20.1) Par.?
dhanyārpitāṅghritulasīnavadāmadhāmno lokaṃ madhuvratapater iva kāmayānā // (20.2) Par.?
yas tāṃ viviktacaritair anuvartamānāṃ nātyādriyat paramabhāgavataprasaṅgaḥ / (21.1) Par.?
sa tvaṃ dvijānupathapuṇyarajaḥpunītaḥ śrīvatsalakṣma kim agā bhagabhājanas tvam // (21.2) Par.?
dharmasya te bhagavatas triyuga tribhiḥ svaiḥ padbhiś carācaram idaṃ dvijadevatārtham / (22.1) Par.?
nūnaṃ bhṛtaṃ tadabhighāti rajas tamaś ca sattvena no varadayā tanuvā nirasya // (22.2) Par.?
na tvaṃ dvijottamakulaṃ yadi hātmagopaṃ goptā vṛṣaḥ svarhaṇena sasūnṛtena / (23.1) Par.?
tarhy eva naṅkṣyati śivas tava deva panthā loko 'grahīṣyad ṛṣabhasya hi tat pramāṇam // (23.2) Par.?
tat te 'nabhīṣṭam iva sattvanidher vidhitsoḥ kṣemaṃ janāya nijaśaktibhir uddhṛtāreḥ / (24.1) Par.?
naitāvatā tryadhipater bata viśvabhartus tejaḥ kṣataṃ tv avanatasya sa te vinodaḥ // (24.2) Par.?
yaṃ vānayor damam adhīśa bhavān vidhatte vṛttiṃ nu vā tad anumanmahi nirvyalīkam / (25.1) Par.?
asmāsu vā ya ucito dhriyatāṃ sa daṇḍo ye 'nāgasau vayam ayuṅkṣmahi kilbiṣeṇa // (25.2) Par.?
śrībhagavān uvāca / (26.1) Par.?
etau suretaragatiṃ pratipadya sadyaḥ saṃrambhasambhṛtasamādhyanubaddhayogau / (26.2) Par.?
bhūyaḥ sakāśam upayāsyata āśu yo vaḥ śāpo mayaiva nimitas tad aveta viprāḥ // (26.3) Par.?
brahmovāca / (27.1) Par.?
atha te munayo dṛṣṭvā nayanānandabhājanam / (27.2) Par.?
vaikuṇṭhaṃ tadadhiṣṭhānaṃ vikuṇṭhaṃ ca svayamprabham // (27.3) Par.?
bhagavantaṃ parikramya praṇipatyānumānya ca / (28.1) Par.?
pratijagmuḥ pramuditāḥ śaṃsanto vaiṣṇavīṃ śriyam // (28.2) Par.?
bhagavān anugāv āha yātaṃ mā bhaiṣṭam astu śam / (29.1) Par.?
brahmatejaḥ samartho 'pi hantuṃ necche mataṃ tu me // (29.2) Par.?
etat puraiva nirdiṣṭaṃ ramayā kruddhayā yadā / (30.1) Par.?
purāpavāritā dvāri viśantī mayy upārate // (30.2) Par.?
mayi saṃrambhayogena nistīrya brahmahelanam / (31.1) Par.?
pratyeṣyataṃ nikāśaṃ me kālenālpīyasā punaḥ // (31.2) Par.?
dvāḥsthāv ādiśya bhagavān vimānaśreṇibhūṣaṇam / (32.1) Par.?
sarvātiśayayā lakṣmyā juṣṭaṃ svaṃ dhiṣṇyam āviśat // (32.2) Par.?
tau tu gīrvāṇaṛṣabhau dustarāddharilokataḥ / (33.1) Par.?
hataśriyau brahmaśāpād abhūtāṃ vigatasmayau // (33.2) Par.?
tadā vikuṇṭhadhiṣaṇāt tayor nipatamānayoḥ / (34.1) Par.?
hāhākāro mahān āsīd vimānāgryeṣu putrakāḥ // (34.2) Par.?
tāv eva hy adhunā prāptau pārṣadapravarau hareḥ / (35.1) Par.?
diter jaṭharanirviṣṭaṃ kāśyapaṃ teja ulbaṇam // (35.2) Par.?
tayor asurayor adya tejasā yamayor hi vaḥ / (36.1) Par.?
ākṣiptaṃ teja etarhi bhagavāṃs tad vidhitsati // (36.2) Par.?
viśvasya yaḥ sthitilayodbhavahetur ādyo yogeśvarair api duratyayayogamāyaḥ / (37.1) Par.?
kṣemaṃ vidhāsyati sa no bhagavāṃs tryadhīśas tatrāsmadīyavimṛśena kiyān ihārthaḥ // (37.2) Par.?
Duration=0.24627017974854 secs.