Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 737
  • Click on a sentence to show its analysis
  • Keep the mouse pointer over a lemma to show its meanings.
maitreya uvāca / (1.1) Par.?
satsevanīyo bata pūruvaṃśo yal lokapālo bhagavatpradhānaḥ / (1.2) Par.?
babhūvithehājitakīrtimālāṃ pade pade nūtanayasy abhīkṣṇam // (1.3) Par.?
so 'haṃ nṛṇāṃ kṣullasukhāya duḥkhaṃ mahad gatānāṃ viramāya tasya / (2.1) Par.?
pravartaye bhāgavataṃ purāṇaṃ yad āha sākṣād bhagavān ṛṣibhyaḥ // (2.2) Par.?
āsīnam urvyāṃ bhagavantam ādyaṃ saṃkarṣaṇaṃ devam akuṇṭhasattvam / (3.1) Par.?
vivitsavas tattvam ataḥ parasya kumāramukhyā munayo 'nvapṛcchan // (3.2) Par.?
svam eva dhiṣṇyaṃ bahu mānayantaṃ yad vāsudevābhidham āmananti / (4.1) Par.?
pratyagdhṛtākṣāmbujakośam īṣad unmīlayantaṃ vibudhodayāya // (4.2) Par.?
svardhunyudārdraiḥ svajaṭākalāpair upaspṛśantaś caraṇopadhānam / (5.1) Par.?
padmaṃ yad arcanty ahirājakanyāḥ saprema nānābalibhir varārthāḥ // (5.2) Par.?
muhur gṛṇanto vacasānurāgaskhalatpadenāsya kṛtāni tajjñāḥ / (6.1) Par.?
kirīṭasāhasramaṇipravekapradyotitoddāmaphaṇāsahasram // (6.2) Par.?
proktaṃ kilaitad bhagavattamena nivṛttidharmābhiratāya tena / (7.1) Par.?
sanatkumārāya sa cāha pṛṣṭaḥ sāṃkhyāyanāyāṅga dhṛtavratāya // (7.2) Par.?
sāṃkhyāyanaḥ pāramahaṃsyamukhyo vivakṣamāṇo bhagavadvibhūtīḥ / (8.1) Par.?
jagāda so 'smadgurave 'nvitāya parāśarāyātha bṛhaspateś ca // (8.2) Par.?
provāca mahyaṃ sa dayālur ukto muniḥ pulastyena purāṇam ādyam / (9.1) Par.?
so 'haṃ tavaitat kathayāmi vatsa śraddhālave nityam anuvratāya // (9.2) Par.?
udāplutaṃ viśvam idaṃ tadāsīd yan nidrayāmīlitadṛṅ nyamīlayat / (10.1) Par.?
ahīndratalpe 'dhiśayāna ekaḥ kṛtakṣaṇaḥ svātmaratau nirīhaḥ // (10.2) Par.?
so 'ntaḥ śarīre 'rpitabhūtasūkṣmaḥ kālātmikāṃ śaktim udīrayāṇaḥ / (11.1) Par.?
uvāsa tasmin salile pade sve yathānalo dāruṇi ruddhavīryaḥ // (11.2) Par.?
caturyugānāṃ ca sahasram apsu svapan svayodīritayā svaśaktyā / (12.1) Par.?
kālākhyayāsāditakarmatantro lokān apītān dadṛśe svadehe // (12.2) Par.?
tasyārthasūkṣmābhiniviṣṭadṛṣṭer antargato 'rtho rajasā tanīyān / (13.1) Par.?
guṇena kālānugatena viddhaḥ sūṣyaṃs tadābhidyata nābhideśāt // (13.2) Par.?
sa padmakośaḥ sahasodatiṣṭhat kālena karmapratibodhanena / (14.1) Par.?
svarociṣā tat salilaṃ viśālaṃ vidyotayann arka ivātmayoniḥ // (14.2) Par.?
tal lokapadmaṃ sa u eva viṣṇuḥ prāvīviśat sarvaguṇāvabhāsam / (15.1) Par.?
tasmin svayaṃ vedamayo vidhātā svayambhuvaṃ yaṃ sma vadanti so 'bhūt // (15.2) Par.?
tasyāṃ sa cāmbhoruhakarṇikāyām avasthito lokam apaśyamānaḥ / (16.1) Par.?
parikraman vyomni vivṛttanetraś catvāri lebhe 'nudiśaṃ mukhāni // (16.2) Par.?
tasmād yugāntaśvasanāvaghūrṇajalormicakrāt salilād virūḍham / (17.1) Par.?
upāśritaḥ kañjam u lokatattvaṃ nātmānam addhāvidad ādidevaḥ // (17.2) Par.?
ka eṣa yo 'sāv aham abjapṛṣṭha etat kuto vābjam ananyad apsu / (18.1) Par.?
asti hy adhastād iha kiṃcanaitad adhiṣṭhitaṃ yatra satā nu bhāvyam // (18.2) Par.?
sa ittham udvīkṣya tadabjanālanāḍībhir antarjalam āviveśa / (19.1) Par.?
nārvāggatas tatkharanālanālanābhiṃ vicinvaṃs tad avindatājaḥ // (19.2) Par.?
tamasy apāre vidurātmasargaṃ vicinvato 'bhūt sumahāṃs triṇemiḥ / (20.1) Par.?
yo dehabhājāṃ bhayam īrayāṇaḥ parikṣiṇoty āyur ajasya hetiḥ // (20.2) Par.?
tato nivṛtto 'pratilabdhakāmaḥ svadhiṣṇyam āsādya punaḥ sa devaḥ / (21.1) Par.?
śanair jitaśvāsanivṛttacitto nyaṣīdad ārūḍhasamādhiyogaḥ // (21.2) Par.?
kālena so 'jaḥ puruṣāyuṣābhipravṛttayogena virūḍhabodhaḥ / (22.1) Par.?
svayaṃ tad antarhṛdaye 'vabhātam apaśyatāpaśyata yan na pūrvam // (22.2) Par.?
mṛṇālagaurāyataśeṣabhogaparyaṅka ekaṃ puruṣaṃ śayānam / (23.1) Par.?
phaṇātapatrāyutamūrdharatnadyubhir hatadhvāntayugāntatoye // (23.2) Par.?
prekṣāṃ kṣipantaṃ haritopalādreḥ saṃdhyābhranīver ururukmamūrdhnaḥ / (24.1) Par.?
ratnodadhārauṣadhisaumanasya vanasrajo veṇubhujāṅghripāṅghreḥ // (24.2) Par.?
āyāmato vistarataḥ svamānadehena lokatrayasaṃgraheṇa / (25.1) Par.?
vicitradivyābharaṇāṃśukānāṃ kṛtaśriyāpāśritaveṣadeham // (25.2) Par.?
puṃsāṃ svakāmāya viviktamārgair abhyarcatāṃ kāmadughāṅghripadmam / (26.1) Par.?
pradarśayantaṃ kṛpayā nakhendumayūkhabhinnāṅgulicārupattram // (26.2) Par.?
mukhena lokārtiharasmitena parisphuratkuṇḍalamaṇḍitena / (27.1) Par.?
śoṇāyitenādharabimbabhāsā pratyarhayantaṃ sunasena subhrvā // (27.2) Par.?
kadambakiñjalkapiśaṅgavāsasā svalaṃkṛtaṃ mekhalayā nitambe / (28.1) Par.?
hāreṇa cānantadhanena vatsa śrīvatsavakṣaḥsthalavallabhena // (28.2) Par.?
parārdhyakeyūramaṇipravekaparyastadordaṇḍasahasraśākham / (29.1) Par.?
avyaktamūlaṃ bhuvanāṅghripendram ahīndrabhogair adhivītavalśam // (29.2) Par.?
carācarauko bhagavanmahīdhram ahīndrabandhuṃ salilopagūḍham / (30.1) Par.?
kirīṭasāhasrahiraṇyaśṛṅgam āvirbhavat kaustubharatnagarbham // (30.2) Par.?
nivītam āmnāyamadhuvrataśriyā svakīrtimayyā vanamālayā harim / (31.1) Par.?
sūryenduvāyvagnyagamaṃ tridhāmabhiḥ parikramatprādhanikair durāsadam // (31.2) Par.?
tarhy eva tannābhisaraḥsarojam ātmānam ambhaḥ śvasanaṃ viyac ca / (32.1) Par.?
dadarśa devo jagato vidhātā nātaḥ paraṃ lokavisargadṛṣṭiḥ // (32.2) Par.?
sa karmabījaṃ rajasoparaktaḥ prajāḥ sisṛkṣann iyad eva dṛṣṭvā / (33.1) Par.?
astaud visargābhimukhas tam īḍyam avyaktavartmany abhiveśitātmā // (33.2) Par.?
Duration=0.18681502342224 secs.