Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 904
  • Click on a sentence to show its analysis
  • Keep the mouse pointer over a lemma to show its meanings.
maitreya uvāca / (1.1) Par.?
tad evam ākarṇya jaleśabhāṣitaṃ mahāmanās tad vigaṇayya durmadaḥ / (1.2) Par.?
harer viditvā gatim aṅga nāradād rasātalaṃ nirviviśe tvarānvitaḥ // (1.3) Par.?
dadarśa tatrābhijitaṃ dharādharaṃ pronnīyamānāvanim agradaṃṣṭrayā / (2.1) Par.?
muṣṇantam akṣṇā svaruco 'ruṇaśriyā jahāsa cāho vanagocaro mṛgaḥ // (2.2) Par.?
āhainam ehy ajña mahīṃ vimuñca no rasaukasāṃ viśvasṛjeyam arpitā / (3.1) Par.?
na svasti yāsyasy anayā mamekṣataḥ surādhamāsāditasūkarākṛte // (3.2) Par.?
tvaṃ naḥ sapatnair abhavāya kiṃ bhṛto yo māyayā hanty asurān parokṣajit / (4.1) Par.?
tvāṃ yogamāyābalam alpapauruṣaṃ saṃsthāpya mūḍha pramṛje suhṛcchucaḥ // (4.2) Par.?
tvayi saṃsthite gadayā śīrṇaśīrṣaṇy asmadbhujacyutayā ye ca tubhyam / (5.1) Par.?
baliṃ haranty ṛṣayo ye ca devāḥ svayaṃ sarve na bhaviṣyanty amūlāḥ // (5.2) Par.?
sa tudyamāno 'riduruktatomarair daṃṣṭrāgragāṃ gām upalakṣya bhītām / (6.1) Par.?
todaṃ mṛṣan niragād ambumadhyād grāhāhataḥ sakareṇur yathebhaḥ // (6.2) Par.?
taṃ niḥsarantaṃ salilād anudruto hiraṇyakeśo dviradaṃ yathā jhaṣaḥ / (7.1) Par.?
karāladaṃṣṭro 'śaninisvano 'bravīd gatahriyāṃ kiṃ tv asatāṃ vigarhitam // (7.2) Par.?
sa gām udastāt salilasya gocare vinyasya tasyām adadhāt svasattvam / (8.1) Par.?
abhiṣṭuto viśvasṛjā prasūnair āpūryamāṇo vibudhaiḥ paśyato 'reḥ // (8.2) Par.?
parānuṣaktaṃ tapanīyopakalpaṃ mahāgadaṃ kāñcanacitradaṃśam / (9.1) Par.?
marmāṇy abhīkṣṇaṃ pratudantaṃ duruktaiḥ pracaṇḍamanyuḥ prahasaṃs taṃ babhāṣe // (9.2) Par.?
śrībhagavān uvāca / (10.1) Par.?
satyaṃ vayaṃ bho vanagocarā mṛgā yuṣmadvidhān mṛgaye grāmasiṃhān / (10.2) Par.?
na mṛtyupāśaiḥ pratimuktasya vīrā vikatthanaṃ tava gṛhṇanty abhadra // (10.3) Par.?
ete vayaṃ nyāsaharā rasaukasāṃ gatahriyo gadayā drāvitās te / (11.1) Par.?
tiṣṭhāmahe 'thāpi kathaṃcid ājau stheyaṃ kva yāmo balinotpādya vairam // (11.2) Par.?
tvaṃ padrathānāṃ kila yūthapādhipo ghaṭasva no 'svastaya āśv anūhaḥ / (12.1) Par.?
saṃsthāpya cāsmān pramṛjāśru svakānāṃ yaḥ svāṃ pratijñāṃ nātipiparty asabhyaḥ // (12.2) Par.?
maitreya uvāca / (13.1) Par.?
so 'dhikṣipto bhagavatā pralabdhaś ca ruṣā bhṛśam / (13.2) Par.?
ājahārolbaṇaṃ krodhaṃ krīḍyamāno 'hirāḍ iva // (13.3) Par.?
sṛjann amarṣitaḥ śvāsān manyupracalitendriyaḥ / (14.1) Par.?
āsādya tarasā daityo gadayā nyahanaddharim // (14.2) Par.?
bhagavāṃs tu gadāvegaṃ visṛṣṭaṃ ripuṇorasi / (15.1) Par.?
avañcayat tiraścīno yogārūḍha ivāntakam // (15.2) Par.?
punar gadāṃ svām ādāya bhrāmayantam abhīkṣṇaśaḥ / (16.1) Par.?
abhyadhāvaddhariḥ kruddhaḥ saṃrambhād daṣṭadacchadam // (16.2) Par.?
tataś ca gadayārātiṃ dakṣiṇasyāṃ bhruvi prabhuḥ / (17.1) Par.?
ājaghne sa tu tāṃ saumya gadayā kovido 'hanat // (17.2) Par.?
evaṃ gadābhyāṃ gurvībhyāṃ haryakṣo harir eva ca / (18.1) Par.?
jigīṣayā susaṃrabdhāv anyonyam abhijaghnatuḥ // (18.2) Par.?
tayoḥ spṛdhos tigmagadāhatāṅgayoḥ kṣatāsravaghrāṇavivṛddhamanyvoḥ / (19.1) Par.?
vicitramārgāṃś carator jigīṣayā vyabhād ilāyām iva śuṣmiṇor mṛdhaḥ // (19.2) Par.?
daityasya yajñāvayavasya māyāgṛhītavārāhatanor mahātmanaḥ / (20.1) Par.?
kauravya mahyāṃ dviṣator vimardanaṃ didṛkṣur āgād ṛṣibhir vṛtaḥ svarāṭ // (20.2) Par.?
āsannaśauṇḍīram apetasādhvasaṃ kṛtapratīkāram ahāryavikramam / (21.1) Par.?
vilakṣya daityaṃ bhagavān sahasraṇīr jagāda nārāyaṇam ādisūkaram // (21.2) Par.?
brahmovāca / (22.1) Par.?
eṣa te deva devānām aṅghrimūlam upeyuṣām / (22.2) Par.?
viprāṇāṃ saurabheyīṇāṃ bhūtānām apy anāgasām // (22.3) Par.?
āgaskṛd bhayakṛd duṣkṛd asmadrāddhavaro 'suraḥ / (23.1) Par.?
anveṣann apratiratho lokān aṭati kaṇṭakaḥ // (23.2) Par.?
mainaṃ māyāvinaṃ dṛptaṃ niraṅkuśam asattamam / (24.1) Par.?
ākrīḍa bālavad deva yathāśīviṣam utthitam // (24.2) Par.?
na yāvad eṣa vardheta svāṃ velāṃ prāpya dāruṇaḥ / (25.1) Par.?
svāṃ deva māyām āsthāya tāvaj jahy agham acyuta // (25.2) Par.?
eṣā ghoratamā saṃdhyā lokacchambaṭkarī prabho / (26.1) Par.?
upasarpati sarvātman surāṇāṃ jayam āvaha // (26.2) Par.?
adhunaiṣo 'bhijin nāma yogo mauhūrtiko hy agāt / (27.1) Par.?
śivāya nas tvaṃ suhṛdām āśu nistara dustaram // (27.2) Par.?
diṣṭyā tvāṃ vihitaṃ mṛtyum ayam āsāditaḥ svayam / (28.1) Par.?
vikramyainaṃ mṛdhe hatvā lokān ādhehi śarmaṇi // (28.2) Par.?
Duration=0.087432861328125 secs.