Texts

maitreya uvāca / (1.1) Par.?

prajāpaterduhitaraṃ śiśumārasya vai dhruvaḥ / (1.2) Par.?

upayeme bhramiṃ nāma tatsutau kalpavatsarau // (1.3) Par.?

ilāyāmapi bhāryāyāṃ vāyoḥ putryāṃ mahābalaḥ / (2.1) Par.?

putramutkalanāmānaṃ yoṣidratnamajījanat // (2.2) Par.?

uttamastvakṛtodvāho mṛgayāyāṃ balīyasā / (3.1) Par.?

hataḥ puṇyajanenādrau tanmātāsya gatiṃ gatā // (3.2) Par.?

dhruvo bhrātṛvadhaṃ śrutvā kopāmarṣaśucārpitaḥ / (4.1) Par.?

jaitraṃ syandanamāsthāya gataḥ puṇyajanālayam // (4.2) Par.?

gatvodīcīṃ diśaṃ rājā rudrānucarasevitām / (5.1) Par.?

dadarśa himavaddroṇyāṃ purīṃ guhyakasaṅkulām // (5.2) Par.?

dadhmau śaṅkhaṃ bṛhadbāhuḥ khaṃ diśaścānunādayan / (6.1) Par.?

yenodvignadṛśaḥ kṣattarupadevyo 'trasanbhṛśam // (6.2) Par.?

tato niṣkramya balina upadevamahābhaṭāḥ / (7.1) Par.?

asahantastanninādamabhipeturudāyudhāḥ // (7.2) Par.?

sa tānāpatato vīra ugradhanvā mahārathaḥ / (8.1) Par.?

ekaikaṃ yugapat sarvānahanbāṇaistribhistribhiḥ // (8.2) Par.?

te vai lalāṭalagnaistairiṣubhiḥ sarva eva hi / (9.1) Par.?

matvā nirastamātmānamāśaṃsankarma tasya tat // (9.2) Par.?

te 'pi cāmumamṛṣyantaḥ pādasparśamivoragāḥ / (10.1) Par.?

śarairavidhyanyugapaddviguṇaṃ pracikīrṣavaḥ // (10.2) Par.?

tataḥ parighanistriṃśaiḥ prāsaśūlaparaśvadhaiḥ / (11.1) Par.?

śaktyṛṣṭibhirbhuśuṇḍībhiścitravājaiḥ śarairapi // (11.2) Par.?

abhyavarṣanprakupitāḥ sarathaṃ sahasārathim / (12.1) Par.?

icchantastat pratīkartumayutānāṃ trayodaśa // (12.2) Par.?

auttānapādiḥ sa tadā śastravarṣeṇa bhūriṇā / (13.1) Par.?

na evādṛśyatācchanna āsāreṇa yathā giriḥ // (13.2) Par.?

hāhākārastadaivāsīt siddhānāṃ divi paśyatām / (14.1) Par.?

hato 'yaṃ mānavaḥ sūryo magnaḥ puṇyajanārṇave // (14.2) Par.?

nadatsu yātudhāneṣu jayakāśiṣvatho mṛdhe / (15.1) Par.?

udatiṣṭhadrathastasya nīhārādiva bhāskaraḥ // (15.2) Par.?

dhanurvisphūrjayandivyaṃ dviṣatāṃ khedamudvahan / (16.1) Par.?

astraughaṃ vyadhamadbāṇairghanānīkamivānilaḥ // (16.2) Par.?

tasya te cāpanirmuktā bhittvā varmāṇi rakṣasām / (17.1) Par.?

kāyānāviviśustigmā girīnaśanayo yathā // (17.2) Par.?

bhallaiḥ saṃchidyamānānāṃ śirobhiścārukuṇḍalaiḥ / (18.1) Par.?

ūrubhirhematālābhair dorbhir valayavalgubhiḥ // (18.2) Par.?

hārakeyūramukuṭairuṣṇīṣaiśca mahādhanaiḥ / (19.1) Par.?

āstṛtāstā raṇabhuvo rejurvīramanoharāḥ // (19.2) Par.?

hatāvaśiṣṭā itare raṇājirādrakṣogaṇāḥ kṣatriyavaryasāyakaiḥ / (20.1) Par.?

prāyo vivṛkṇāvayavā vidudruvurmṛgendravikrīḍitayūthapā iva // (20.2) Par.?

apaśyamānaḥ sa tadātatāyinaṃ mahāmṛdhe kaṃcana mānavottamaḥ / (21.1) Par.?

purīṃ didṛkṣannapi nāviśaddviṣāṃ na māyināṃ veda cikīrṣitaṃ janaḥ // (21.2) Par.?

iti bruvaṃścitrarathaḥ svasārathiṃ yattaḥ pareṣāṃ pratiyogaśaṅkitaḥ / (22.1) Par.?

śuśrāva śabdaṃ jaladheriveritaṃ nabhasvato dikṣu rajo 'nvadṛśyata // (22.2) Par.?

kṣaṇenācchāditaṃ vyoma ghanānīkena sarvataḥ / (23.1) Par.?

visphurattaḍitā dikṣu trāsayatstanayitnunā // (23.2) Par.?

vavṛṣū rudhiraughāsṛkpūyaviṇmūtramedasaḥ / (24.1) Par.?

nipeturgaganādasya kabandhāny agrato 'nagha // (24.2) Par.?

tataḥ khe 'dṛśyata girirnipetuḥ sarvatodiśam / (25.1) Par.?

gadāparighanistriṃśamusalāḥ sāśmavarṣiṇaḥ // (25.2) Par.?

ahayo 'śaniniḥśvāsā vamanto 'gniṃ ruṣākṣibhiḥ / (26.1) Par.?

abhyadhāvangajā mattāḥ siṃhavyāghrāśca yūthaśaḥ // (26.2) Par.?

samudra ūrmibhirbhīmaḥ plāvayansarvato bhuvam / (27.1) Par.?

āsasāda mahāhrādaḥ kalpānta iva bhīṣaṇaḥ // (27.2) Par.?

evaṃvidhāny anekāni trāsanāny amanasvinām / (28.1) Par.?

sasṛjustigmagataya āsuryā māyayāsurāḥ // (28.2) Par.?

dhruve prayuktāmasuraistāṃ māyāmatidustarām / (29.1) Par.?

niśamya tasya munayaḥ śam āśaṃsansamāgatāḥ // (29.2) Par.?

munaya ūcuḥ / (30.1) Par.?

auttānapāda bhagavāṃstava śārṅgadhanvā devaḥ kṣiṇotvavanatārtiharo vipakṣān / (30.2) Par.?

yannāmadheyamabhidhāya niśamya cāddhā loko 'ñjasā tarati dustaramaṅga mṛtyum // (30.3) Par.?