UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 11072
- Click on a sentence to show its analysis
- Keep the mouse pointer over a lemma to show its meanings.
śrīśuka uvāca / (1.1)
Par.?
nandastvātmaja utpanne jātāhlādo mahāmanāḥ / (1.2)
Par.?
āhūya viprānvedajñānsnātaḥ śuciralaṃkṛtaḥ // (1.3)
Par.?
vācayitvā svastyayanaṃ jātakarmātmajasya vai / (2.1)
Par.?
kārayāmāsa vidhivatpitṛdevārcanaṃ tathā // (2.2)
Par.?
dhenūnāṃ niyute prādādviprebhyaḥ samalaṃkṛte / (3.1)
Par.?
tilādrīnsapta ratnaughaśātakaumbhāmbarāvṛtān // (3.2)
Par.?
kālena snānaśaucābhyāṃ saṃskāraistapasejyayā / (4.1)
Par.?
śudhyanti dānaiḥ saṃtuṣṭyā dravyāṇyātmātmavidyayā // (4.2)
Par.?
saumaṅgalyagiro viprāḥ sūtamāgadhavandinaḥ / (5.1)
Par.?
gāyakāśca jagurnedurbheryo dundubhayo muhuḥ // (5.2)
Par.?
vrajaḥ saṃmṛṣṭasaṃsiktadvārājiragṛhāntaraḥ / (6.1)
Par.?
citradhvajapatākāsrak cailapallavatoraṇaiḥ // (6.2)
Par.?
gāvo vṛṣā vatsatarā haridrātailarūṣitāḥ / (7.1)
Par.?
vicitradhātubarhasragvastrakāñcanamālinaḥ // (7.2)
Par.?
mahārhavastrābharaṇakañcukoṣṇīṣabhūṣitāḥ / (8.1)
Par.?
gopāḥ samāyayū rājannānopāyanapāṇayaḥ // (8.2) Par.?
gopyaścākarṇya muditā yaśodāyāḥ sutodbhavam / (9.1)
Par.?
ātmānaṃ bhūṣayāṃcakrurvastrākalpāñjanādibhiḥ // (9.2)
Par.?
navakuṅkumakiñjalkamukhapaṅkajabhūtayaḥ / (10.1)
Par.?
balibhistvaritaṃ jagmuḥ pṛthuśroṇyaścalatkucāḥ // (10.2)
Par.?
gopyaḥ sumṛṣṭamaṇikuṇḍalaniṣkakaṇṭhyaś citrāmbarāḥ pathi śikhācyutamālyavarṣāḥ / (11.1)
Par.?
nandālayaṃ savalayā vrajatīrvirejur vyālolakuṇḍalapayodharahāraśobhāḥ // (11.2)
Par.?
tā āśiṣaḥ prayuñjānāściraṃ pāhīti bālake / (12.1)
Par.?
haridrācūrṇatailādbhiḥ siñcantyo 'janamujjaguḥ // (12.2)
Par.?
avādyanta vicitrāṇi vāditrāṇi mahotsave / (13.1)
Par.?
kṛṣṇe viśveśvare 'nante nandasya vrajamāgate // (13.2)
Par.?
gopāḥ parasparaṃ hṛṣṭā dadhikṣīraghṛtāmbubhiḥ / (14.1)
Par.?
āsiñcanto vilimpanto navanītaiśca cikṣipuḥ // (14.2)
Par.?
nando mahāmanāstebhyo vāso 'laṃkāragodhanam / (15.1)
Par.?
sūtamāgadhavandibhyo ye 'nye vidyopajīvinaḥ // (15.2)
Par.?
taistaiḥ kāmairadīnātmā yathocitamapūjayat / (16.1)
Par.?
viṣṇorārādhanārthāya svaputrasyodayāya ca // (16.2)
Par.?
rohiṇī ca mahābhāgā nandagopābhinanditā / (17.1)
Par.?
vyacaraddivyavāsasrakkaṇṭhābharaṇabhūṣitā // (17.2)
Par.?
tata ārabhya nandasya vrajaḥ sarvasamṛddhimān / (18.1)
Par.?
harernivāsātmaguṇai ramākrīḍamabhūnnṛpa // (18.2)
Par.?
gopāngokularakṣāyāṃ nirūpya mathurāṃ gataḥ / (19.1)
Par.?
nandaḥ kaṃsasya vārṣikyaṃ karaṃ dātuṃ kurūdvaha // (19.2)
Par.?
vasudeva upaśrutya bhrātaraṃ nandamāgatam / (20.1)
Par.?
jñātvā dattakaraṃ rājñe yayau tadavamocanam // (20.2)
Par.?
taṃ dṛṣṭvā sahasotthāya dehaḥ prāṇamivāgatam / (21.1)
Par.?
prītaḥ priyatamaṃ dorbhyāṃ sasvaje premavihvalaḥ // (21.2)
Par.?
pūjitaḥ sukhamāsīnaḥ pṛṣṭvānāmayamādṛtaḥ / (22.1)
Par.?
prasaktadhīḥ svātmajayoridamāha viśāmpate // (22.2)
Par.?
diṣṭyā bhrātaḥ pravayasa idānīmaprajasya te / (23.1)
Par.?
prajāśāyā nivṛttasya prajā yatsamapadyata // (23.2)
Par.?
diṣṭyā saṃsāracakre 'sminvartamānaḥ punarbhavaḥ / (24.1)
Par.?
upalabdho bhavānadya durlabhaṃ priyadarśanam // (24.2)
Par.?
naikatra priyasaṃvāsaḥ suhṛdāṃ citrakarmaṇām / (25.1)
Par.?
oghena vyūhyamānānāṃ plavānāṃ srotaso yathā // (25.2)
Par.?
kaccitpaśavyaṃ nirujaṃ bhūryambutṛṇavīrudham / (26.1)
Par.?
bṛhadvanaṃ tadadhunā yatrāsse tvaṃ suhṛdvṛtaḥ // (26.2)
Par.?
bhrātarmama sutaḥ kaccinmātrā saha bhavadvraje / (27.1)
Par.?
tātaṃ bhavantaṃ manvāno bhavadbhyāmupalālitaḥ // (27.2)
Par.?
puṃsastrivargo vihitaḥ suhṛdo hyanubhāvitaḥ / (28.1)
Par.?
na teṣu kliśyamāneṣu trivargo 'rthāya kalpate // (28.2)
Par.?
śrīnanda uvāca / (29.1)
Par.?
aho te devakīputrāḥ kaṃsena bahavo hatāḥ / (29.2)
Par.?
ekāvaśiṣṭāvarajā kanyā sāpi divaṃ gatā // (29.3)
Par.?
nūnaṃ hyadṛṣṭaniṣṭho 'yamadṛṣṭaparamo janaḥ / (30.1)
Par.?
adṛṣṭamātmanastattvaṃ yo veda na sa muhyati // (30.2)
Par.?
śrīvasudeva uvāca / (31.1)
Par.?
karo vai vārṣiko datto rājñe dṛṣṭā vayaṃ ca vaḥ / (31.2)
Par.?
neha stheyaṃ bahutithaṃ santyutpātāśca gokule // (31.3)
Par.?
śrīśuka uvāca / (32.1)
Par.?
iti nandādayo gopāḥ proktāste śauriṇā yayuḥ / (32.2)
Par.?
anobhiranaḍudyuktaistamanujñāpya gokulam // (32.3)
Par.?
Duration=0.15606808662415 secs.