Texts

Help

Select a text:
Bibliography
Select a chapter:
 (no revisions)
Associated topic(s): Dharmaśāstra

Show parallels  Show headlines
Use dependency labeler
Chapter id: 894
  • Click on a sentence to show its analysis
  • Keep the mouse pointer over a lemma to show its meanings.
10 parallel or similar passage(s) in this chapter
prāṅmukham udaṅmukhaṃ vā sūtikālayaṃ kalpayitvā dhruvaṃ prapadye śubhaṃ prapadya āśāṃ prapadya iti kāle prapādayet // (1.0) Par.?
reto mūtramiti cyāvanībhyāṃ dakṣiṇaṃ kukṣim abhimṛśet / (2.1) Par.?
śrāvayedvā // (2.2) Par.?
putraṃ jātam anvakṣaṃ snātaṃ na mātopahanyād ā mantraprayogāt // (3.0) Par.?
agner abhyāhitasya parisamūḍhasya paristīrṇasya paścād ahate vāsasi kumāraṃ prākśirasam uttānaṃ saṃveśya palāśasya madhyamaṃ parṇaṃ praveṣṭya tenāsya karṇāv ājapet bhūs tvayi dadhānīti dakṣiṇe / (4.1) Par.?
bhuvas tvayi dadhānīti savye / (4.2) Par.?
svas tvayi dadhānīti dakṣiṇe / (4.3) Par.?
bhūr bhuvaḥ svas tvayi dadhānīti savye // (4.4) Par.?
athainam abhimantrayete / (5.1) Par.?
aśmā bhava paraśur bhava hiraṇyam astṛtaṃ bhava / (5.2) Par.?
aṅgād aṅgāt sambhavasi hṛdayād adhijāyase / (5.3) Par.?
ātmā vai putranāmāsi sa jīva śaradaḥ śatam / (5.4) Par.?
iti // (5.5) Par.?
yatra śete tadabhimṛśet veda te bhūmi hṛdayaṃ divi candramasi śritam / (6.1) Par.?
vedāmṛtasya devā māhaṃ putryam aghaṃ rudam / (6.2) Par.?
iti // (6.3) Par.?
ājyaṃ saṃskṛtya brahmāṇam āmantrya samidham ādhāyāghārāv āghāryājyabhāgau hutvā vyāhṛtibhiś catasra ājyāhutīr juhuyāt / (7.1) Par.?
jayābhyātānānāṃ rāṣṭrabhṛtaś caike // (7.2) Par.?
kāṃsye camase vāhūtisampātān avanīya tasmin suvarṇaṃ saṃnighṛṣya vyāhṛtibhiḥ kumāraṃ catuḥ prāśayet / (8.1) Par.?
atyantam eke suvarṇaprāśanam udake nighṛṣyā dvādaśavarṣatāyāḥ // (8.2) Par.?
iṣaṃ pinva / (9.1) Par.?
ūrjaṃ pinveti stanau prakṣālya pradhāpayet / (9.2) Par.?
dakṣiṇaṃ pūrvaṃ savyaṃ paścāt // (9.3) Par.?
sviṣṭakṛte hutvā prāyaścittāhutīśca samidhamādhāya paryukṣati // (10.0) Par.?
eṣa karmānto bahirdvāre 'gnir nityaḥ / (11.1) Par.?
kaṇasarṣapayavānāṃ homaḥ / (11.2) Par.?
vyāhṛtibhir juhuyāt // (11.3) Par.?
apratirathaṃ japet / (12.1) Par.?
indro bhūtasyeti ṣaḍarcaṃ ca // (12.2) Par.?
sūtikālayaṃ yathākālaṃ samantād udakena pariṣiñcet // (13.0) Par.?
Duration=0.10423803329468 secs.