Occurrences of ādhāra in "Lāṭyāyanaśrautasūtrabhāṣya"
Click [+] to expand the context.
3.5.1.[1]abhipave ye saṃśayāste nirṇītāḥ sāmprataṃ pṛṣṭhyasya dharmmā vivakṣitāḥ tadvivakṣurāha pṛṣṭhye rathamativaheyuriti iha brāhmaṇaṃ prajāpatirvā etāṃ gāyatrīṃ yonimapaśyat sa ādīdhītāsmādyoneḥ pṛṣṭhāni sṛjā iti sa rathantaramasṛjata tadrathasya ghoṣo'nvasṛjyatetyetadādi ṣaṇṇāṃ pṛṣṭhānāṃ rathantarādīnāṃ ghoṣādayo dharmmā jyotiṣṭomaprakaraṇe āmnātāḥ teṣāñca samuditānāmasambhavaḥ jyotiṣṭome taiśca dharmmaiḥ pratiprayogamavaśyaṃ bhavitavyaṃ tataḥ tatpratyanuṣṭheyāḥ yāvatā anubrāhmaṇasyāntarghoṣāḥ pṛṣṭhadharmmāḥ tatpratyanuṣṭheyā iti teṣāṃ samuditānāṃ prayogaviṣayo'yaṃ vidhistamāha pṛṣṭhye rathamativaheyuriti atrocyate tat kimidaṃ pṛṣṭyagrahaṇaṃ yāvatā abhiplavasyānantaraḥ pṛṣṭhya eva ābhiplavikastu vidhiruktaḥ taccheṣo vidhirucyamānaḥ ānantaryādatra pṛṣṭhyo bhavatyeva vairūpādīnāñcāsambhavādabhiplava iti ucyate pṛṣṭhyagrahaṇaṃ kriyate viśeṣavidhyarthaṃ pṛṣṭhyānāṃ samastānāṃ dharmmārthaṃ pṛṣṭhānyasmin santīti pṛṣṭhyaḥ etaddarśayati yatra yatra samuditāni pṛṣṭhāni bhaveyuḥ tatra tatra dharmā bhaveyuriti yathā viśvajiti viśvajicchilpe'ptoryāmīti pṛṣṭhya ityadhikaraṇe saptamī ādhāro'dhikaraṇaṃ ādhriyate rathaghoṣādayo dharmmā rathamativaheyuḥ śīghraṃ vaheyuḥ paścātprāñcandevayajanasya paścāt prāṅmukhaṃ vaheyuḥ dakṣiṇato vā udañcam ativaheyuḥ bahirvedi vederbahiḥ rathantarasya stotre rathantarasya sāmnaḥ stotre stūyamāne āstotrāntāt