Occurrences of prasiddhi in "Lāṭyāyanaśrautasūtrabhāṣya"
Click [+] to expand the context.
2.2.1.[1]bahiṣpavamānasya kṛtsno vidhiruktaḥ sāmpratamahīnasatreṣu deśaviśeṣo vivakṣitaḥ sa ucyate ahīnabahiṣpavamānairiti ahīnasya bahiṣpavamānāni ahīnabahiṣpavamānāni tairahīnabahiṣpavamānaiḥ sadasī stuvīran deśena deśaḥ pratyāmnāyate prathamāhno'nyatra prathame 'hani cātvāladeśe stutvā śeṣeṣu sadasi stuvīran nanu bahiṣpavamānairiti bahuvacanasāmarthyādahīnavidhau siddhe kasmādahīnagrahaṇaṃ kriyate yāvatā ekāheṣu bahutvāsambhavāt satreṣu ca viśeṣavacanādādyantayośca satreṣviti ataḥ pratyākhyāyāhīnāt na cānyā caturthī yajñajātirasti yasyāmidaṃ vidhānaṃ kalpeta tasmādahīnagrahaṇaṃ na karttavyaṃ kriyamāṇe ca prayojanaṃ vaktavyam ucyate yaducyate'hīnagrahaṇaṃ na karttavyamiti karttavyamiti brūmaḥ kasmāt śeṣavidhiprasiddhaye dvādaśāhe'hīnabhūte ekāhamiśreṣu cāhīneṣu varuṇapraghāsadvidivasākamedhatrirātravyuṣṭidvirātreṣu akriyamāne'hīnagrahaṇe saṃśayaḥ syāt so'yamācāryyo muktasaṃśayaṃ sūtramārabhate ahīnabahiṣpavamānairiti atha prathamādahno'nyatreti ahargrahaṇaṃ na karttavyaṃ kasmāt prathamādanyatreti siddhe na caikasminnahanyanekabahiṣpavamānaṃ nāsti ucyate karttavyamahargrahaṇaṃ kasmāt akriyamāṇe prathame'hani naimittikabahiṣpavamānāvṛttau sadasi stavanaṃ syāt bahiṣpavamānānantare somāpahāre somadāhe vā ābhyāsikasaṃskāre sati haviṣaḥ stutyarthatvāt pavamānānāṃ saṃskārāvṛttau pavamānābhyāsavṛttiḥ prāpnoti pavamānābhyāsavṛttiśceti vacanāt havisrutiḥ pavamāne iti ca tasmādahargrahaṇe kriyamāṇe nāsti doṣaḥ
3.2.1.[1]uktāḥ ṣoḍaśino dharmāḥ somasya ca bhakṣavidhānamuktaṃ yāvadatiriktastotrāṇīti sāmpratamupari bhakṣavidhānamucyate āhitāgniḥ āhitā agnayo yena sa āhitāgniḥ somayājī yena somena iṣṭāṃ sa somayājī na somayājī asomayājī param anyaṃ somena yājayitvā aparibhakṣaṃ kurvīta aparibhakṣa iti karmaṇaḥ saṃjñā parasyāgniṣu yena somo bhakṣitaḥ tena svāgnayaḥ paribhakṣitāḥ pitaraśca tadaparibhakṣārthamidaṃ karmārabhyate nanu āhitāgnigrahaṇaṃ kimarthamiti yadā avakṣyadasomayājīti nahyanāhitāgneḥ somayāgaḥ syāt anyārthena vāhitāgnitvaṃ vijñāpyate iha gārhapatyadakṣiṇāgnyāhavanīyeṣu ājyādhiśrayaṇadrapsānidhānājyagrahaṇānyādekṣyante hutāyāṃ prātarāhutāvājyaṃ gārhapatye'dhiśrityodagudvāsayet kaṃse camase vā drapsānavadhāya dakṣiṇāgnāvupasādayet sphyadarbhamuṣṭī ca paścimena gārhapatyaṃ gatvā paścādāhavanīyasyopaviśya sruveṇa srucyājyaṃ gṛhṇīyādyāvadgṛhītī syāditi asya ca karmaṇo nāntareṇāhitāgneḥ prasiddhiḥ tadevamarthādāhitāgnitve siddhe yaducyate āhitāgnirityetadanarthakaṃ tasmādāhitāgnigrahaṇaṃ na karttavyaṃ kriyamāṇe kāraṇaṃ vaktavyam ucyate yadyāhitāgnigrahaṇaṃ na kuryyāt anāhitāgneryājanaprasaṅgo na syāt so'yamāhitāgnigrahaṇaṃ karoti āhitāgnirasomayājī paraṃ somena yājayitvā itthaṃ karma kuryāt anāhitāgniryājayitvāpi paraṃ na vedaṃ kuryyāt yāvatā tasyāgnayo naiva santi yeṣāmaparibhakṣārthannaivedaṃ karma kriyate athāsomayājīti kimarthaṃ yāvatā vakṣyati somayājyapīti śāṇḍilya iti somayājigrahaṇaṃ kathamucyate aniṣṭaprathamasyedaṃ karma syāt iti somayājī hi anāhitāgnirapi bhavati satreṣu tathāpyasāvasomayājyeva atha paragrahaṇaṃ kimarthaṃ yadā yājayitva siddhametat paramiti ucyate paragrahaṇaṃ parameva yājayitvā na pitaraṃ vā putraṃ vā bhrātaraṃ veti nirguṇaḥ svajanaḥ ebhyo yo'nyaḥ paraḥ para eva saḥ