Occurrences of kāraṇa in "Lāṭyāyanaśrautasūtrabhāṣya"

Click [+] to expand the context.
1.1.2.[32]evametāni sūtrānārambhakāraṇāni pratyuktāni /[+]
1.4.10.[8]ata eva siddhe'hīnagrahaṇaṃ na kartavyam kriyamāṇe kāraṇaṃ vaktavyam /[+]
2.6.1.[1]karmasūtramuktaṃ upavasathye'hani na samāmaneranniti kintu prastotā tu kuśāḥ kārayet tuśabdo viśeṣaṇārthaḥ upavasathya evāhani prastotā kuśāḥ kārayet kārayedityanyaṃ kuśānāṃ karttāraṃ jñāyati yajñiyasya vṛkṣasya yajñamarhatīti yajñiyaḥ yajñiyasya vṛkṣasyetyavayavalakṣaṇā ṣaṣṭhī khadirasya dīrghasatreṣveke eke ācāryā manyante dīrghasatreṣu khādiryaḥ kuśāḥ syuriti kiṃ kāraṇaṃ dāruprādhānyāt prādeśamātrīḥ prādeśapramāṇaḥ kārayet kuśapṛṣṭhāstvaktaḥ ākṛtirucyate tvacaṃ prati kuśapṛṣṭhāḥ syuḥ samāmajjataḥ majjāṃ prati samāḥ syuḥ aṅguṣṭhaparvapṛthumātrīḥ pṛthutvenāṅguṣṭhaparvamātrāḥ syuḥ prajñātāgrāḥ kārayitvā prajñātāni agrāṇi yathā bhavanti tathā kārayet nanu kārayitveti kimarthaṃ yadā prastotā tu kuśāḥ kārayediti prakṛta eva karaṇe ucyate praṇāśe kuśānāṃ bhaṅge vā punaranyāḥ kārayitvā prayuñjīta nānyat prāyaścittamasti gandhaiḥ pralipya kuśāḥ sarpiṣā satreṣveke eke ācāryāḥ satreṣu sarpiṣā pralepaṃ manyante vaiṣṭutena vasanena pariveśya viṣṭatīṣu yojitaṃ vaiṣṭutaṃ tena vāsasā sarvato veṣṭayitvā kṣaumaśāṇakārpāśānāṃ kenacit kṣumāyāḥ vikāraḥ kṣaumaṃ śaṇasya vikāraḥ śāṇaṃ kārpāśānāṃ vikāraḥ kārpāśam eteṣāṃ vāsasāmekena veṣṭayitvā audumbaryāḥ sādasyāḥ śālāyā upaviṣṭādvāsayet[+]
2.6.2.[1]tāmaudumbarīṃ śva eva śvobhūta ityevaṃ bruvate tasmin bhūte stotrakāle kuśairurddhvāgrairveṣṭayitvaivaṃjātīyenaiva vasanena yajjātīyaṃ vaiṣṭutaṃ pradakṣiṇamūrddhvadaśena pariveṣṭya pradakṣiṇamiti niyamaḥ kriyate na prasavyam ūrddhvadaśena nādhodaśena pariveṣṭya sarvato veṣṭayitvā spṛṣṭaḥ anapaśrita udgāyet vakṣyati kāraṇaṃ dhiṣṇyo'yaṃ bhavati na dhiṣṇyamāsādayediti[+]
3.2.1.[1]uktāḥ ṣoḍaśino dharmāḥ somasya ca bhakṣavidhānamuktaṃ yāvadatiriktastotrāṇīti sāmpratamupari bhakṣavidhānamucyate āhitāgniḥ āhitā agnayo yena sa āhitāgniḥ somayājī yena somena iṣṭāṃ sa somayājī na somayājī asomayājī param anyaṃ somena yājayitvā aparibhakṣaṃ kurvīta aparibhakṣa iti karmaṇaḥ saṃjñā parasyāgniṣu yena somo bhakṣitaḥ tena svāgnayaḥ paribhakṣitāḥ pitaraśca tadaparibhakṣārthamidaṃ karmārabhyate nanu āhitāgnigrahaṇaṃ kimarthamiti yadā avakṣyadasomayājīti nahyanāhitāgneḥ somayāgaḥ syāt anyārthena vāhitāgnitvaṃ vijñāpyate iha gārhapatyadakṣiṇāgnyāhavanīyeṣu ājyādhiśrayaṇadrapsānidhānājyagrahaṇānyādekṣyante hutāyāṃ prātarāhutāvājyaṃ gārhapatye'dhiśrityodagudvāsayet kaṃse camase vā drapsānavadhāya dakṣiṇāgnāvupasādayet sphyadarbhamuṣṭī ca paścimena gārhapatyaṃ gatvā paścādāhavanīyasyopaviśya sruveṇa srucyājyaṃ gṛhṇīyādyāvadgṛhītī syāditi asya ca karmaṇo nāntareṇāhitāgneḥ prasiddhiḥ tadevamarthādāhitāgnitve siddhe yaducyate āhitāgnirityetadanarthakaṃ tasmādāhitāgnigrahaṇaṃ na karttavyaṃ kriyamāṇe kāraṇaṃ vaktavyam ucyate yadyāhitāgnigrahaṇaṃ na kuryyāt anāhitāgneryājanaprasaṅgo na syāt so'yamāhitāgnigrahaṇaṃ karoti āhitāgnirasomayājī paraṃ somena yājayitvā itthaṃ karma kuryāt anāhitāgniryājayitvāpi paraṃ na vedaṃ kuryyāt yāvatā tasyāgnayo naiva santi yeṣāmaparibhakṣārthannaivedaṃ karma kriyate athāsomayājīti kimarthaṃ yāvatā vakṣyati somayājyapīti śāṇḍilya iti somayājigrahaṇaṃ kathamucyate aniṣṭaprathamasyedaṃ karma syāt iti somayājī hi anāhitāgnirapi bhavati satreṣu tathāpyasāvasomayājyeva atha paragrahaṇaṃ kimarthaṃ yadā yājayitva siddhametat paramiti ucyate paragrahaṇaṃ parameva yājayitvā na pitaraṃ vā putraṃ vā bhrātaraṃ veti nirguṇaḥ svajanaḥ ebhyo yo'nyaḥ paraḥ para eva saḥ[+]
3.7.1.[1]daśānāṃ pūraṇaḥ daśamaḥ daśamasyeti sambandhalakṣaṇā ṣaṣṭho bahiṣpavamānamiti stotropadeśaḥ dvitīyaprabhṛtīnāmiti nidadhyurupadeśaḥ prabhṛtiśabdaḥ ādyābhidhāyī pañcānāmiti saṃkhyā ahnāmiti aharnirdeśaḥ anurūpā iti bahiṣpavamānaṃ tannavarcaṃ navarcamiti saṃjñā bahiṣpavamānasya ādyadvitīyāntyāstṛcaḥ pratipadanurūpaparyāsaḥ prathamāccāhnaḥ bahiṣpavamānantannavarcaṃ navarcamiti saṃjñā etaddaśamasyāhno bahiṣpavamānam atrocyate yadā tāvadeva bahiṣpavamānaṃ dāśamikaṃ klṛptameva sarvaṃ brāhmaṇe pañcānāmahnāmanurūpaiḥ pratyavayanti navarce bhavanti yā evāmūḥ prayacchan yā āvadadhātīti ca sambandho'sya darśitaḥ prāthamikasya navarcasya vāruṇyekā bhavati ādityekā bhavatīti ca liṅgacodanā tat kimidaṃ siddhe sati punarārabhyate daśamasya bahiṣpavamānamiti ucyate ācāryyasyeyaṃ pravṛttiḥ yatra hi kālo vā viśeṣo vā kañcidvivakṣito bhavati tatra siddhasyāpi sato vidhiḥ punarupādānaṃ karoti yathā ekatrike sadyaḥ sarvaṃ kuryurekadīkṣastryupasatka iti gautamastasya gāyatrapārśvamārbhavo yā ruceti purojityamiti śāṇḍilya iti etad vivakṣuḥ siddhamidaṃ gāyatrapārśvaṃ punarāmanati evamiha vidhiśeṣaṃ vivakṣuḥ siddhopādānaṃ karoti kaḥ punarvidhiḥ śiṣyate yo vaktavyaḥ ucyate brāhmaṇaṃ pañcānāmahnāmanurūpaiḥ pratyavayantīti tathā vaktavyam etadarthaṃ siddhamapi santaṃ punarādadate ucyate yadyevaṃ siddhe'pi sati punarādadate daśamagrahaṇaṃ tāvanna karttavyaṃ kasmāt nāvamikaṃ vidhānamuktaṃ śeṣo'pi vidhirucyamānaḥ saṃkhyānāt daśamādanyatra ca bhavet tasmāddaśamagrahaṇaṃ śakyamavaktuṃ bahiṣpavamānagrahaṇaṃ śakyameva vaktuṃ bahiṣpavamānasya grahaṇasya kiṃ kāraṇaṃ tacchakyatvāt tat vivaktavyam atra hoturājyādārabhya susamiddho na āvahetyetasmāddāśamikāni stotrāṇi pratyakṣaśiṣṭāni tasmāt kāraṇaṃ na vaktavyaṃ dvitīyaprabhṛtīnāmityetadapyanārabdhavyameva yasmāddvitīyaprabhṛtiṣvahaḥsu bahiṣpavamānadvitīyāstṛcasteṣāmanurūpā iti saṃjñā pavasvendovṛṣāsuta ityetadādīnāṃ ahnāmanurūpā ityetacca na vaktavyaṃ kasmāt uktaṃ pañcānāmahnāmanurūpaiḥ pratyavayantīti prathamācca bahiṣpavamānantannavarcamityetadapi na vaktavyaṃ kasmāt uktaṃ navarce bhavatīti yā evāmūḥ prayacchan yā avadadhāti tā etā udasyatīti prāthamikenaiva bahiṣpavamānena sambandhaṃ darśayati tasmāt sarvameva sūtraṃ nārabdhavyam ārambhe vā prayojanaṃ vaktavyam atrocyate yaduktaṃ nārabdhavyamityārabdhavyamiti brūmaḥ śeṣavidhyarthaṃ yattāvaducyate daśamagrahaṇaṃ na kartavyamiti atra brūmaḥ karttavyameva chandomā iti paṭhati abhyasaṅgyaḥ pañcāhaścatvāraḥ chandomā viśvajidatirātra iti tatredaṃ saṃkhyānato navamaṃ tatrāyaṃ saṃśayaḥ kimatra dāśamikaṃ bahiṣpavamānaṃ bhavatyata utpattikatvāt nāvamikaṃ mābhūditi yāvatā nidānakāreṇāpi vicāritaṃ kathaṃ daśamadharmā mānasamiti karttavyā ityeke taccāharjāyata iti akartavya ityaparamadaśamañca luptaśca daśarātra iti so'yamācāryyo'niyamārthaṃ daśamagrahaṇaṃ karoti kathaṃ adaśame'pyetasmin bahiṣpavamānaṃ syāditi atha yaduktaṃ bahiṣpavamānagrahaṇaṃ na karttavyamityatra brūmaḥ bahiṣpavamānagrahaṇaṃ kriyate niyamārthaṃ kathaṃ etasminnahani na kadācidanyaṃ bahiṣpavamānaṃ syāditi kutaḥ punarāśaṅkā yathānyaṃ bahiṣpavamānaṃ syāditi ucyate maśakaḥ paṭhati dvādaśāhavicāreṣu api vā pratipadāvevānyonyasyāḥ sthānaṃ vyatiharediti na kadācidapi bahiṣpavamānasya vikāraḥ syāt daśame'hanīti atha yaduktaṃ dvitīyaprabhṛtīnāmiti na vaktavyamityatra brūmaḥ anyonyasya sthānaṃ dvitīyaprabhṛtīnāmeva syuḥ atha yaduktaṃ pañcānāmityatra brūmaḥ avidyamāneṣvapi pañcānāmeva kuryuḥ yathā chando bhavati daśarātre atha yaduktamahnāmiti na vaktavyamityatra brūmaḥ aharvyatyāso'pyānupūrvyeṇa syāt atha yaduktamanurūpā iti na vaktavyamityatra brūmaḥ anurūpagrahaṇaṃ sāptamikapratiṣedhārthaṃ kathaṃ samūhite dvādaśāhe etā anurūpā na syuriti yeṣāmevānurūpā saṃjñā tā eveti atha yaduktaṃ prathamācca bahiṣpavamānaṃ tannavarcamityetadapi na vaktavyamityatra brūmaḥ avachinnabahiṣpavamānaṃ klṛptaṃ chandomā mati daśarātre tanmābhūditi tasmāt sūtramārabdhavyam[+]
9.6.21.[1]natvevaṃ syāt tuśabdaḥ pūrvapakṣavyāvarttakaḥ yaduktaṃ dvādaśāhabhūtasya syāditi tatra nānā pṛthak tasmin svasmin prakaraṇe coditānāṃ krameṇa ānantaryyāt sambandho na syāt nahyānantaryaṃ sambandhakāraṇaṃ yathā upahavyasya ca ṛtapeyasya ca prakaraṇavaccoditayorna sambandho bhavatyānantaryyāt[+]
9.7.1.[1]tasmin jyotiṣṭome'tirātre svatantre nāṅgabhūte āhīnikī rātriḥ syāt yasmādaviśeṣeṇa ahīneṣu codyate hiśabdaḥ kāraṇopadeśārthaḥ sarve'tirātrā ahīnā iti[+]
9.11.13.[1]teṣāṃ jyotiṣṭomādīnāmaptoryāmāntānāṃ stomacodanaiva syāt na dravyacodanā yathā catuṣṭomasarvastomayoḥ pratyakṣaśiṣṭayoḥ stomacodanāmātraṃ bhavati evameteṣāṃ stomacodanāmātraṃ syāt kiṃ kāraṇaṃ yasmāt trirātreṣu tantravilopo na vidyate[+]
9.11.14.[1]atha yaduta yathā catuṣṭomasarvastomayoḥ pratyakṣaśiṣṭayoḥ stomacodanāmātraṃ bhavati evameteṣāṃ stomacodanāmātraṃ syāt kiṃ kāraṇaṃ yasmāt trirātreṣu ca tantravilopo na vidyata iti tanna natvevaṃ syāt tuśabdaḥ pūrvapakṣanivṛttyarthaḥ yaduktaṃ teṣāṃ stomacodanaiva syāditi tanna svatantrā eva syuḥ kiṃ kāraṇaṃ yasmāt purastāt kṛtalakṣaṇā hi codyante teṣāṃ kṛtalakṣaṇaṃ na codyamānānāṃ stomacodanāmātraṃ pratīyāt atha yaduktaṃ yathā catuṣṭomasarvastomayorityatra brūmaḥ pratyakṣavikārāt catuṣṭomasarvastomayoḥ stomacodanāmātraṃ pratīyate pratyakṣavikāraḥ kṛta eva maśakena[+]
10.2.1.[1]ṣoḍaśiprakaraṇe caturthe'hani paṭhati gaurīvitamadhikṛtya śarkvarīṣu ṣoḍaśinā stuvīteti tatrāyaṃ saṃśayaḥ kimatra śarkvaryyaḥ gaurīvitasya ṛcaścodyanta atha sāmacodanaiveyam iti kutaḥ punarayaṃ saṃśayaḥ codanāt eva śarkvarīṣu ṣoḍaśinā stuvīteti adhikaraṇe pakṣaṇe saptamī śrūyate śarkvvarīṣu ṛkṣu gaurīvitena sāmnā stuvīranniti atha dṛṣṭā etā mahānāmnyaḥ ṣoḍaśisāmeti kṛtvā agniḥ sāmacodaneti ṛgbhirāśrayeṇa sāmna āśrayeṇa ca codaneti saṃśaye ācārya idaṃ sūtramārabhate śarkvarīṣu ṣoḍaśinā stuvīteti yadetadbrāhmaṇaṃ tatra gaurīvitaṃ mahānāmnīṣu ṛkṣu syāt kiṃ kāraṇaṃ tasya prakaraṇe yasmādṛkcodanā[+]
10.3.1.[1]gavāmayanaprakaraṇe dādaśāhasya daśāhāni bhavantītyevamadhikṛtyāha athaitat daśamamahariti tasminnadhikaraṇe mānasampaṭhati tatrāyaṃ saṃśayaḥ kimetanmānasaṃ daśamasyāṅgam athānaṅgamiti kutaḥ punarayaṃ saṃśayaḥ aṅgamanaṅgamiti tatkāraṇamasminneva vacyate athāṅgamanaṅgamiti kiṃ punaretasyāścintāyāḥ prayojanaṃ yadyanaṅgaṃ tataḥ ko viśeṣaḥ syāditi ucyate maśakena dvādaśāhavicāreṣu athāpare daśa bhavanti yathā stomaṃ prathamamahastathā stomo'yaṃ sarvo daśarātraḥ syāt tena tejaskāmo brahmavarcasakāmo vā yajeteti evaṃ dvitīyādiṣvahaḥsu ye stomāstaiḥ pratikāmamekaikena stomena sarvāṇi daśāhāni bhavanti tadyadi tāvanmānasaṃ daśamasyāṅgaṃ tatastrivṛdādibhiḥ stomaiḥ pratikalpaṃ mānasenāpi bhavitavyam tathā dāśamikena stomena daśarātre kriyamāne mānasenāpi stomenātra bhavitavyam atha punaranaṅgaṃ tataḥ mānasikena stomena nātra bhavitavyaṃ so'yamācāryya evamarthaṃ parivivakṣuḥ punarārabhate daśamasyāhno'naṅgamiti daśamasyāhaḥ eke ācāryyāḥ mānasam anaṅgaṃ bruvate guṇapradhānamekadeśo'ṅgam avayava ityekorthaḥ na aṅgam anaṅgaṃ kasmādanaṅgaṃ bruvate bahiṣpatnīsaṃyājatvādete yasmāt patnīsaṃyājebhyo bahiretat stotrasthāne hyetat stotrāṇi sarvāṇi prāk patnīsaṃyājebhyo'pavṛjyante ūrddhvaṃ patnīsaṃyājebhyaḥ stotrānāmapravṛttiḥ tasmādanaṅgam[+]
10.3.3.[1]kiñcānyat asya mānasasya avayavena ekadeśena sargaṃ vadati sargaḥ sṛṣṭirityanarthāntaram iha stotrāṇāṃ sarveṣāṃ ātmābhyāsakriyā asya punarmānasasya avayavena ekadeśena kriyāṃ vadati manaso'pāvartayati manasā hiṅkaroti manasā prastauti manasodgāyati manasā pratiharati manasā nidhanamupayantīti evaṃ ebhiḥ kāraṇairanaṅgaṃ sadityucyate[+]
10.3.9.[1]pratipakṣe yaduktaṃ sampatkāraṇaṃ ṣoḍaśina iti tatra na kāraṇam akāraṇam animittaṃ sampat hetuḥ nimittaṃ pramāṇaṃ kāraṇamityanarthāntaraṃ bahavo hyavirāṭsampannāḥ bahavo hi yajñā na virāṭsampannāḥ kiñcānyatkāraṇamapūrvasya vidherna vidyate apūrvasya prathamautpattikasya vidheḥ kāraṇaṃ na vidyate yasmāt dvādaśāhagavāmayanayoḥ ṣoḍaśikā ṣoḍaśitvaṃ na virāṭsampadartham apūrva evāsau tayorautpattiko vidhiḥ prākṛtasya[+]
10.4.1.[1]kathaṃ nivṛttimuttareṣāṃ darśayatīti taducyate āvṛttānāṃ pañcāhānāṃ trayastriṃśadrātre prathamasya pañcāhasya prathamasyāhno mānavādirbṛhatī bhavati athaitayaiva pañcāhā āvṛttā āvṛttānāṃ pañcāhānāṃ prathamasya pañcāhasya prathamasyāhno'bhisomāsa āyava iti mānavamekasyāṃ tasyāmevānūpa iti tat yadyapatyādīnāṃ pravṛttiḥ syāt tatra tṛtīye pañcāhe santani syāt tadāvṛttasya prathamaṃ tadevaṃ santanimānavayorjāmi syāt anena kāraṇena manyāmahe apatyādīnāṃ rātrisatreṣu nivṛttirbhavati[+]
10.4.4.[1]ya ete pañcāhāstrayastriṃśadrātre coditāḥ te anādeśe prakṛtipratyayādityetadādibhirhetubhiḥ pṛṣṭhyastomapañcāhāniti pakṣaḥ pratigṛhyate tān pratyekamunmīlayiṣyāmaḥ tān pañcāhāneka ācāryyāḥ pṛṣṭhyastomapañcāhān manyante kiṃ kāraṇam anādeśe prakṛtipratyayāt yatra hyādeśo nāsti tatra prakṛteḥ pratyayo bhavati iha sarve vilopāddaśarātrādbhavanti ucyate yadyevaṃ pṛṣṭhyastomapañcāhānityevaṃ na vaktavyaṃ na hi pṛṣṭhyaḥ stomaḥ prakṛtiḥ ucyate pṛṣṭhyapañcāhā evāsya vivakṣitāḥ bṛhadrathantarapṛṣṭhyatāmabhipretya samūḍhañca pṛṣṭhyastomena pradeśaṃ karoti yadi tu pṛṣṭhyena pradeśaṃ kuryyāt pṛṣṭhyāni prasajyeran vyūḍhasamūḍhatāyāñca vikalpaḥ syāt evaṃ mābhūdityataḥ pṛṣṭhyastomena pradiśati pṛṣṭhya eva tvasya prakṛtitvenābhipretaḥ viśvajidanvavāyāt iha ca manyāmahe pṛṣṭhyastomapañcāhā iti yenaiva viśvajidanvavaiti ya ete pṛṣṭhyavilopā etān sarvān viśvajidanvavaiti tathā tṛtīye ṣaḍrātre abhyāsaṅgyaḥ pañcāho viśvajidatirātraḥ tathā dvitīye navarātre jyotiṣṭomo'gniṣṭomo gaurukthya āyurukthyo'bhyāsaṅgyaḥ pañcāho viśvajidatirātra iti daśarātre'bhyāsaṅgyaḥ pañcāhāśvān vā yaśchandomā viśvajidatirātra iti eteṣāṃ pṛṣṭhyavilopaṃ kṛtvā viśvajidanvavāyo bhavati pṛṣṭhyānugrahārthaṃ nānā brahmasāmatvācca manyāmahe pṛṣṭhyastomapañcāhā iti na hi nānā brahmasāma abhiplavaḥ śyaitanaudhasabrahmasāmatvāt tena pradeśaḥ nānā brahmasāmānyupayantīti nityānuvādo'yaṃ yadi hyapūrvo bhavet vidhirevābhaviṣyat vidhāyakena vākyena vyavāyaḥ syāt nānā brahmasāmānyupeyuriti ṣaṣṭhasyālopavacanāt itaśca manyāmahe pṛṣṭhyastomapañcāhā iti yasmāt pṛṣṭhyaṃ prati ṣaṣṭhasyālopavacanaṃ lupyate vā etat ṣaṣṭhamaharyatpañcāhānupayanti narttavaḥ kalpante yatpṛṣṭhyaḥ ṣaḍahastena ṣaṣṭhamaharna lupyate narttavaḥ kalpanta iti tadyadi pārṣṭikaṃ ṣaṣṭamaharna luptaṃ tataḥ pṛṣṭhyasya ṣaḍahasya kriyāyāmalopavacanaṃ nopapadyate atha punarābhiplavikaṃ ṣaṣṭhamaharna luptaṃ tasya pārṣṭikena ṣaṣṭhenāhnā alopavacanaṃ nopapadyate jyotirgaurāyurityanādeśāt yadyasyābhiplavikaḥ pañcāha iṣṭo bhavati tatropadiśyate vātirātrojyotigaurāyugaurāyuḥ pañcāha iti iha punastasyānādeśāt manyāmahe pṛṣṭhyastomapañcāhā iti trivṛtā prayanti trivṛtodyantoti cāha evaṃ brāhmaṇamāha trivṛtā prayanti trivṛtodyantīti tasya trivṛtstomaṃ prathamamahaḥ āvṛttasya tadevohanīyaṃ bhavati evametairhetubhirmanyāmahe pṛṣṭhyastomapañcāhā iti[+]
10.10.1.[1]gavāmayane yatkiñcitsandigdhaṃ tadvicāritam anantaramādityānāmayanamaṅgirasāmayanañca tayoḥ sāmānyaṃ vicāryate ādityānāmayane aharvyūhaṃ vidhāya paṭhati chandomadaśāho'ṣṭācatvāriṃśaṃ prathamamahariti evaṃ daśasvahaḥsu aṣṭācatvāriṃśādibhiḥ stomaiḥ prakṛtān stomān pratyāmanati daśame'hani caturviṃśastomamāmanati evamevāṅgirasāmayane ca caturviṃśādīṃstomān paṭhati punardaśame caturviṃśamevāmanati maśakena prāyaṇīyādṛksāmadravyaṃ kalpayitvā chandomadaśāhayorekatra daśame'hani paṭhati maśakaḥ atha yadeva chandomavato daśarātrasya mahāvratāntimamahastadatra daśarātramiti aparatra paṭhati atha yadeva pūrvasya chandomadaśāhasya daśamamahastadatra daśamamiti tatrāyaṃ saṃśayaḥ kiṃ maśakena daśamapradeśāt trikatrayastriṃśo mānasāgniṣṭomasāmnoḥ stomo karttavyo atha pratyakṣavidhānāt sarvatraiva caturviṃśa iti etasmin saṃśaye ayamācāryya ārabhate chandomadaśāhayordaśamasya trayastriṃśamagniṣṭomasāma syādityeke trikaṃ sārparājñaṃ daśamapradeśāditi chandomadaśāhayorubhayorapi daśamasyāhnaḥ trayastriṃśamagniṣṭomasāma syādityeke ācāryyā manyante trikañca sārparājñam ete ubhe mānasāgniṣṭomasāmano trikatrayastriṃśastomayoḥ syātāṃ kiṃ kāraṇaṃ daśamapradeśāt yasmāt daśame ubhayorapyetayoḥ prākṛtena daśamenāhnā pradeśaṃ karoti anyonyaṃ syāt yadyevaṃ tadidaṃ brāhmaṇaṃ caturviṃśamiti asya kṛtsnasaṃyogasthānarthakyaṃ prāpnoti ucyate[+]
10.10.4.[1]yaduktaṃ bhūyasovādacaturviṃśamiti evaṃ na syāt kiṃ kāraṇaṃ yasmāt pratyakṣavikāro balīyān yathā bhūyasovādāt caturviṃśamiti pratyakṣeṇa śabdena vikaroti trikatrayastriṃśe[+]
10.10.11.[1]maśakaḥ paṭhati vidhṛtibhiḥ klṛptaṃ dṛtivātavatorayanamātriṇavebhyaḥ trivṛdbhyaḥ uddharatyukthāni pañcadaśebhyaḥ ṣoḍaśinamiti ṣoḍaśina uddhāraṃ paṭhati tatra ca vidhṛtīnāṃ daśame'hani pañcadaśānāṃ nārmedhamukthāneva paṭhati yadi ṣoḍaśinamuddharati tatrāyaṃ saṃśayaḥ kiṃ nārmedhasya tatra ṣoḍaśī nimittam atha vacanaṃ kāraṇamiti tadiha ācāryyairvicāryate pañcadaśastomānāmahnāṃ daśamasyāhnaḥ āṣṭādaṃṣṭrānyukthāni syurityevamācāryyā manyante kasmāt ṣoḍaśyapāyāt nārmedhasya hi tatra ṣoḍaśī nimittaṃ sacet ṣoḍaśī tasmādevamapi syāt avayavānāṃ nivṛttiḥ syāt[+]
10.10.13.[1]vacanañca tatra kāraṇaṃ nārmedhasya na ṣoḍaśī nimittaṃ bhavati[+]
10.11.2.[1]kauṇḍapāyinasya upasadanta upavasathakarma kṛtvātirātramupeyuriti śāṇḍilya ācāryya āha kiṃ kāraṇaṃ yasmādevaṃ vṛttirgṛhyate sarvasatrāṇam[+]
10.14.12.[1]śaucivṛkṣirācāryya āha antareṇātirātrau anyāni sahasramahāni syuriti yasmādantareṇatirātrāvāha sahasramahānīni atirātraḥ sahasramahānyatirātra iti atha yaduktaṃ samākhyātaḥ saṃśaya utpanna iti na hi pratyakṣāyāṃ śrutau samākhyā grāhyā prathamaṃ hi viniyogakāraṇaṃ śrutiḥ durbalā samākhyā[+]
10.15.5.[1]yaduktamamāvāsyāyāmatirātra kriyamāṇe pūrvapakṣādau svasthānamāmāvāsyaṃ prayujyate itarathā hi kriyamāṇe na svasthānamāmāvāsyaṃ prayujyate kiṃ kāraṇam[+]
10.16.1.[1]uktaṃ te tamāpūryamāṇamāmāvāsyena yanti teṣāṃ paurṇamāsyāṃ goṣṭomaḥ stomo bhavatyuktho bṛhatsāmā saṃsthite goṣṭome paurṇamāsaṃ nirvapanta iti goṣṭomasaṃsthānantaraṃ paurṇamāsasya kriyāmādiśati paurṇamāsasya cāparapakṣādiḥ sthānaṃ tatkiṃ paurṇamāsakālavaśena yajanīye'hani goṣṭomo'stu atha pratyakṣatvāt paurṇamāsyāṃ goṣṭomaṃ kṛtvā tatkālānantaraṃ paurṇamāsaṃ nirūpyatāmiti ato'rthamācāryyaḥ parīkṣitumārabhate teṣāṃ paurṇamāsyāṃ goṣṭomaḥ stomo bhavatīti sa goṣṭomo yajanīye'hani syāt ityevamācāryyā manyante kiṃ kāraṇaṃ yasmāt saṃsthānantaraṃ paurṇamāmasya kriyāṃ vidhatte yastvayaṃ paurṇamāsīśabdasteṣāṃ paurṇamāsyāmiti ayaṃ paurṇamāsīsannikṛṣṭe kāle[+]
10.18.11.[1]tiṣṭheddivāsīta naktaṃ na saṃviśet ṣṭhāgatinivṛttau naktaṃ rātrāvāsīta upaviśeta nāpi saṃviśet havirucchiṣṭabhojī syāt adhaḥsaṃveśī adhaḥsaṃviśet na kṣamāyāṃ bhūmāvityarthaḥ amāṃsāśyalavaṇāśī na māṃsamaśnīyāt na lavaṇamiti kutaḥ punaḥ saṃśaya ucyate na punaḥ pravṛttiruparisaṃveśanasya māṃsalavaṇabhojanasya ca yenāyaṃ pratiṣedhaḥ kriyate yāvatā uktaṃ tiṣṭheddivāsīta naktaṃ havirucchiṣṭabhojī syāditi tadidamanarthakaṃ tasmāt na vaktavyam ucyamāne vā prayojanaṃ vaktavyam ucyate ārabdhavyameva uktaṃ hi saṃvatsaraṃ brāhmaṇasya gā rakṣet saṃvatsaraṃ vyarṇenaitandhave'gnimindhīta saṃvatsare parīṇahyagnīnādadhīteti tadgopālāgnīndhanayoretanna sambhavati gāḥ pālayataḥ sthānāsanaṃ sambhavati agnīndhane prāgagnyādhānāddhaviṣo'bhāvāddhavirucchiṣṭabhojitvaṃ na sambhavati etasmāt kāraṇādārabdhavyamidamanena niyamo yathā sambhavati striyannopeyāt maithunadharmeṇeti kuto vā pravṛttiḥ tatrāha vakṣyatyayaṃ yathā prakṛtyāhitāgnivṛttiṃ varttayediti tasyāṃ vṛttāvetat prakṛtamṛtāvupeyāditi tat pratiṣidhyate yathāprakṛti āhitāgneryyā prakṛtavṛttiḥ tāṃ varttayet agnihotradarśapūrṇamāsānāṃ karmaṇāmanuṣṭhānaṃ kuryyāt dārṣadvratataurayoḥ sāmānyāni vratānyuktāni sāmprataṃ dārṣadvratataurayoryovidhiḥ sa ucyate[+]