Occurrences of kva in "Lāṭyāyanaśrautasūtrabhāṣya"

Click [+] to expand the context.
2.5.28.[1]upavasathye'hani caturdaśyāṃ samānānaṃ na kuryuḥ kva punaḥ samāmnānaṃ prāptamupavasathye'hani niṣidhyata iti ucyate stotragatasya sāmnaḥ pāñcavidhye bhaktiṣvācāryāṇāṃ anekadhā pratipattiḥ tadyathādāvekaḥ kalponāṅgīkriyate tadā stotrakāle bhaktīḥ prati anyo'nyena vipratipattiḥ syāt sa cānyāyaḥ tadevaṃ mābhūdityata adāvevodgātuḥ kalpo ya iṣṭaḥ sa sampratipattavyaḥ ato'rthaṃ samāmnānamādāveva karttavyaṃ syāt tasyopavasathye'hani pratiṣedhaḥ[+]
3.1.1.[1]uktaṃ sārvakratukaṃ sāmānyavidhānaṃ sāmprataṃ ṣoḍaśino guṇavidhānamucyate sārvakratuko'yaṃ ṣoḍaśī daśarātrike caturtho'hanyutpannaḥ atraiva cāsya hiraṇyaṃ sampradānaṃ ṣoḍaśinā stuvata ityevamādayo dharmmāḥ paṭhitāḥ teṣāṃ vidhānaṃ vivakṣurāha ṣoḍaśisāmnā stoṣyamāṇa iti nanu uktaṃ tvayā caturthe'hani ṣoḍaśī utpanna iti tat prakaraṇe caiva dharmā vaktavyāḥ syuḥ tat kimidaṃ viprakaraṇe guṇavidhānam ārabhyata iti yadā ca tasminneva prakaraṇe yasmādanyo na paro asti jāta ityetadādi mantraṃ vidhāyoktam udgātā grahamavekṣeta iti idañcāvekṣaṇavidhānaṃ kimarthamiti cet atrocyate tadidam avekṣaṇaṃ prakaraṇe stotrānte uktaṃ tatrāyaṃ saṃśayaḥ kiṃ kālaṃ prati tāvat kiṃ tasminneva kāle'vekṣaṇamathānyasminniti tathā kiṃ havirddhānasthasyeva athāvekṣaṇapravṛttiḥ sadasīti avekṣaṇaṃ hi sadasi pravṛttaṃ somānāṃ saumyasya ca tathā ete dharmā hiraṇyasampradānādayaḥ caturthotpādāḥ ayañca ṣoḍaśī prakaraṇāntareṣvapi śrūyate sarvastomātirātrādiṣu tat kimete dharmāḥ prakaraṇasyasya bhavanti uta prakaraṇāntareṣvapi ṣoḍaśinaṃ bhajata iti kutaḥ punarayaṃ saṃśayaḥ ucyate aprākṛtatvāt ṣoḍaśinaḥ tena kiṃ prākṛto hi vidhirvyakṛtīrbhajata aprākṛtastu na vacanādvikṛtīrbhajata iti ato'yamācārya etānmohān parititīrṣuḥ sārvakratukānantaraṃ ṣoḍaśino vidhānamārabhate katham etaṃ sārvakratukaṃ vidhānaṃ ṣoḍaśinaḥ syāditi yadi hyetaṃ vidhānamācāryaḥ prakaraṇa āmnāyasya tadviṣayamevābhaviṣyat tanmābhūdato viprakaraṇa ārambhaḥ ṣoḍaśisāmnā stoṣyamāṇaḥ yathāsanamupaviśya havirddhānaṃ gatvā ṣoḍaśigrahamavekṣeta udgātā yasmādanya iti eṣa padānāṃ vicchedaḥ artho vakṣyate ṣoḍaśisāmneti karttṛkaraṇalakṣaṇā tṛtīyā stoṣyamāṇa iti bhaviṣyatkālopadeśaḥ yathāsanamupaviśya saṃsthāyāsane niḥsṛpya samastopasthānaṃ kṛtvā kṛtsnena vā akṛtvā vā svasminnāsana upaviśya havirddhānaṃ gatvā ṣoḍaśigrahamavekṣeta udgātā yasmādanya ityanena mantreṇa nanu ṣoḍaśisāmneti sāmagrahaṇaṃ kimarthaṃ yadāyaṃ ṣoḍaśiśabdaḥ kṛte'pi sāmagrahaṇāt stotravācī bhaviṣyatyeva ayaṃ hi ṣoḍaśiśabdaḥ triṣu varttate stotre grahe saṃsthāyāmiti stotre tāvat yogāya trīṣu dvipadāṣu bṛhatā ṣoḍaśinā stuta iti grahe prātaḥsavane ṣoḍaśinaṃ gṛhītaṃ tṛtīyasavane prajanayatīti sva āyatane ṣoḍaśī gṛhyata iti ca saṃsthāyāṃ so'bravīt ṣoḍaśī te'yaṃ yajñakraturastviti so'yaṃ ṣoḍaśiśabdaḥ prayujyamāna stotragrahasaṃsthāsu ityarthāt pratīyate tadiha ṣoḍaśinā stoṣyamāṇa ityukte ṛte'pi sāmagrahaṇāt stavanasāmarthyāt sāmneti gamyata eva tat kimidaṃ sāmagrahaṇamiti atrocyate asya ṣoḍaśina ukthānantaravidhānaṃ tasminneva krame dharmāḥ prāpnuvanti idañca ṣoḍaśīsāmasaṃsthāntare'pi prayujyate tadasyānyasmin sthāne prayujyamānasya dharmā bhavanti uta netyeṣa saṃśayaḥ so'yamācāryaḥ sāmagrahaṇaṃ karoti kathaṃ sthānāntare'pi prayujyamānasya dharmā bhaveyuriti kva punarasya sthānāntare prayogaḥ atyagniṣṭome ṣoḍaśinaṃ gṛhṇīyāditi[+]
3.10.17-19.[1]evaṃ sampreṣya rājānaṃ anantaraṃ brāhmaṇaṃ brūyāt yadidaṃ mayā rājñe upadiṣṭam etatsarvaṃ rājānaṃ hiṅkāravelāyāṃ kārayeriti evamuktvā bhūmidundubhimāvrajet kva bhūmidundubhirbhavatītyata āha / /[+]