Occurrences of hṛd in "Āpastambaśrautasūtra"

Click [+] to expand the context.
4.5.2yo mā hṛdā manasā yaś ca vācā yo brahmaṇā karmaṇā dveṣṭi devāḥ / yaḥ śrutena hṛdayeneṣṇatā ca tasyendra vajreṇa śiraś chinadmīti stambayajur hriyamāṇam[+]
4.7.2āroha patho juhu devayānān yatrarṣayaḥ prathamajā ye purāṇāḥ / hiraṇyapakṣājirā saṃbhṛtāṅgā vahāsi mā sukṛtāṃ yatra lokāḥ // juhūr asi ghṛtācī gāyatrīyāmnī kavibhir juṣāṇā / avyathamānā yajñam anuyacchasva sunītī yajñaṃ nayāsy upa devān āgneyena śarmaṇā daivyeneti juhūm // avāhaṃ bādha upabhṛtā sapatnāñ jātān bhrātṛvyān ye ca janiṣyamāṇāḥ / dohai yajñaṃ sudughām iva dhenum aham uttaro bhūyāsam adhare mat sapatnāḥ // subhṛd asy upabhṛd ghṛtācī traiṣṭubhena chandasā viśvavedāḥ / avyathamānā yajñam anuyacchasva sunītī yajñaṃ nayāsy upa devān aindreṇa śarmaṇā daivyenety upabhṛtam // yo mā vācā manasā durmarāyur hṛdārātīyād abhidāsad agne / idam asya cittam adharaṃ dhruvāyā aham uttaro bhūyāsam adhare mat sapatnāḥ // dhruvāsi dharaṇī dhanasya pūrṇā jāgatena chandasā viśvavedāḥ / avyathamānā yajñam anuyacchasva sunītī yajñaṃ nayāsy upa devān vaiśvadevena śarmaṇā daivyeneti dhruvām // syono me sīda suṣadaḥ pṛthivyāṃ prathayi prajayā paśubhiḥ suvarge loke / divi sīda pṛthivyām antarikṣe 'ham uttaro bhūyāsam adhare mat sapatnāḥ // ayaṃ sruvo abhijiharti homāñ chatakṣaraś chandasānuṣṭubhena / sarvā yajñasya samanakti viṣṭhā bārhaspatyena śarmaṇā daivyeneti sruvam // iyaṃ sthālī ghṛtasya pūrṇācchinnapayāḥ śatadhāra utsaḥ / mārutena śarmaṇā daivyenety ājyasthālīm[+]
4.15.1udyann adya mitram ahaḥ sapatnān me anīnaśaḥ / divainān vidyutā jahi nimrocann adharān kṛdhi // udyann adya vi no bhaja pitā putrebhyo yathā / dīrghāyutvasya heśiṣe tasya no dehi sūrya // udyann adya mitram aha ārohann uttarāṃ divam / hṛdrogaṃ mama sūrya harimāṇaṃ ca nāśaya // śukeṣu me harimāṇaṃ ropaṇākāsu dadhmasi / atho hāridraveṣu me harimāṇaṃ nidadhmasi // udagād ayam ādityo viśvena sahasā saha / dviṣantaṃ mama randhayan mo ahaṃ dviṣato radham // yo naḥ śapād aśapato yaś ca naḥ śapataḥ śapāt / uṣāś ca tasmai nimruk ca sarvaṃ pāpaṃ samūhatām iti ca[+]
10.10.3viṣāṇe viṣyaitaṃ granthiṃ yad asya gulphitaṃ hṛdi mano yad asya gulphitam ity aṅgāni[+]
12.3.13atra rājānam antareṣe grāvasūpāvaharati hṛde tvā soma rājann ity etābhyām[+]
13.7.16nītāsu dakṣiṇāsu cātvāle kṛṣṇaviṣāṇāṃ prāsyati hariṇasya raghuṣyato 'dhi śīrṣaṇi bheṣajam / sa kṣetriyaṃ viṣāṇayā viṣūcīnam anīnaśat // anu tvā hariṇo mṛgaḥ paḍbhiś caturbhir akramīt / viṣāṇe viṣyaitaṃ granthiṃ yad asya gulphitaṃ hṛdi mano yad asya gulphitam ity etābhyām[+]
14.16.1agniṃ naro dīdhitibhir araṇyor hastacyutī janayanta praśastam / dūredṛśaṃ gṛhapatim atharyum // agnināgniḥ samidhyāte / sapta te agne / mano jyotir juṣatām / trayastriṃśat // yan me manasaś chidraṃ yad vāco yac ca me hṛdaḥ / ayaṃ devo bṛhaspatiḥ saṃ tat siñcatu rādhasā // viśvakarmā havir idaṃ juṣāṇaḥ saṃtānair yajñaṃ sam imaṃ tanotu / yā vyuṣṭā uṣaso yaś ca nimrucas tā saṃdadhāmi haviṣā ghṛtena // ayāś cāgne 'si / tvaṃ no agne / sa tvaṃ no agne // bhadraṃ karṇebhiḥ śṛṇuyāma devā bhadraṃ paśyemākṣabhir yajatrāḥ / sthirair aṅgais tuṣṭuvāṃsas tanūbhir vyaśema devahitaṃ yad āyuḥ // svasti na indro vṛddhaśravāḥ svasti naḥ pūṣā viśvavedāḥ / svasti nas tārkṣyo ariṣṭanemiḥ svasti no bṛhaspatir dadhātu // pṛṣadaśvā marutaḥ pṛśnimātaraḥ śubhaṃyāvāno vidatheṣu jagmayaḥ / agnijihvā manavaḥ sūracakṣaso viśve no devā avasā gamann iha // śatam in nu śarado anti devā yatrā naś cakrā jarasaṃ tanūnāṃ / putrāso yatra pitaro bhavanti mā no madhyā rīriṣatāyur gantoḥ // preddho agne dīdihīty eṣā[+]
17.5.14agne yat te paraṃ hṛn nāmety agner hṛdayam[+]
17.18.1tridhā hitaṃ paṇibhir guhyamānaṃ gavi devāso ghṛtam anvavindan / indra ekaṃ sūrya ekaṃ jajāna venād ekaṃ svadhayā niṣṭatakṣuḥ // etā arṣanti hṛdyāt samudrāc chatavrajā ripuṇā nāvacakṣe / ghṛtasya dhārā abhi cākaśīmi hiraṇyayo vetaso madhya āsām // samyak sravanti sarito na dhenā antar hṛdā manasā pūyamānāḥ / ete arṣanty ūrmayo ghṛtasya mṛgā iva kṣipaṇorīṣamāṇāḥ // sindhor iva prādhvane śūghanāso vātapramiyaḥ patayanti yahvāḥ / ghṛtasya dhārā aruṣo na vājī kāṣṭhā bhindann ūrmibhiḥ pinvamānaḥ // abhi pravanta samaneva yoṣāḥ kalpāṇyaḥ smayamānāso agnim / ghṛtasya dhārāḥ samidho nasanta tā juṣāṇo haryati jātavedāḥ // kanyā iva vahatum etavā u añjy añjānā abhi cākaśīmi / yatra somaḥ sūyate yatra yajño ghṛtasya dhārā abhi tat pavante // abhyarṣata suṣṭutiṃ gavyam ājim asmāsu bhadrā draviṇāni dhatta / imaṃ yajñaṃ nayata devatā no ghṛtasya dhārā madhumat pavante // dhāman te viśvaṃ bhuvanam adhiśritam antaḥ samudre hṛdy antar āyuṣi / apām anīke samithe ya ābhṛtas tam aśyāma madhumantaṃ ta ūrmim iti hutāṃ hūyamānāṃ vā yajamāno 'numantrayate[+]
19.3.2ahāvy agne havir āsye te srucīva ghṛtaṃ camū iva somaḥ / vājasaniṃ rayim asme suvīraṃ praśataṃ dhehi yaśasaṃ bṛhantam // yasminn aśvāsa ṛṣabhāsa ukṣaṇo vaśā meṣā avasṛṣṭāsa āhutāḥ / kīlālape somapṛṣṭhāya vedhase hṛdā matiṃ janaye cārum agnaya iti hutāṃ hūyamānāṃ vā yajamāno 'numantrayate[+]