Occurrences of pārthiva in "Āśvalāyanaśrautasūtra"
Click [+] to expand the context.
3.3.1daivyāḥ śamitāra ārabhadhvam uta manuṣyā upanayata medhyād ura āśāsānā medhapatibhyāṃ medham / prāsmā agniṃ bharata stṛṇīta barhir anv enaṃ mātā manyatām anu pitā anu bhrātā sagarbhyo 'nu sakhā sayūthyaḥ / udīcīnām asya pado nidhattāt sūryaṃ cakṣur gamayatād vātaṃ prāṇam anvavasṛjatād antarikṣam asuṃ diśaḥ śrotraṃ pṛthivīṃ śarīram / ekadhāsya tvacam āchyāt purā nābhyā api śaso vapām utkhidatād antar evoṣmāṇaṃ vārayadhvāt / śyenam asya vakṣaḥ kṛṇutāt praśasā bāhū śalā doṣaṇī kaśyape vāṃśācchidre śroṇī kavaṣorusre kaparṇāṣṭhīvantā ṣaḍviṃśatir asya vaṅkrayas tā anuṣṭhyocyāvayatād gātraṃ gātram asyānūnaṃ kṛṇutāt / ūvadhyagohaṃ pārthivaṃ khanatāt / asnā rakṣaḥ saṃsṛjatāt / vaniṣṭhum asya mā rāviṣṭorūkaṃ manyamānā ned vas toke tanaye ravitā ravat śamitāraḥ / adhrigo śamīdhvaṃ suśami śamīdhvaṃ śamīdhvam adhrigāu apāpa
4.6.3brahma jajñānaṃ prathamaṃ purastād vi sīmataḥ suruco vena ā vaḥ / sabudhnyā upa mā asya viṣṭhāḥ sataś ca yonim asataś ca vi vaḥ / iyaṃ pitre rāṣṭryety agre prathamāya januṣe bhūmaneṣṭhāḥ / tasmā etaṃ surucaṃ hvāramahyaṃ gharmaṃ śrīṇanti prathamasya dhāseḥ / mahān mahī astabhāyad vijāto dyāṃ pitā sadma pārthivaṃ ca rajaḥ / sabudhnād āṣṭa januṣābhy ugraṃ bṛhaspatir devatā tasya samrāṭ / abhi tyaṃ devaṃ savitāram oṇyoḥ kavikratum arcāmi satyasavaṃ ratnadhām abhipriyaṃ matiṃ kavim / ūrdhvā yasyā matir mā adidyutat savīmani hiraṇyapāṇir amimīta sukratuḥ kṛpā svastṛpā svar iti vā / saṃsīdasva mahāṁ asīti saṃsādyamāne / añjanti yaṃ prathayanto na viprā ity ajyamāne / pataṅgam aktam asurasya māyayā yo naḥ sa nutyo abhidāsad agne bhavā no agne sumanā upetāv iti dvyṛcāḥ / kṛṇuṣva pājaḥ prasitiṃ na pṛthvīm iti pañca pari tvā girvaṇo giro adhi dvayor adadhā ukthaṃ vacaḥ śukraṃ te anyad yajataṃ te anyad apaśyaṃ gopām anipadyamānaṃ srakve drapsasyāyaṃ venaś codayat pṛśnigarbhāḥ pavitraṃ te vitataṃ brahmaṇaspata iti dve viyat pavitraṃ dhiṣaṇā atanvata gharmaṃ śocantaṃ praṇaveṣu bibhrataḥ / samudre antarāya vo vicakṣaṇaṃ trir ahno nāma sūryasya manvata / gaṇānāṃ tvā prathaś ca yasya apaśyaṃ tvety etasyādyayā yajamānam īkṣate dvitīyayā patnīṃ tṛtīyayātmānaṃ kā rādhaddhotrāśvinā vām iti navā bhāty agnir grāvāṇeveḍe dyāvāpṛthivī iti prāguttamāyā arūrucad uṣasaḥ pṛśnir agriya ity āvapetottareṇārdharcena patnīm īkṣetottamayā parihite samutthāpyainān adhvaryavo vācayantīti tu pūrvaṃ paṭalam