Occurrences of div in "Āśvalāyanaśrautasūtra"

Click [+] to expand the context.
1.2.1namaḥ pravaktre nama upadraṣṭre namo 'nukhyātre ka idam anuvakṣyati sa idam anuvakṣyati ṣaṇ morvīr amhasas pāntu dyauś ca pṛthivī cāhaś ca rātriś cāpaś cauṣadhayaś ca vāk samasthitayajñaḥ sādhu chandāṃsi prapadye 'ham eva mām amum iti svaṃ nāma ādiśeta bhūte bhaviṣyati jāte janiṣyamāṇa ābhajāmy apāvyaṃ vāco aśāntiṃ vahety aṅgulyagrāṇy avakṛṣya jātavedo ramayā paśūn mayīti pratisaṃdadhyāt varma me dyāvāpṛthivī varmāgnir varma sūryo varma me santu tiraścikās tad adya vācaḥ prathamaṃ masīyeti[+]
1.3.27indram anvārabhāmahe hotṛvūrye purohitam / yenāyann uttamaṃ svar devā aṅgiraso divam iti[+]
1.4.9bhūpataye namo bhuvanapataye namo bhūtānāṃ pataye namo bhūtaye namaḥ prāṇaṃ prapadye 'pānaṃ prapadye vyānaṃ prapadye vācaṃ prapadye cakṣuḥ prapadye śrotraṃ prapadye manaḥ prapadya ātmānaṃ prapadye gāyatrīṃ prapadye triṣṭubhaṃ prapadye jagatīṃ prapadye 'nuṣṭubhaṃ prapadye chandāṃsi prapadye sūryo no divas pātu namo mahadbhyo namo arbhakebhyo viśve devāḥ śāsta na mā yathehārādhi hotā niṣadā yajīyāṃs tad adya vācaḥ prathamaṃ masīyeti samāpya pradīpta idhme srucāv ādāpayen nigadena[+]
1.6.1uktā devatās tāsāṃ yājyānuvākyā agnir mūrdhā bhuvo yajñasyāyam agniḥ sahasriṇa iti vedaṃ viṣṇur vicakrame trir devaḥ pṛthivīm eṣa etām agnīṣomā savedasā yuvam etāni divi rocanānīndrāgnī avasā gataṃ gīrbhir vipraḥ pramitim icchamāna endra sānasiṃ rayiṃ prasasāhiṣe puruhūta śatrūn mahāṁ indro ya ojasā bhuvas tvam indra brahmaṇā mahān iti yady agnīṣomīya upāṃśuyājo 'gnīṣomā yo adya vām anyaṃ divo mātariśvā jabhāreti[+]
1.8.7devaṃ barhir vasuvane vasudheyasya vetu / devo narāśaṃso vasuvane vasudheyasya vetu / devo agniḥ sviṣṭakṛt sudraviṇā mandraḥ kaviḥ satyamanmāyajī hotā hotur hotur āyajīyān agne yān devān ayāḍ yān apiprer prerye te hotre amatsata tāṃ sasanuṣīṃ hotrāṃ devaṃgamāṃ divi deveṣu yajñam erayemaṃ sviṣṭakṛc cāgne hotā bhūr vasuvane vasudheyasya namovāke vīhīty anavānaṃ vā[+]
2.3.8samudantaṃ karṣann ivodaṅṅ udvāsayed dive tvāntarikṣāya tvā pṛthivyai tveti nidadhat[+]
2.7.11gārhapatyaṃ yad antarikṣaṃ pṛthivīm uta dyāṃ yan mātaraṃ pitaraṃ jihiṃsima / agnir mā tasmād enaso gārhapatyaḥ pramuñcatu karotu mām anenasam iti[+]
2.9.9soma yās te mayobhuvo yā te dhāmāni divi yā pṛthivyām ity avāntareḍāyā nityaṃ japam uktvā savye pāṇau kṛtvetareṇābhimṛśet prajāpataye tvā grahaṃ gṛhṇāmi mahyaṃ śriye mahyaṃ yaśase mahyam annādyāya[+]
2.9.14ādyā ye agnim indhate sukarmāṇaḥ suruco devayanto viśve devāsa āgata ye ke ca jmā mahi no ahimāyā mahī dyauḥ pṛthivī ca naḥ pra pūrvaje pitarā navyasībhir iti[+]
2.10.7agniḥ svastimān svasti no divo agne pṛthivyā āre asmad amatim āre aṃha iti pūrvayokte saṃyājye[+]
2.10.20pṛthivy antarikṣaṃ dyaur iti devatāḥ[+]
2.10.21pṛthivīṃ mātaraṃ mahīm antarikṣam upabruve / bṛhatīm ūtaye divam / viśvaṃ bibharti pṛthivy antarikṣaṃ vipaprathe / duhe dyaur bṛhatī payaḥ / varma me pṛthivī mahī antarikṣaṃ svastaye / dyaur me śarma mahi śrava iti tisras trayāṇām[+]
2.15.2vaiśvānaro ajījanad agnir no navyasīṃ matim / kṣmayā vṛdhāna ojasā / pṛṣṭo divi pṛṣṭo agniḥ pṛthivyāṃ parjanyāya pragāyata pravātā vānti patayanti vidyuta ity agnyādheyaprabhṛtyantā upāṃśuhaviṣaḥ[+]
2.16.2abhi tvā deva savitar mahī dyauḥ pṛthivī ca nas tvām agne puṣkarād adhīti tisṝṇām ardharcaṃ śiṣṭvāramed ā saṃpraiṣāt[+]
3.7.7tvaṃ soma pracikoto manīṣeti dve tvaṃ naḥ soma viśvato vayudhā yā te dhāmāni divi ya pṛthivyām aṣāḍhaṃ yutsu pṛtanāsu papriṃ yā te dhāmāni haviṣā yajanti[+]
3.7.15ava sindhuṃ varuṇo dyaur iva sthād ayaṃ su tubhyaṃ varuṇa svadhāva evā vandasva varuṇaṃ bṛhantaṃ tat tvā yāmi brahmaṇā vandamāna iti dve astabhnād dyām asuro viśvavedā ity aikādaśinaḥ[+]
3.8.1agnīṣomāv imaṃ su me yuvam etāni divi rocanānīti tṛcau / āvāṃ mitrāvaruṇā havyajuṣṭim āyātaṃ mitrāvaruṇā suśastyā ā no mitrāvaruṇā havyajuṣṭiṃ yuva vastrāṇi pīvasā vasāthe pra bāhavā sisṛtaṃ jīvaseno yad baṃhiṣṭhaṃ nātividhe sudānū / hiraṇyagarbhaḥ samavartatāgra iti ṣaṭ prājāpatyāś citraṃ devānām udagād anīkam iti pañca śaṃ no bhava cakṣasā śaṃ no ahnā / vāyo bhūṣa śucipā upa naḥ pra yābhir yāsi dāśvāṃsam acchā no niyudbhiḥ śatinībhir adhvaraṃ pīvo annān rayivṛdhaḥ sumedhā rāye 'nu yaṃ jajñatū rodasī me pra vāyum acchā bṛhatī manīṣa / tava vāyavṛtasya te tvāṃ hi supsarastamam iti dve kuvid aṅga namasā ye vṛdhāsa īśānāya pra hutiṃ yas ta ānaṭ pra vo vāyuṃ rathayujaṃ kṛṇudhvam / uta tvām adite mahy aneho na uruvraje 'ditir hy ajaniṣṭa sutrāmāṇaṃ pṛthivīṃ dyām anehasaṃ mahīm ū ṣu mātaraṃ suvratānām aditir dyaur aditir antarikṣam / na te viṣṇo jāyamāno na jātas tvaṃ viṣṇo sumatiṃ viśvajanyāṃ vicakrame pṛthivīm eṣa etān trir devaḥ pṛthivīm eṣa etāṃ paromātrayā tanvā vṛdhānerāvatī dhenumatī hi bhūtam / viśvakarman haviṣā vāvṛdhāna iti dve viśvakarmā vimanā ād vihāyāḥ kiṃ svid āsīd adhiṣṭhānaṃ yo naḥ pitā janitā yo vidhātā yā te dhāmāni paramāṇi yāvam / ā ya ime dyāvāpṛthivī janitrī tan nas turīyam atha poṣayitnu devas tvaṣṭā savitā viśvarūpo deva tvaṣṭary yaddha cāru tvam ānaṭ piśaṅgarūpaḥ subharo vayodhāḥ prathamabhājaṃ yaśasaṃ vayodhām / somāpūṣaṇā jananā rayīṇām iti sūktam / ādityānām avasā nūtanenemā gira ādityebhyo ghṛtasnūs ta ādityāsa uravo gabhīrā imaṃ stomaṃ sakratavo me adya tisro bhūmīr dhārayan trīṃr uta dyūn na dakṣiṇā vicikitena savyā / mahī dyāvāpṛthivī iha jyeṣṭhe ṛtaṃ dive tad avocaṃ pṛthivyā iti dve pra dvāyā yajñaiḥ pṛthivī namobhir iti dve pra dyāvā yajñaiḥ pṛthivī ṛtāvṛdhā / mṛḍā no rudro tano mayas kṛdhīti dve ā te pitar marutāṃ sumnam etu pra babhrave vṛṣabhāya śvitī ceti tisraḥ / ā paścātān nāsatyā purastād ā gotamā nāsatyā ratheneti catasro hiraṇyatvaṅ madhuvarṇo ghṛtasnuḥ abhi kratvendra bhūr adha jmas tvaṃ mahāṁ indra tubhyaṃ rukṣāḥ satrāhaṇaṃ dādhṛṣiṃ tumram indraṃ sahadānuṃ puruhūta kṣiyantaṃ stuta indro maghavā yaddha vṛtraivāvasva indraḥ satyaḥ samrāṭ / yad vāg vadanty avicetanāni pataṅgo vācaṃ manasā bibharti catvāri vāk parimitā padāni yajñena vācaḥ padavīyam āyann iti dve devīṃ vācam ajanayanta devāḥ / janīyanto nv agrava iti tisro divyaṃ suparṇaṃ vāyasaṃ bṛhantaṃ sa vāvṛdhe naryo yoṣaṇāsu yasya vrataṃ paśavo yanti sarve yasya vratam upatiṣṭhanta āpaḥ / yasya vrate puṣṭipatir niviṣṭas taṃ sarasvantam avase huvema[+]
3.10.24viṣyandamānaṃ mahī dyauḥ pṛthivī ca na ity antaḥ paridhideśe nirvapeyuḥ[+]
3.11.20viṣyandamānaṃ mahī dyauḥ pṛthivī ca na ity āhavanīyasya bhasmānte ninayet[+]
3.12.9abhi yo mahinā divaṃ pra sa mitraṃ marto astu prayasvān iti saṃsthitāyāṃ patnyā saha vāgyato 'gnīn jvalato 'har anaśnann upāsīta[+]
3.13.12tvam agne vratapā asi yad vo vayaṃ pramināma vratāny agnināgniḥ samidhyate tvaṃ hy agne agnināgne tvam asmad yuyodhy amīvā akrandad agnis tanayann iva dyaur vi te viṣvag vāta jūtāso agne tvām agne mānuṣīr īḍate viśo agna āyāhi vītaye yo agniṃ devavītaye kuvitsu no gaviṣṭaye mā no asmin mahādhane apsv agne sadhiṣṭava yad agne divijā asy agnir hotā nyasīdad yajīyāt sādhvīm akar devavītiṃ no adyeti / yasya bhāryā gaur vā yamau janayed iṣṭir marutaḥ[+]
4.3.2pathyā svastir agniḥ somaḥ savitāditiḥ svasti naḥ pathyāsu dhanvasv iti dve agne naya supathā rāye asmān ā devānām api panthām aganma tvaṃ soma pracikito manīṣā yā te dhāmāni divi yā pṛthivyām ā viśvadevaṃ satpatiṃ ya imā viśvā jātāni sutrāmāṇaṃ pṛthivīṃ dyām anehasaṃ mahīm ū ṣu mātaraṃ suvratānāṃ sed agnir agnīṃr ity astv anyān iti dve saṃyājye / śaṃyvanteyam[+]
4.5.7spṛṣṭvodakaṃ nihnavante prastare pāṇīn nidhāyottānān dakṣiṇānt savyān nīca eṣṭā rāya eṣṭā vāmāni preṣe bhagāya / ṛtam ṛtavādibhyo namo dive namaḥ pṛthivyā iti[+]
4.6.3brahma jajñānaṃ prathamaṃ purastād vi sīmataḥ suruco vena ā vaḥ / sabudhnyā upa mā asya viṣṭhāḥ sataś ca yonim asataś ca vi vaḥ / iyaṃ pitre rāṣṭryety agre prathamāya januṣe bhūmaneṣṭhāḥ / tasmā etaṃ surucaṃ hvāramahyaṃ gharmaṃ śrīṇanti prathamasya dhāseḥ / mahān mahī astabhāyad vijāto dyāṃ pitā sadma pārthivaṃ ca rajaḥ / sabudhnād āṣṭa januṣābhy ugraṃ bṛhaspatir devatā tasya samrāṭ / abhi tyaṃ devaṃ savitāram oṇyoḥ kavikratum arcāmi satyasavaṃ ratnadhām abhipriyaṃ matiṃ kavim / ūrdhvā yasyā matir mā adidyutat savīmani hiraṇyapāṇir amimīta sukratuḥ kṛpā svastṛpā svar iti vā / saṃsīdasva mahāṁ asīti saṃsādyamāne / añjanti yaṃ prathayanto na viprā ity ajyamāne / pataṅgam aktam asurasya māyayā yo naḥ sa nutyo abhidāsad agne bhavā no agne sumanā upetāv iti dvyṛcāḥ / kṛṇuṣva pājaḥ prasitiṃ na pṛthvīm iti pañca pari tvā girvaṇo giro adhi dvayor adadhā ukthaṃ vacaḥ śukraṃ te anyad yajataṃ te anyad apaśyaṃ gopām anipadyamānaṃ srakve drapsasyāyaṃ venaś codayat pṛśnigarbhāḥ pavitraṃ te vitataṃ brahmaṇaspata iti dve viyat pavitraṃ dhiṣaṇā atanvata gharmaṃ śocantaṃ praṇaveṣu bibhrataḥ / samudre antarāya vo vicakṣaṇaṃ trir ahno nāma sūryasya manvata / gaṇānāṃ tvā prathaś ca yasya apaśyaṃ tvety etasyādyayā yajamānam īkṣate dvitīyayā patnīṃ tṛtīyayātmānaṃ kā rādhaddhotrāśvinā vām iti navā bhāty agnir grāvāṇeveḍe dyāvāpṛthivī iti prāguttamāyā arūrucad uṣasaḥ pṛśnir agriya ity āvapetottareṇārdharcena patnīm īkṣetottamayā parihite samutthāpyainān adhvaryavo vācayantīti tu pūrvaṃ paṭalam[+]
4.7.4upahūya sudughāṃ dhenum etām iti dve abhi tvā deva savitaḥ sam īṃ vatsaṃ na mātṛbhiḥ saṃ vatsa iva mātṛbhir yas te stanaḥ śaśayo yo mayobhūr gaur amīmed anu vatsaṃ miṣantaṃ namased upasīdata saṃjānānā upasīdann abhijñvā daśabhir vivasvato duhanti saptaikāṃ samiddho agnir aśvinā tapto vāṃ gharma āgatam / duhyante gāvo vṛṣaṇeha dhenavo dasrā madanti kāravaḥ / samiddho agnir vṛṣaṇā ratir divas tapto gharmo duhyate vām iṣe madhu / vayaṃ hi vāṃ purutamāso aśvinā havāmahe sadhamādeṣu kāravaḥ / tad u pratyakṣatamam asya karmātmanvan nabho duhyate ghṛtaṃ paya uttiṣṭha brahmaṇaspata ity etām uktvāvatiṣṭhate dugdhāyām adhukṣat pipyuṣīm iṣam ity āhriyamāṇa upadrava payasā goṣamā gharme siñca paya usriyāyāḥ / vi nākam akhyat savitā vareṇyo nu dyāvāpṛthivī supraṇītir ity āsicyamāna ā nūnam aśvinor ṛṣir iti gavya ā sute siñcata śriyam ity āja āsiktayoḥ sam u tye mahatīr apa iti mahāvīram ādāyottiṣṭhatsūd u ṣya devaḥ savitā hiraṇyayety anūttiṣṭhet praitu brahmaṇaspatir ity anuvrajed gandharva ity āpadam asya rakṣatīti kharam avekṣya tam atikramya nāke suparṇam upa yat patantam iti samāpya praṇavenopaviśed anirasya tṛṇaṃ preṣito yajati / tapto vāṃ gharmo nakṣati svahotā pra vām adhvaryuś carati prayasvān / madhor dugdhasyāśvinā tanāyā vītaṃ pātam apasa usriyāyāḥ / ubhā pibatam aśvineti cobhābhyām anavānam agne vīhīty anuvaṣaṭkāro gharmasyāgne vīhīti vā / brahmā vaṣaṭkṛte japaty anuvaṣaṭkṛte ca viśvā āśā dakṣiṇasād viśvān devān devān ayāḍ iha / svāhākṛtasya gharmasya madhvaḥ pibatam aśvinety evam evāparāhṇike / yad usriyāsv āhutaṃ ghṛtaṃ payo 'yaṃ sa vām aśvinā bhāga āgatam / mādhvī dhartārā vidathasya satpatī taptaṃ gharmaṃ pibataṃ somyaṃ madhu / asya pibatam aśvineti cāpreṣito hotānuvaṣaṭkṛte svāhākṛtaḥ śucir deveṣu gharmo yo aśvinoś camaso devapānaḥ / tam īṃ viśve amṛtāso juṣāṇā gandharvasya praty āsnā rihanti / samudrād ūrmim udiyarti veno drapsaḥ samudram abhi yaj jigāti sakhe sakhāyam abhyāvavṛtsvordhva ū ṣu ṇa ūtaya iti dve taṃ ghem itthā namasvina iti prāgāthīṃ pūrvāhṇe kāṇvīm aparāhṇe 'nyatarāṃ vātyantaṃ kāṇvīṃ tv evottame pāvaka śoce tava hi kṣayaṃ parīty uktvā bhakṣam ākāṅkṣed vājinena bhakṣopāyo hutaṃ havir madhu havir indratame 'gnāv aśyāma te deva gharma / madhumataḥ pitumato vā javato 'ṅgirasvato namas te astu mā mā hiṃsīr iti bhakṣajapaḥ karmiṇo gharmaṃ bhakṣayeyuḥ sarve tu dīkṣitāḥ sarveṣu dīkṣiteṣu gṛhapates tritīyottamau bhakṣau saṃpreṣitaḥ śyeno na yoniṃ sadanaṃ dhiyā kṛtam ā yasmin sapta vāsavā rohantu pūrvyāruhaḥ / ṛṣir ha dīrghaśruttama indrasya gharmo atithiḥ / sūyavasād bhagavatī hi bhūyā iti paridadhyāt[+]
4.10.5prapadyamānaṃ rājānam anuprapadyeta / antaś ca prāgā aditir bhavāsi śyeno na yoniṃ sadanaṃ dhiyā kṛtam astabhnād dyām asuro viśvavedā iti paridadhyāt / uttarayā vā kṣemācāre[+]
4.12.2samid diśām āśayā naḥ svarvin madhureto mādhavaḥ pātv asmān / agnir devo duṣṭarītur adābhya idaṃ kṣatraṃ rakṣatu pātv asmān / rathantaraṃ sāmabhiḥ pātv asmān gāyatrī chandasāṃ viśvarūpā / trivṛn no viṣṭhayā stomo ahnāṃ samudro vāta idam ojaḥ pipartu / ugrā diśām abhibhūtir vayodhāḥ śuciḥ śukre 'hany ojasīnām / indrādhipatiḥ pipṛtād ato no mahi kṣatraṃ viśvato dhārayedam / bṛhatsāma kṣatrabhṛd vṛddhavṛṣṇyaṃ triṣṭubhaujaḥ śubhitam ugravīram / indrastomena pañcadaśena madhyam idaṃ vātena sagareṇa rakṣa / prācī diśāṃ sahayaśā yaśasvatī viśve devāḥ prāvṛṣāhnāṃ svarvatī / idaṃ kṣatraṃ duṣṭaram astv ojo 'nādhṛṣyaṃ sahasyaṃ sahasvat / vairūpe sāmann iha tat śakeyaṃ jagaty enaṃ vikṣv āveśayāni / viśve devāḥ saptadaśena varca idaṃ kṣatraṃ salilavātam ugram / dhartrī diśāṃ kṣatram idaṃ dādhāropasthāśānāṃ mitravad astv ojaḥ / mitrāvaruṇā śaradahnāṃ cikitvam asmai rāṣṭrāya mahi śarma yacchatam / vairāje sāmann adhi me manīṣānuṣṭubhā saṃbhṛtaṃ vīryaṃ sahaḥ / idaṃ kṣatraṃ mitravad ārdradātuṃ mitrāvaruṇā rakṣatam ādhipatye / samrāḍ diśāṃ sahasāmnī sahasvaty ṛtur hemanto viṣṭhayā naḥ pipartu / avasyu vātā bṛhatī nu śakvarīmaṃ yajñam avatu no ghṛtācī / svarvatī sudughā naḥ payasvatī diśāṃ devy avatu no ghṛtācī / tvaṃ gopāḥ puraetota paścād bṛhaspate yābhyāṃ yuṅdhi vācam / ūrdhvā diśāṃ rantir āśauṣadhīnāṃ saṃvatsareṇa savitā no ahnām / raivatsāmāticchandā ucchando 'jātaśatruḥ syonā no astu / stoma trayastriṃśe bhuvanasya patnī vivasvadvāte abhi no gṛṇīhi / ghṛtavatī savitar ādhipatye payasvatī rantir āśā no astu / dhruvā diśāṃ viṣṇupatny aghorā asyeśānā sahaso yā manotā / bṛhaspatir mātariśvota vāyuḥ saṃdhvānā vātā abhi no gṛṇantu / viṣṭambho divo dharuṇaḥ pṛthivyā asyeśānā jagato viṣṇupatnī / vyacaksvatī iṣayantī subhūtiḥ śivā no astv aditer upasthe / anu no 'adya anumatir yajñaṃ deveṣu manyatām / agniś ca havyavahāno bhavataṃ dāśuṣe mayaḥ / anv id anumate tvaṃ manyāsai śaṃ ca nas kṛdhi / kratve dakṣāyaṇo hi nu pra ṇa āyūṃsi tāriṣad iti / vaiśvānarīyaṃ navamaṃ kāyaṃ daśamam[+]
4.13.7āpo revatīḥ kṣayathā hi vasva upa prayanta iti sūkte avā no agna iti ṣaḍ agnim īḍe agniṃ dūtaṃ vasiṣvāhīti sūktayor uttamām uddharet tvam agne vratapā ity uttamām uddharet tvaṃ no agne mahobhir iti naveme viprasyeti sūkte yukṣvā hi preṣṭhaṃ vas tvam agne bṛhadvaya ity aṣṭādaśārcantas tveti sūkte agne pāvaka dūtaṃ va iti sūkte agnir hotā no adhvara iti tisro 'gnir hotā agna iḍeti catasraḥ pra vo vājā upasadyāya tam agne yajñānām iti tisra uttamā uddhared agne haṃsy agniṃ hinvantu naḥ prāgnaye vācam iti sūkte imāṃ me agne samidham imām iti trayāṇām uttamām uddhared iti gāyatraṃ tvam agne vasūṃs tvaṃ hi kṣaitavad agnā yo hotājaniṣṭa pra vo devāyāgne kadā ta iti pañca sakhāyaḥ saṃ vas tvām agne haviṣmanta iti sūkte bṛhadvaya iti daśānāṃ caturthanavame uddhared uttamām uttamāṃ cāditas trayāṇām ity ānuṣṭubham abodhy agniḥ samidheti catvāri prāgnaye bṛhate pravedhase kavaye tvaṃ no agne varuṇasya vidvān ity etatprabhṛtīni catvāry ūrdhva ū ṣu ṇaḥ sasasyayadviyuta iti pañca bhadraṃ te agna iti sūkte somasya mā tavasaṃ praty agnir uṣasa iti trīṇy ā hoteti daśānāṃ tṛtīyāṣṭame uddhared divas parīti sūktayoḥ pūrvasyottamām uddharet tvaṃ hy agne prathama iti ṣaṇṇāṃ dvitīyam uddharet puro vo mandram iti catvāri taṃ supratīkam iti ṣaḍḍhuve vaḥ sudyotmānaṃ ni hotā hotṛṣadana iti sūkte trir mūrdhānam iti trīṇi vahniṃ yaśasam upaprajinvann iti trīṇi kā u upetar iti sūkte hiraṇyakeśa iti tisro 'paśyam asya mahata iti sūkte dve virūpe iti sūkte agne nayāgre bṛhann ity aṣṭānām uttamād uttamās tisra uddharet tvam agne suhavo raṇvasaṃdṛg iti pañcāgniṃ vo devam iti daśānāṃ tṛtīyacaturthe uddharad iti traiṣṭubhaṃ me nāvo agniṃ pra vo yahvam agne vivasvat sakhāyas tvāyam agnir agna ā yāhy acchā naḥ śīraśociṣam iti ṣaḍ adarśi gātuvittama iti sapteti bārhatam agne vājasyeti tisraḥ puru tvā tvam agna īḍiṣvā hīty auṣṇihaṃ janasya gopās tvām agna ṛtāyava imam ū ṣu vo atithim uṣarbudham iti nava tvam agne dyubhir iti sūkte tvam agne prathamo aṅgirā nū cit sahojā amṛto nitundata iti pañca vediṣada iti ṣaṇṇāṃ tṛtīyam uddhared imaṃ stomam arhate saṃjāgṛvadbhiś citra icchiśor vasuṃ na citramahasam iti jāgatam agniṃ taṃ manya iti pāṅktam[+]
5.5.19pibā somam abhi yam ugratarda iti tisro arvāṅ ehi soma kāmaṃ tvāhus tavāyaṃ somas tvam ehy arvāṅ indrāya somāḥ pra divo vidānā ā pūrṇo asya kalaśaḥ svāheti mādhyaṃdinyaḥ / indra ṛbhubhir vājavadbhiḥ samukṣitam indrāvaruṇā sutapāv imaṃ sutam indraś ca somaṃ pibataṃ bṛhaspata ā vo vahantu sapta yo raghuṣyado me vanaḥ suhavā ā hi gantana indrāviṣṇū pibataṃ madhvo asyemaṃ stomam arhate jātavedasa iti tārtīyasavanikyaḥ / somasyāgne vīhīty anuvaṣaṭkāraḥ[+]
5.13.15ka idaṃ kasmā adāt kāmaḥ kāmāyādāt kāmo dātā kāmaḥ pratigrahītā kāmaṃ samudram āviśa kāmena tvā pratigṛhṇāmi kāmaitat te / vṛṣṭir asi dyaus tvā dadātu pṛthivī pratigṛhṇātv ity atītāsv anumantrayeta prāṇi[+]
5.16.2tarobhir vo vidadvasuṃ taraṇir it siṣāsatīti pragāthau stotriyānurūpā ud inv asya ricyate bhūya id imām ū ṣv ity apottamām uddharet sarvatra pibā vardhasva tava dyā sutāsa iti yājyā[+]
5.18.5tat savitur vṛṇīmahe aghā no deva savitar iti vaiśvadevasya pratipad anucarāv abhūd deva ekayā ca daśabhiś ca svabhūte dvābhyām iṣṭaye viṃśatyā ca / tisṛbhiś ca vahase triṃśatā ca niyudbhir vāyav iha tā vimuñca / pra dyāvā iti dairghatamasaṃ surūpakṛtnum ūtaye takṣan ratham ayaṃ venaś codayat pṛśnigarbhā yebhyo mātā madhumat pinvate paya evā pitre viśvadevāya vṛṣṇa ā no bhadrāḥ kratavo yantu viśvata iti nava vaiśvadevam[+]
5.18.12aditir dyaur aditir antarikṣam iti paridadhyāt sarvatra vaiśvadeve dviḥ paccho 'rdharcaśaḥ sakṛd bhūmim upaspṛśan[+]
5.19.4āhṛtaṃ saumyaṃ pūrvam udgātṛbhyo gṛhītvāvekṣeta / yat te cakṣur divi yat suparṇe yenaikarājyam ajayo hi nā / dīrghaṃ yac cakṣur aditer anantaṃ somo nṛcakṣā mayi tad dadhātv iti[+]
6.2.11liṅgaiḥ padānupūrvaṃ vyākhyāsyāmo matsad ahiṃ vṛtram apāṃ jinvad udāryam udyān divi samudraṃ parvatān iha[+]
6.3.1vihṛtasyendra juṣasva pravahā yāhi śūra harī iha / pibā sutasya matir na madhvaś cakānaś cārur madāya / indra jaṭharaṃ navyaṃ na pṛṇasva madhor divo na / asya sutasya svarṇopa tvā madāḥ suvāco asthuḥ / indras turāṣāṇ mitro na jaghāna vṛtraṃ yatir na / bibheda valaṃ bhṛgur na sasāhe śatrūn made somasya / śrudhī havaṃ na indro na giro juṣasva vajī na / indra sayugbhir didyuṃ namatsvāmadāya mahe raṇāya / ā tvā viśantu kavir na sutāsa indra tvaṣṭā na / pṛṇasva kukṣī somo nā viḍḍhi śūra dhiyā hi yā naḥ sādhur na gṛdhnur ṛbhur nāsteva śūraś camaso na / yāteva bhīmo viṣṇur na tv eṣaḥ samatsukratur neti stotriyānurūpau[+]
6.4.10pāntam ā vo andhaso 'pād u śipry andhasas tyam u vaḥ satrāham iti sūktaśeṣo 'bhi tyaṃ meṣam adhvaryavo bharatendrāya somam iti yājyā / pra va indrāya mādanaṃ prakṛtāny ṛjīṣiṇaḥ pratiśrutāya vo dhṛṣad iti pañcadaśa divaś cid asyeti paryāsaḥ sa no navyebhir iti cāsya made puruvarpāṃsi vidvān iti yājyā / vayam u tvā tad id arthā vayam indra tvāyavo 'bhi vārtrahatyāyety uttamām uddhared indro aṅga mahad bhayam abhi ny ū ṣu vācam apsu dhūtasya harivaḥ pibeheti yājyā / indrāya madvane sutam indram id gāthino bṛhad endra sānasim eto nv indraṃ stavāmeśānaṃ mā no asmin maghavann indra piba tubhyaṃ suto madāyeti yājyā / ayaṃ ta indra somo 'yaṃ te mānuṣe jana ud ghed abhīty uttamām uddhared ahaṃ bhuvam apāyy asyāndhaso madāyeti yājyā / ā tū na indra kṣumantam ā pra drava parāvato na hy anyaṃ baḍākaram ity aṣṭāv īṅkhayantīr ahaṃ dāṃ pātā sutam indro astu somaṃ hantā vṛtram iti yājyā / abhi tvā vṛṣabhā sute 'bhi pra gopatiṃ girā tū na indra madṛyag iti sūkte aśvāvati progrāṃ pītiṃ vṛṣṇa iyarmi satyām iti yājyā / idaṃ vaso sutam andha indre hi matsy andhasaḥ pra saṃrājam upakramasvā bhara dhṛṣatā tad asmai navyam asya piba yasya jajñāna indreti yājyā / idaṃ hy anv ojasā mahān indro ya ojasā samasya manyave viśa iti dvicatvāriṃśad viśvajite tiṣṭhā harī ratha āyujyamāneti yājyā / ā tv etā niṣīdatā tv aśatrav ā gahi nakir indra tvad uttara ity uttamām uddharet śrat te dadhāmīdaṃ tyat pātram indra pānam iti yājyā / yoge yoge tavastaraṃ yuñjanti bradhnam aruṣaṃ yad indra ahaṃ pra te maha ūtī śacīvas tava vīryeṇeti yājyā / indraḥ suteṣu someṣu ya indra somapātama ā ghā ye agnim indhata iti saptadaśa ya indra camaseṣv ā somaḥ pra vaḥ satāṃ pro droṇe harayaḥ karmāgmann iti yājyā[+]
6.5.18sūryo no diva ud u tyaṃ jātavedasam iti nava citraṃ devānāṃ namo mitrasyendra kratuṃ na ā bhara / abhi tvā śūra nonumo bahavaḥ sūra cakṣasa iti pragāthā mahī dyauḥ pṛthivī ca nas te hi dyāvāpṛthivī viśvaśambhuvā / viśvasya devī mṛcayasya janmano 'nayā roṣāti na grabhad iti dvipadā[+]
6.14.17devīnāṃ cet sūryo dyaur uṣā gauḥ pṛthivī[+]
7.9.3yas tastambha yo adribhid yajñe diva iti sūkte aste vasuprataram ā yātv indraḥ svapatir imāṃ dhiyam iti brāhmaṇācchaṃsī[+]
7.10.5vāyav ā yāhi vītaya ity ekā vāyo yāhi śivā diva iti dve indraś ca vāyav eṣāṃ sutānām iti dvayor anyatarāṃ dvir ā mitre varuṇe vayam aśvināv eha gacchatam ā yāhy adribhiḥ sutaṃ sajūr viśvebhir devebhir uta naḥ priyāpriyāsv ity auṣṇihaṃ praugam[+]
7.10.8tṛtīyenābhiplavikenokto madhyaṃdinaḥ / taṃ tam id rādhase mahe traya indrasya somā iti marutvatīyasya pratipadanucarau / vairūpaṃ cet pṛṣṭhaṃ yad dyāva indra te śataṃ yad indra yāvatas tvam it pragāthau stotriyānurūpau[+]
7.11.40ṣaṣṭhe 'hanīndrāya ha dyaur asuro anamnatety evam eva[+]
8.1.4pibā somam indra suvānam indrabhir indrāya hi dyaur asuro anamnateti ṣaṭ[+]
8.1.12stīrṇaṃ barhir iti tṛcau suṣumāyātam adribhir yuvāṃ stomebhir devayanto aśvināv armaha indra vṛṣann indrāstu śrauṣaḍ o ṣū ṇo agne śṛṇuhi tvam īḍito ye devāso divy ekādaśa stheyam adadād rabhasam ṛṇacyutam iti praugam / dve caikā ca pañcame / ekapātinya upottame / tṛca ity ubhayatra śeṣaḥ / uttame 'nvṛcam abhyāsā aṣṭākṣarāḥ[+]
8.4.10dyaur nayendrety acchāvākaḥ[+]
8.6.13etasminn aindrīṃ nividaṃ śastvā śaṃsed evottarāṇi ṣaḍ divaś cid asya suta it tvam eṣa prapūrvīr vṛṣāmadaḥ pra maṃhiṣṭhāya tyam ū ṣv iti[+]
8.6.23mūrdhānaṃ divo aratiṃ pṛthivyā mūrdhā divo nābhir agniḥ pṛthivyā iti vā[+]
8.7.23apūrvyā purutamānitāṃ sute kīrtiṃ tvaṃ mahāṁ indra yo ha divaś cid asya tvaṃ mahāṁ indra tubhyam iti niṣkevalyam / tṛtīyasyendraḥ svāhā gāyat sāma tiṣṭhā harī pramandina imā u tveti marutvatīyam[+]
8.8.4caturthe 'hany ā devo yātu pra dyāveti vāsiṣṭhaṃ pra ṛbhubhyaḥ pra śukraitv iti vaiśvadevam / vaiśvānarasya sumatau ka īṃ vyaktā agniṃ nara ity āgnimārutam / aṣṭādaśottame virājaḥ[+]
8.10.2hiraṇyapāṇim ūtaya iti catasro mahī dyauḥ pṛthivī ca no yuvānā pitarā punar iti tṛcau devānām id ava iti vaiśvadevam[+]
8.10.3ṛtāvānaṃ vaiśvānaram ṛtasya jyotiṣas patim / ajasraṃ gharmam īmahe / divi pṛṣṭo arocatāgnir vaiśvānaro mahān / jyotiṣā bādhate tamaḥ / agniḥ pratneṣu dhāmasu kāmo bhūtasya bhavyasya / saṃrāḍ eko virājati / krīḍaṃ vaḥ śardho agne mṛḍa ity āgnimārutam[+]
8.11.1tṛtīyasyāganma mahety ājyam / pra vīrayā śucayo dadrire te satyena manasā dīdhyānā divi kṣayanta rajasaḥ pṛthivyām ā viśvavārāśvinā gataṃ no 'yaṃ soma indra tubhyaṃ sunva ā tu pra brahmāṇo aṅgiraso nakṣanta sarasvatīṃ devayanto havanta ā no divo bṛhataḥ parvatād ā sarasvaty abhi no neṣi vasya iti praugam[+]
8.11.3doṣo āgāt pravāṃ mahi dyavī abhīti tṛcāv indra iṣe dadātu nas te no ratnāni dhattana ity ekā dve ca ye triṃśatīti vaiśvadevam[+]
8.13.10te vā etaṃ graham agṛhṇata / vācaspate vidhe nāman / vidhema te nāma / vidhes tvam asmākaṃ nāmnā dyāṃ gaccha / yāṃ devāḥ prajāpatigṛhapataya ṛddhim arādhnuvaṃs tām ṛddhiṃ rātsyāma iti[+]
9.7.35imā u tvā dyaur naya indreti madhyaṃdinaḥ / yaḥ kāmayeta naiṣṇihyaṃ pāpmana iyām iti sa ṛtapeyena yajeta[+]
9.11.16tam indraṃ vājayāmasi mahāṁ indro ya ojasā nūnam aśvinā taṃ vāṃ rathaṃ madhumatīr oṣadhīr dyāva āpa iti paridhānīyāpanāyyaṃ tad aśvinā kṛtaṃ vām iti yājyā[+]
10.9.2kaḥ svid ekākī carati ka u svij jāyate punaḥ / kiṃ sviddhimasya bheṣajaṃ kiṃ svid āvapanaṃ mahad iti hotādhvaryuṃ pṛcchati / sūrya ekākī carati candramā jāyate punaḥ / agnir himasya bheṣajaṃ bhūmir āvapanaṃ mahad iti pratyāha / kiṃ svit sūryasamaṃ jyotiḥ kiṃ samudrasamaṃ saraḥ / kaḥ svit pṛthvyai varṣīyān kasya mātrā na vidyata ity adhvaryur hotāraṃ pṛcchati / satyaṃ sūryasamaṃ jyotir dyauḥ samudrasamaṃ saraḥ / indraḥ pṛthivyai varṣīyān gos tu mātrā na vidyata it pratyāha / pṛcchāmi tvā citaye devasakha yadi tvam atra manasā jagantha / keṣu viṣṇus triṣu padeṣv asthaḥ keṣu viśvaṃ bhuvanam āviveśeti brahmodgātāraṃ pṛcchati / api teṣu triṣu padeṣv asmi yeṣu viśvaṃ bhuvanam āviśeśa / sadyaḥ paryemi pṛthivīm uta dyām ekenāṅgena divo asya pṛṣṭham iti pratyāha / keṣv antaḥ puruṣa āviveśa kāny antaḥpuruṣa ārpitāni etad brahmann upavaḍhāmasi tvā kiṃ svin naḥ prativocāsy atrety udgātā brahmāṇaṃ pṛcchati / pañcasv antaḥpuruṣa āviśeva tāny antaḥpuruṣa ārpitāni / etat tvātra partivanvāno asmin māyayā bhavasy uttaromad iti pratyāha / prāñcam upaniṣkramyaikaikaśo yajamānaṃ pṛcchanti pṛcchāmi tvā param antaṃ pṛthivyā iti[+]