Occurrences of śakra in "Hiraṇyakeśiśrautasūtra"
Click [+] to expand the context.
11.8.15yat te 'citaṃ yad u citaṃ te agne yad ūnaṃ yad vātrātiriktam / viśve devā aṅgirasaś cinvann ādityās te citim āpūrayantu // yās te agne samidhaḥ // cittim acittim / vayam agne dhanavantaḥ syāmālaṃ yajñāyota dakṣiṇāyai / grāvā vaded abhi somasyāṃśunendraṃ śikṣemendunā sutena // rāyaspoṣaṃ no dhehi jātaveda ūrjo bhāgaṃ madhumat sūnṛtāvat / dadhāma yajñaṃ sunavāma somaṃ yajñena tvām upaśikṣema śakra // īśānaṃ tvā śuśrumo vayaṃ dhanānāṃ dhanapate gomad agne / aśvāvad bhūri puṣṭaṃ hiraṇyavad annam adhyehi mahyam // duhāṃ te dyauḥ pṛthivī payo 'jagaras tvā sodako visarpatu / prajāpatinātmānam āprīṇe rikto ma ātmā / yo rudro agnau yo apsu ya oṣadhīṣu yo rudro viśvā bhuvanāviveśa tasmai rudrāya namo astu devā iti saptabhiḥ svayaṃcityābhimṛśya lokaṃpṛṇābhiḥ pracchādayati
11.8.21yo apsv antar agnir yo vṛtre yaḥ puruṣe yo aśmani / ya āviveśa bhuvanāni viśvā tebhyo agnibhyo hutam astv etat / yaṃ hutādam agniṃ yam u kāmam āhur yaṃ dātāraṃ pratigrahītāram āhuḥ / yo devānāṃ devatamas tapojās tebhyo agnibhyo hutam astv etat / pṛṣṭo divīty eṣā / yaḥ some antar yo goṣv antar vayāṃsi ya āviveśa yo mṛgeṣu / ya āviveśa dvipado yaś catuṣpadas tebhyo agnibhyo hutam astv etat / yenendrasya rathaṃ saṃbabhūvur yo vaiśvānara uta vaiśvadevyaḥ // dhīro yaḥ śakraḥ paribhūr adābhyas tebhyo agnibhyo hutam astv etat / ukṣānnāya vaśānnāyeti ṣaḍbhiś citiṃcitim upadhāyābhi juhoti