Occurrences of pāśa in "Śāṅkhāyanaśrautasūtra"

Click [+] to expand the context.
1.6.3upotthāyādhvaryor dakṣiṇena prādeśena dakṣiṇam aṃsam anvārabhya japati savyenāgnīdho dakṣiṇam / indram anvārabhāmahe hotṛvūrye purohitaṃ / yenāyann uttamaṃ svar devā aṅgiraso divaṃ / ṣaṣṭiś cādhvaryū navatiś ca pāśā antarā dyāvāpṛthivī vicṛttāḥ / sinanti pākam adhi dhīra emi syone me dyāvāpṛthivī ubhe ime // iti[+]
8.10.4namo varuṇāyābhiṣṭhito varuṇasya pāśa ity apsu pādam avadhāya[+]
14.7.1vaiśvadevena vai prajāpatiḥ prajā asṛjata / tāḥ sṛṣṭā aprasūtā varuṇasya yavāñ jakṣuḥ / tā varuṇo varuṇapāśaiḥ pratyamuñcat / tāḥ prajāḥ prajāpatiṃ pitaram etyopādhāvan / upa taṃ yajñakratuṃ jānīhi yeneṣṭvā varuṇapāśebhyaḥ sarvasmāc ca pāpmanaḥ saṃpramucyemahīti / tata etaṃ prajāpatiś caturthe māsi dvirātraṃ yajñakratum apaśyad varuṇapragāsam / tam āharat / tenāyajata / teneṣṭvā varuṇam aprīṇāt / sa prīto varuṇo varuṇapāśebhyaḥ sarvasmāc ca pāpmanaḥ prajāḥ prāmuñcat / pra ha vā asya prajā varuṇapāśebhyaḥ sarvasmāc ca pāpmanaḥ saṃpramucyate ya evamvidvān varuṇa praghāsair yajate[+]
15.22.1sa prajāpatim eva prathamaṃ devatānām upasasāra kasya nūnaṃ katamasyāmṛtānām ity etayā rcā / taṃ prajāpatir uvāca / agner vai nediṣṭho 'si tam evopadhāveti / so 'gnim upasasārāgner vayaṃ prathamasyāmṛtānām ity etayā rcā / tam agnir uvāca / savitā vai prasavānām īśe tam evopadhāveti / sa savitāram upasasārābhi tvā deva savitar ity etena tṛcena / taṃ savitovāca / varuṇāya vai rājñe niyukto 'si tam eva upadhāveti / sa varuṇaṃ rājānam upasasārāta uttarābhir ekatriṃśatā / taṃ varuṇa uvāca / agnir vai devānāṃ mukhaṃ suhṛdayaṃ taṃ nu stuhy atha tvotsrakṣyāmīti / so gniṃ tuṣṭāvāta uttarābhir eva dvāviṃśatyā / tam agnir uvāca / viśvān nu devān stuhy atha tvotsrakṣyāmīti / sa viśān devāṃs tuṣṭāva namo mahadbhyo namo 'rbhakebhya ity etaya rcā / taṃ viśve devā ūcuḥ / indraṃ nu stuhy atha tvotsrakṣyāma iti / sa indraṃ tuṣṭāva yac cid dhi satyasomapā ity etena sūktenottarasya ca pañcadaśabhiḥ / tasmā indraḥ stūyamāno 'manasā hiraṇyarathaṃ dadau / tam etayā rcā pratīyāya śaśvad indra iti / tam indra uvāca / aśvinau nu stuhy atha tvotsrakṣyāmīti / so 'śvinau tuṣṭāvāta uttareṇa tṛcena / tam aśvinā ūcatuḥ / uṣasaṃ nu stuhy atha tvotsrakṣyāva iti / sa uṣasaṃ tuṣṭāvāta uttareṇaiva tṛcena / tasya ha sma rcyṛcy uktāyāṃ nitarāṃ pāśo mumuce kanīya aikṣvākasyodaraṃ babhūva / uttamāyāṃ ha sma rcyṛcy uktāyāṃ vi pāśo mumuce 'gada aikṣvāko babhūva / atha hainamṛtvija ūcuḥ / tvam evaitasyāhnaḥ saṃsthām adhigaccheḥ[+]