Occurrences of chid in "Maitryupaniṣad"
Click [+] to expand the context.
6.3.2om śucau deśe śuciḥ sattvasthaḥ sadadhīyānaḥ sadvādī saddhyāyī sadyājī syād ity ataḥ sadbrahmaṇi satyabhilāṣiṇi nirvṛtto 'nyas tatphalacchinnapāśo 'nirāśaḥ pareṣv ātmavad vigatabhayo niṣkāmo 'kṣayyam aparimitaṃ sukham ākramya tiṣṭhati paramaṃ vai śevadher iva parasyoddharaṇaṃ yat niṣkāmatvaṃ sa hi sarvakāmamayaḥ puruṣo 'dhyavasāyasaṃkalpābhimānaliṅgo baddho 'tas tadviparīto mukto 'traikā āhur guṇaḥ prakṛtibhedavaśād adhyavasāyātmabandham upāgato 'dhyavasāyasya doṣakṣayāddhi mokṣo manasā hy eva paśyati manasā śṛṇoti kāmaḥ saṃkalpo vicikitsā śraddhāśraddhā dhṛtir adhṛtir hrīr dhīr bhīr ity etat sarvaṃ mana eva guṇoghair uhyamānaḥ kaluṣīkṛtaś cāsthiraś cañcalo lupyamānaḥ saspṛho vyagraś cābhimānitvaṃ prayātā ity ahaṃ so mamedam ity evaṃ manyamānā nibadhnāty ātmanātmānaṃ jāleneva khacaro 'taḥ puruṣo 'dhyavasāyasaṃkalpābhimānaliṅgo baddho 'tas tadviparīto muktas tasmāt niradhyavasāyo niḥsaṃkalpo nirabhimānas tiṣṭhed etan mokṣalakṣaṇam eṣātra brahmapadavy eṣo 'tra dvāravivaro 'nenāsya tamasaḥ pāraṃ gamiṣyaty atra hi sarve kāmāḥ samāhitā ity atrodāharanti
6.38.1agnihotraṃ juhvāno lobhajālaṃ bhinatty ataḥ saṃmohaṃ chittvā na krodhān stunvānaḥ kāmam abhidhyāyamānas tataś caturjālaṃ brahmakośaṃ bhindad ataḥ paramākāśam atra hi saurasaumyāgneyasāttvikāni maṇḍalāni bhittvā tataḥ śuddhaḥ sattvāntarastham acalam amṛtam acyutaṃ dhruvaṃ viṣṇusaṃjitaṃ sarvāparaṃ dhāma satyakāmasarvajñatvasaṃyuktaṃ svatantraṃ caitanyaṃ sve mahimni tiṣṭhamānaṃ paśyaty atrodāharanti