Occurrences of tanū in "Maitryupaniṣad"
Click [+] to expand the context.
6.5.1athānyatrāpy uktaṃ svanavaty eṣāsya tanūr yā om iti strīpuṃnapuṃsaketi liṅgavaty eṣāthāgnir vāyur ādityā iti bhāsvaty eṣātha brahmā rudro viṣṇur ity adhipativaty eṣātha gārhapatyo dakṣiṇāgnir āhavanīyā iti mukhavaty eṣātha ṛg yajuḥ sāmeti vijñānavaty eṣā bhūr bhuvaḥ svar iti lokavaty eṣātha bhūtaṃ bhavyaṃ bhaviṣyad iti kālavaty eṣātha prāṇo 'gniḥ sūrya iti pratāpavaty eṣāthānnam āpaś candramā ity āpyāyanavaty eṣātha buddhir mano 'haṃkārā iti cetanavaty eṣātha prāṇo 'pāno vyānā iti prāṇavaty eṣety ata om ity uktenaitāḥ prastutā arcitā arpitā bhavantīty evaṃ hyāhaitad vai satyakāma paraṃ cāparaṃ ca brahma yad om ity etad akṣaram iti
6.6.1athāvyāhṛtaṃ vā idam āsīt sa satyaṃ prajāpatis tapas taptvānuvyāharad bhūr bhuvaḥ svar ity eṣaivāsya prajāpateḥ sthaviṣṭhā tanūr yā lokavatīti svar ity asyāḥ śiro nābhir bhuvo bhūḥ pādā ādityaś cakṣuḥ
6.6.2cakṣurāyattā hi puruṣasya mahatī mātrā cakṣuṣā hy ayaṃ mātrāś carati satyaṃ vai cakṣur akṣiṇy avasthito hi puruṣaḥ sarvārtheṣu caraty etasmād bhūr bhuvaḥ svar ity upāsītānena hi prajāpatir viśvātmā viśvacakṣur ivopāsito bhavatīty evaṃ hy āhaiṣā vai prajāpater viśvabhṛt tanūr etasyām idaṃ sarvam antarhitam asmiṃś ca sarvasminn eṣāntarhiteti tasmād eṣopāsīta
6.13.1athānyatrāpy uktaṃ viśvabhṛd vai nāmaiṣā tanūr bhagavato viṣṇor yad idam annaṃ prāṇo vā annasya raso manaḥ prāṇasya vijñānaṃ manasa ānandaṃ vijñānasyety annavān prāṇavān manasvān vijñānavān ānandavāṃś ca bhavati yo haivaṃ veda yāvantīha vai bhūtāny annam adanti tāvatsv antaḥstho 'nnam atti yo haivaṃ veda