Texts

Help

Select a text:
Bibliography
Select a chapter:
 (no revisions)
Associated topic(s): Agni

Show parallels  Show headlines
Use dependency labeler
Chapter id: 10808
  • Click on a sentence to show its analysis
  • Keep the mouse pointer over a lemma to show its meanings.
mahāṁ asy adhvarasya praketo na ṛte tvad amṛtā mādayante / (1.1) Par.?
ā viśvebhiḥ sarathaṃ yāhi devair ny agne hotā prathamaḥ sadeha // (1.2) Par.?
tvām īﾱate ajiraṃ dūtyāya haviṣmantaḥ sadam in mānuṣāsaḥ / (2.1) Par.?
yasya devair āsado barhir agne 'hāny asmai sudinā bhavanti // (2.2) Par.?
triś cid aktoḥ pra cikitur vasūni tve antar dāśuṣe martyāya / (3.1) Par.?
manuṣvad agna iha yakṣi devān bhavā no dūto abhiśastipāvā // (3.2) Par.?
agnir īśe bṛhato adhvarasyāgnir viśvasya haviṣaḥ kṛtasya / (4.1) Par.?
kratuṃ hy asya vasavo juṣantāthā devā dadhire havyavāham // (4.2) Par.?
āgne vaha haviradyāya devān indrajyeṣṭhāsa iha mādayantām / (5.1) Par.?
imaṃ yajñaṃ divi deveṣu dhehi yūyam pāta svastibhiḥ sadā naḥ // (5.2) Par.?
Duration=0.027663946151733 secs.