Texts

Help

Select a text:
Bibliography
Select a chapter:
 (no revisions)
Associated topic(s): Medicine

Show parallels  Show headlines
Use dependency labeler
Chapter id: 1354
  • Click on a sentence to show its analysis
  • Keep the mouse pointer over a lemma to show its meanings.
ato 'smācca kāraṇakadambakāt viparītatvāt vaiparītyena sthitatvāt na rasādayo vīryam // (1) Par.?
tathā hi rasasya sāratvaṃ nāsti jāṭharānalasaṃyogavaśena rasāntarotpatteḥ // (2) Par.?
gurvādīnāṃ tu jāṭharāgnisaṃyogavaśenāpi nānyathābhāvaḥ // (3) Par.?
tathā ca na rasasya śaktyutkarṣavivartitvam yato rasasya gurvādyāhitaśaktereva svakarmaṇi sāmarthyam // (4) Par.?
vyavahārāya yathā gurvāder mukhyatvaṃ yathā ca bahvagragrahaṇaṃ tathā prāg darśitam // (5) Par.?
prabhāvaḥ sarvātiśāyī dravyasvabhāvaḥ tasya ca kriyānirvartanasāmānye satyapi vīryasaṃjñā pūrvoktāddhetor na pravartate // (6) Par.?
evaṃ vipākakarmaṇorapi cintyam // (7) Par.?
tasmāt rasādyeṣu sambhavatyapi vidyamānāpi asadrūpeva sā vīryasaṃjñā na vivakṣyate norarīkriyate // (8) Par.?
ādau bhavaḥ ādyaḥ // (9) Par.?
digāditvād yat // (10) Par.?
rasa ādyo yeṣāṃ prabhāvādīnāṃ ta evaṃ teṣu // (11) Par.?
vīryam ityādi // (12) Par.?
hiśabdo yasmādarthe // (13) Par.?
yata evaṃ sā vīryasaṃjñā sambhavaty api rasādiṣu vaiparītyān na vivakṣyate ato gurvādaya eva vīryam na rasādayaḥ // (14) Par.?
Duration=0.042846202850342 secs.