Texts

Help

Select a text:
Bibliography
Select a chapter:
 (no revisions)
Associated topic(s): midday pavamāna, midday sacrifice, mādhyandina, mādhyaṃdinasavana

Show parallels  Show headlines
Use dependency labeler
Chapter id: 15457
  • Click on a sentence to show its analysis
  • Keep the mouse pointer over a lemma to show its meanings.
yo vai yajñasyodhar veda duhe yajñam // (1) Par.?
pavamāno vāva yajñaḥ // (2) Par.?
tasya gāyatry evodhaḥ // (3) Par.?
gāyatrīṃ caturṛcāṃ kuryāt // (4) Par.?
yajñasyaiva tad ūdhar dadhāti duhe yajñam // (5) Par.?
yo vai yajñasya pratiṣṭhāṃ veda prati yajñaṃ sthāpayati praty ātmanā tiṣṭhati // (6) Par.?
pavamāno vāva yajñaḥ // (7) Par.?
tasya gāyatry eva pratiṣṭhā // (8) Par.?
gāyatrīṃ caturṛcāṃ kuryāt // (9) Par.?
yajñasyaiva tat pratiṣṭhāṃ dadhāti // (10) Par.?
prati yajñaṃ sthāpayati praty ātmanā tiṣṭhati // (11) Par.?
uccā te jātam andhasā asya pratnām anu dyutam enā viśvāny arya ety etāsu gāyatraṃ kuryāt // (12) Par.?
tāsv āmahīyavam // (13) Par.?
sa yad dhāyyāṃ caturthīṃ dadhāti tena caturṛcaṃ bhavati // (14) Par.?
pratitiṣṭhatībhiḥ prati yajñaṃ sthāpayati praty ātmanā tiṣṭhati // (15) Par.?
Duration=0.048627853393555 secs.