Texts

Help

Select a text:
Bibliography
Select a chapter:
 (no revisions)
Associated topic(s): pṛṣṭha

Show parallels  Show headlines
Use dependency labeler
Chapter id: 15505
  • Click on a sentence to show its analysis
  • Keep the mouse pointer over a lemma to show its meanings.
imau vai lokau saha santau vyaitām // (1) Par.?
tayor na kiṃcana samapatat // (2) Par.?
te devamanuṣyā āśanāyan // (3) Par.?
itaḥpradānāddhi devā jīvanty amutaḥpradānān manuṣyāḥ // (4) Par.?
te bṛhadrathantare abrūtāṃ ye nāv ime priye tanvau tābhyāṃ vivahāvahā iti // (5) Par.?
śyaitaṃ ha vā agre rathantarasya priyā tanūr āsa naudhasaṃ bṛhataḥ // (6) Par.?
tābhyāṃ vyavahetām // (7) Par.?
ūṣān evāsāv amuto 'syai śulkam akarod dhūmam ita iyam amuṣyai // (8) Par.?
varṣam evāsāv amuto 'syai śulkam akarod devayajanam ita iyam amuṣyai // (9) Par.?
savahatū haine veda ya evaṃ veda // (10) Par.?
menāmenaṃ vāva te tad vyavahetām // (11) Par.?
tasmād āhur na menāmenaṃ vyūhyam iti // (12) Par.?
bṛhadrathantarayor ha vā eṣa vivāham abhyārohati // (13) Par.?
sa īśvaraḥ parābhavitoḥ // (14) Par.?
te tanvāv abrūtām āvaṃ nu nidhanābhyāṃ vivahāvahā iti // (15) Par.?
Duration=0.083615064620972 secs.