Texts

Help

Select a text:
Bibliography
Select a chapter:
 (no revisions)
Associated topic(s): atirātra

Show parallels  Show headlines
Use dependency labeler
Chapter id: 16085
  • Click on a sentence to show its analysis
  • Keep the mouse pointer over a lemma to show its meanings.
om ahar vai devā āśrayanta rātrīm asurāḥ // (1) Par.?
te samāvadvīryā evāsan // (2) Par.?
no vyāvartanta // (3) Par.?
so 'bravīd indraḥ kaś cāhaṃ cemān asurān rātrīm anvaiṣyāvahā iti // (4) Par.?
sa deveṣu na pratyavindat // (5) Par.?
abibhayū rātrestamaso mṛtyoḥ // (6) Par.?
tama iva hi rātriḥ // (7) Par.?
mṛtyur vai tamaḥ // (8) Par.?
tasmāddhāpy etarhi bhūyān iva naktaṃ sa yāvanmātram ivāpakramya bibheti // (9) Par.?
taṃ vai chandāṃsy evānvavāyan // (10) Par.?
tad yacchandāṃsy evānvavāyaṃs tasmād indraś ca chandāṃsi ca rātriṃ vahanti // (11) Par.?
na nivicchasyate na puroruṅ na dhāyyā nānyā devatā // (12) Par.?
indraś ca hy eva chandāṃsi ca rātriṃ vahanti // (13) Par.?
tān vai paryāyaiḥ paryāyam anudanta // (14) Par.?
yat paryāyaiḥ paryāyam anudanta tasmāt paryāyāḥ // (15) Par.?
tat paryāyāṇāṃ paryāyatvam // (16) Par.?
tān vai prathamair eva paryāyaiḥ pūrvarātrād anudanta madhyamair madhyarātrād uttamair apararātrāt // (17) Par.?
api śarvaryā apismasīty abruvan // (18) Par.?
tad yad api śarvaryā apismasīty abruvaṃs tad apiśarvarāṇām apiśarvaratvam // (19) Par.?
śarvarāṇi khalu ha vā asyaitāni chandāṃsīti ha smāha // (20) Par.?
etāni ha vā indraṃ rātryās tamaso mṛtyor abhipatyāvārayan // (21) Par.?
tad apiśarvarāṇām apiśarvaratvam // (22) Par.?
Duration=0.057075977325439 secs.