Texts

Help

Select a text:
Bibliography

Select a chapter:
(no revisions)

Associated topic(s): darśapūrṇamāsa iṣṭi, full-moon sacrifice

Show parallels Show headlines
Use dependency labeler

Chapter id: 16692

Click on a sentence to show its analysis
Keep the mouse pointer over a lemma to show its meanings.

śvo bhūte prātar agnihotraṃ hutvodita āditye paurṇamāsyās tantram ārabhate prāg udayād amāvāsyāyāḥ // (1) Par.?

darśapūrṇamāsayor yajñakratvoś catvāra ṛtvijo brahmā hotādhvaryur agnīd iti // (2) Par.?

karmaṇe vām iti pāṇiṃ prakṣālya yajñasya saṃtatir asīti gārhapatyāt saṃtatam āhavanīyād ulaparājiṃ stṛṇāti tūṣṇīṃ dakṣiṇām uttarāṃ ca // (3) Par.?

dakṣiṇena āhavanīyaṃ brahmayajamānayor āsane karoti pūrvaṃ brahmaṇe 'paraṃ yajamānāya // (4) Par.?

uttareṇa gārhapatyaṃ darbhān saṃstīrya yajñāyudhāni dvandvaṃ nyañci sādayati sphyaṃ ca kapālāni cāgnihotrahavanīṃ ca śūrpaṃ ca kṛṣṇājinaṃ ca śamyāṃ colūkhalaṃ ca musalaṃ ca dṛṣac copalāṃ ceti pañca dvandvāni // (5) Par.?

khādiraṃ sruvaṃ pālāśīṃ juhūm āśvatthīm upabhṛtaṃ vaikaṅkatīṃ dhruvāṃ vedaṃ pātrīṃ mekṣaṇaṃ prāśitraharaṇam iḍāpātraṃ praṇītāpraṇayanam iti pañca dvandvāny ājyasthālīm anvāhāryasthālīm aśmānaṃ sāṃnāyyapātrāṇi saṃnayataḥ kumbhīṃ śākhāpavitram upaveṣam abhidhānīṃ nidāne dohanaṃ ca pūrvedyuḥ kṛte pavitre cāṣṭau dārupātrāṇi yāny ahomārthāni tāni vāraṇāni yena cārthaḥ // (6) Par.?

atra yajamāno bhūpate bhuvanapata iti brahmiṣṭhaṃ brahmāṇaṃ vṛtvāpareṇāhavanīyaṃ dakṣiṇātikramya dakṣiṇata udaṅmukha upaviśati // (7) Par.?

Duration=0.036946058273315 secs.