Texts

Help

Select a text:
Bibliography
Select a chapter:
 (no revisions)
Associated topic(s): darśapūrṇamāsa iṣṭi, full-moon sacrifice

Show parallels  Show headlines
Use dependency labeler
Chapter id: 16697
  • Click on a sentence to show its analysis
  • Keep the mouse pointer over a lemma to show its meanings.
apareṇa gārhapatyaṃ prāgīṣam udagīṣaṃ vāgniṣṭhaṃ śakaṭam avasthitaṃ vrīhimat parīṇaṭasahitaṃ bhavati yavamad vā // (1) Par.?
dhūr asīti tasya dakṣiṇāṃ dhuram abhimṛśya savyāṃ ca tvaṃ devānām iti śakaṭam abhimantrya viṣṇus tvākraṃsteti viṣṇum ātmānaṃ dhyāyan savye cakre dakṣiṇaṃ pādam ādadhāti viṣṇoḥ kramo 'sīti vā // (2) Par.?
ahrutam ity ārohati // (3) Par.?
mitrasya tveti parīṇāhādikaṃ prekṣyoru vātāyeti tasya dvāram apacchidya mitrasya tveti puroḍāśyāṃś ca prekṣyorjaṃ dhatsvety abhimṛśyāpahataṃ rakṣa iti tṛṇaṃ kiṃśāru vā nirasyāpa upaspṛśya havir nirvapsyan daśahotāraṃ vyācakṣīta // (4) Par.?
pavitrāntarhite śūrpe havanīṃ nidhāya yacchantām iti muṣṭiṃ pūrayitvā havanyām opya devasya tveti pavitrāntarhite śūrpe yathādevataṃ caturo muṣṭīn nirvapati trir mantreṇa tūṣṇīṃ caturtham // (5) Par.?
nirupyānvāvapati // (6) Par.?
evam uttaraṃ puroḍāśaṃ nirvapati // (7) Par.?
agniṃ hotāram iha taṃ huva iti yajamāno havir nirupyamāṇam abhimantrayate niruptaṃ vā // (8) Par.?
kas tvā yunakti sa tvā yunaktv iti sarvam anuvīkṣate // (9) Par.?
Duration=0.063792943954468 secs.