Texts

Help

Select a text:
Bibliography
Select a chapter:
 (no revisions)
Associated topic(s): cāturmāsya

Show parallels  Show headlines
Use dependency labeler
Chapter id: 16846
  • Click on a sentence to show its analysis
  • Keep the mouse pointer over a lemma to show its meanings.
prātarhute 'gnihotre pāṇiprakṣālanādi karma pratipadyate // (1) Par.?
pātrasaṃsādanakāle dve upabhṛtau pṛṣadājyadhānī dvitīyā dve ājyasthālyau dadhidhānī dvitīyā pālāśaṃ vājinapātraṃ camasam // (2) Par.?
nirvapanakāla āgneyam aṣṭākapālaṃ nirvapati saumyaṃ caruṃ sāvitraṃ dvādaśakapālaṃ sārasvataṃ caruṃ pauṣṇaṃ carum ity etāni pañca saṃcarāṇi // (3) Par.?
mārutaṃ saptakapālaṃ vaiśvadevīm āmikṣāṃ dyāvāpṛthivyam ekakapālam // (4) Par.?
triṣphalīkṛteṣu yathābhāgamantreṇa saumyaṃ caruṃ sārasvataṃ caruṃ vibhajya piṣṭeṣu saṃyuteṣu tathā pauṣṇaṃ ca vibhajya kapālāny upadhāya caruṃ cādhiśritya prātardohavad dugdhvā tapte payasi sāyaṃdugdham ānayati // (5) Par.?
yā saṃhatā sāmikṣā // (6) Par.?
yad dravati tad vājinam anyasmin pātre niṣicya nidadhāti // (7) Par.?
Duration=0.026944875717163 secs.