Texts

iha vasuḥ purūvasur ity aindravāyavam adhvaryave pragṛhyopahūtau vāyur indravāyū saha prāṇena saha varcasā tayor aham upahūtaḥ saha prāṇena saha varcaseti bhakṣayitvā pragrahaṇamantreṇa punaḥ pragṛhya bhakṣamantreṇa punar bhakṣayati // (1) Par.?

iha vasur vidadvasur iti maitrāvaruṇaṃ pragṛhya // (2) Par.?

upahūtau mitrāvaruṇau saha cakṣuṣā saha varcasā tayor aham upahūtaḥ saha cakṣuṣā saha varcaseti bhakṣayitvā // (3) Par.?

āśvinaṃ pradakṣiṇaṃ śiraḥ paryāhṛtyāvekṣya pratiparyāhṛtyāvekṣya // (4) Par.?

iha vasuḥ saṃyadvasur ity āśvinaṃ pragṛhya // (5) Par.?

upahūtau devāv aśvinau saha śrotreṇa saha varcasā tayor aham upahūtaḥ saha śrotreṇa saha varcaseti bhakṣayitvā // (6) Par.?

upaspṛśyeḍām upahvayate // (7) Par.?

upodyacchanti camasān // (8) Par.?

hotṛcamasam anvārabhate // (9) Par.?

asaṃsparśanaṃ sarvatrājyalepena somasya // (10) Par.?

upahūya prasthitān bhakṣayanti // (11) Par.?

tejase tvā brahmavarcasāya bhakṣayāmīti bhakṣamantraḥ prātaḥsavane // (12) Par.?

ojase tvendriyāya bhakṣayāmīti mādhyandine // (13) Par.?

prajāyai tvā puṣṭyai bhakṣayāmīti tṛtīyasavane // (14) Par.?

śaṃ no bhava hṛda ity uro'bhimarśanī bhakṣayitvā // (15) Par.?

savye pāṇau camasān kṛtvā dakṣiṇenāpyāyayanti // (16) Par.?

ā pyāyasva sametu ta ity āpyāyanī prātaḥsavane // (17) Par.?

saṃ te payāṃsīty uttarayoḥ // (18) Par.?

prasthitān āpyāyayanti // (19) Par.?

ājye marutvatīye ca // (20) Par.?

ājyapraugayor nārāśaṃsā niṣkevalyamarutvatīyayor vaiśvadeve ca // (21) Par.?

devo 'si narāśaṃso yat te medhaḥ svarjyotis tasya ta ūmaiḥ pitṛbhir bhakṣitasyopahūtasyopahūto bhakṣayāmīti bhakṣamantraḥ prātaḥsavane nārāśaṃsānām // (22) Par.?

ūrvair iti mādhyandine vikāraḥ // (23) Par.?

kāvyair iti tṛtīyasavane // (24) Par.?