Texts

Help

Select a text:
Bibliography

Select a chapter:
(no revisions)

Associated topic(s): cāturmāsya

Show parallels Show headlines
Use dependency labeler

Chapter id: 16852

Click on a sentence to show its analysis
Keep the mouse pointer over a lemma to show its meanings.

paśuvad aṣṭāv ādyān yajamāno 'numantrayata uttamenottamam // (1) Par.?

saṃvatsarīṇāṃ svastim āśāste divyaṃ dhāmāśāsta iti hotā sūktavākasyāśiḥṣv anuvartayati // (2) Par.?

prahṛtya paridhīn saṃsrāveṇābhihutya vājinapātra upastīrya barhiṣi viṣiñcan vājinena tat pātraṃ pūrayati // (3) Par.?

nābhighārayati // (4) Par.?

vājibhyo 'nubrūhīti saṃpreṣyati // (5) Par.?

āśrāvya pratyāśrāvite vājino yajeti saṃpreṣyati // (6) Par.?

anavānaṃ hotā yājyām anvāha // (7) Par.?

vaṣaṭkṛte 'dhvaryuḥ srucā srāvayañ juhoti // (8) Par.?

vājinasyāgne vīhīti hotānuyajati // (9) Par.?

vājinodrekeṇa pratidiśaṃ yajati diśaḥ svāheti prācyāṃ pradiśaḥ svāheti dakṣiṇata ādiśaḥ svāheti paścimato vidiśaḥ svāhety uttarata uddiśaḥ svāheti madhye svāhā digbhya iti pradakṣiṇam anupariṣiñcati namo digbhya iti vopatiṣṭhate // (10) Par.?

antarvedi śeṣaṃ samupahūya parasparam asāv upahvayasvety āmantraṇe kṛta upahūta iti prativacane ca vājināṃ bhakṣo avatv iti sarve vājinaṃ bhakṣayanti tatra prathamo hotā yajamānaś caramaḥ // (11) Par.?

Duration=0.056909799575806 secs.