Texts

sarasvatyā vinaśane dīkṣā sārasvatānām // (1) Par.?

krītvā rājānam upanahyopasada upetya / (2.1) Par.?

prāyaṇīyam atirātram upetya / (2.2) Par.?

iṣṭvā sāṃnāyyenādhvaryuḥ śamyāṃ parāsya / (2.3) Par.?

tatra gārhapatyaṃ nidhāya ṣaṭtriṃśatprakrameṣv āhavanīyam abhyādadhāti // (2.4) Par.?

cakrīvat sadaḥ // (3) Par.?

tathāgnīdhram // (4) Par.?

ulūkhalabudhno yūpaḥ // (5) Par.?

noparavān khananti // (6) Par.?

tam etam āpūryamāṇapakṣam āmāvāsyena yanti // (7) Par.?

teṣāṃ paurṇamāsyāṃ gaur ukthyo bṛhatsāmā // (8) Par.?

tam etam apakṣīyamāṇapakṣaṃ paurṇamāsyena yanti // (9) Par.?

teṣām amāvāsyāyām āyur ukthyo rathantarasāmā // (10) Par.?

pratīpaṃ pūrveṇa pakṣasā yanti // (11) Par.?

aponaptriyaṃ caruṃ nirupya // (12) Par.?

tadasyānīkam asmin pada ity aponaptriyasya // (13) Par.?

apyaye dṛṣadvatyāḥ // (14) Par.?

sarasvatīm api yanti // (15) Par.?

śate goṣvṛṣabham apy utsṛjanti // (16) Par.?

yadā sahasraṃ sampadyate 'thotthānam // (17) Par.?

sarveṣu vopahateṣu // (18) Par.?

gṛhapatau vā mṛte // (19) Par.?

plākṣaṃ vā prasravaṇaṃ prāpyāgnaye kāmāyeṣṭiṃ nirvapanti // (20) Par.?

tasyām aśvāṃ ca pauruṣīṃ ca dhenuke dattvā kārapacavaṃ prati yamunām avabhṛtham abhyavayanti // (21) Par.?

iti mitrāvaruṇayor ayanam // (22) Par.?

atirātro 'bhijid viśvajitau goāyuṣī indrakukṣī atirātraḥ // (23) Par.?

itīndrāgnyoḥ // (24) Par.?

atirātro jyotir gaur āyur viśvajid abhijitāv indrakukṣī atirātraḥ // (25) Par.?

ity aryamnaḥ // (26) Par.?

saṃvatsaraṃ brāhmaṇasya gā rakṣet // (27) Par.?

saṃvatsaraṃ vyarṇe naitandhave 'gnim indhīta // (28) Par.?

saṃvatsare parīṇahy agnīn ādhāya dṛṣadvatyā dakṣiṇena tīreṇāgneyenāṣṭākapālena śamyāparāse śamyāparāse yajamāna eti // (29) Par.?

triḥ plakṣāṃ prati yamunām avabhṛtham abhyavayanti // (30) Par.?

iti dārṣadvatam // (31) Par.?

atirātraḥ sahasraṃ trivṛtaḥ saṃvatsarā atirātraḥ prajāpateḥ sahasrasaṃvatsaraṃ sahasrasaṃvatsaram // (32) Par.?