Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma, pravara, choosing the priest

Show parallels  Show headlines
Use dependency labeler
Chapter id: 17025
  • Click on a sentence to show its analysis
  • Keep the mouse pointer over a lemma to show its meanings.
vasante jyotiṣṭomena yakṣyamāṇo brāhmaṇān ārṣeyān ṛtvijo vṛṇīte yūnaḥ sthavirān vānūcānān anaṅgahīnān ūrdhvavācaś caturaḥ // (1) Par.?
sarvān vā // (2) Par.?
caturo vṛṇāno mahartvijo vṛṇīte 'dhvaryuṃ brahmāṇaṃ hotāram udgātaram iti // (3) Par.?
ādityo devo daivyo 'dhvaryuḥ sa me 'dhvaryur astv ity upāṃśu daivyam adhvaryuṃ vṛtvāsau mānuṣa ity uccair mānuṣaṃ vṛṇīte // (4) Par.?
candramā devo daivyo brahmā sa me brahmāstv ity upāṃśu daivyaṃ brahmāṇaṃ vṛtvāsau mānuṣa ity uccair mānuṣaṃ vṛṇīte // (5) Par.?
agnir devo daivyo hotā sa me hotāstv ity upāṃśu daivyaṃ hotāraṃ vṛtvāsau mānuṣa ity uccair mānuṣaṃ vṛṇīte // (6) Par.?
parjanyo devo daivya udgātā sa ma udgātāstv ity upāṃśu daivyaṃ udgātāraṃ vṛtvāsau mānuṣa ity uccair mānuṣaṃ vṛṇīte // (7) Par.?
sadasyaṃ mahartvijaṃ pañcamaṃ kauṣītakinaḥ samāmananti // (8) Par.?
sa kṛtākṛtakarmaṇām upadraṣṭā bhavati // (9) Par.?
taṃ vṛṇīte // (10) Par.?
ākāśo devo daivyaḥ sadasyaḥ sa me sadasyo 'stv ity upāṃśu daivyaṃ sadasyaṃ vṛtvāsau mānuṣa ity uccair mānuṣaṃ vṛṇīte // (11) Par.?
āpo devīr daivyā hotrāśaṃsinas te me hotrāśaṃsinaḥ santv ity upāṃśu daivyān hotrāśaṃsino vṛtvāsau cāsau mānuṣa ity uccair mānuṣān vṛṇīte // (12) Par.?
Duration=0.053461790084839 secs.