Texts

Select a text:
Bibliography

Select a chapter:
(no revisions)

Associated topic(s): agniṣṭoma, measuring the vedi, vedivimāna

Show parallels Show headlines
Use dependency labeler

Chapter id: 17037

Click on a sentence to show its analysis
Keep the mouse pointer over a lemma to show its meanings.

sa pāścātyo veder madhyamaḥ śaṅkus tasmāt purastāt prakrameṣu ṣaṭtriṃśati śaṅkuḥ paurastyaḥ // (1) Par.?

pāścātyād dakṣiṇottarau pañcadaśasu pañcadaśasu śaṅkū tau śroṇyau paurastyād dvādaśasu dvādaśasu śaṅkū tāv aṃsau // (2) Par.?

akṣṇayāmānaṃ vidhāya sarvaṃ spandyayā śaktiviṣaye dakṣiṇāvṛttayā pradakṣiṇaṃ vimime tvā payasvatīm iti vediṃ parimimīte // (3) Par.?

madhye prāgagrāṃ pṛṣṭhyāṃ karoti // (4) Par.?

idaṃ tasmai vedena vedim ity abhimarśanasaṃmārgau // (5) Par.?

paurastyāt paścātprakrama uttaravedeḥ paurastyāt paścād daśame pade śaṅkur uttaravedeḥ pāścātyaḥ // (6) Par.?

tataḥ ṣaṣṭhāt padād dakṣiṇataḥ saptama uparavadeśaḥ // (7) Par.?

tasmāt stambayajur harati // (8) Par.?

uttarād aṃsāt paścime dvādaśād uttarataḥ prakrama utkaradeśe namo diva ity āgnīdhro 'ñjaliṃ kṛtvopaviśati // (9) Par.?

tadañjalau stambayajur vyākhyātam // (10) Par.?

sa utkaraḥ // (11) Par.?

tadaṃsasyottareṇa prakrame cātvālaḥ // (12) Par.?

imāṃ narāḥ kṛṇuta vedim ety eti saṃpreṣyati // (13) Par.?

vyākhyātaṃ khananam // (14) Par.?

catuḥśikhaṇḍā yuvatiḥ supeśā ghṛtapratīkā bhuvanasya madhye // (15) Par.?

tasyāṃ suparṇāv adhi yau niviṣṭau tayor devānām adhi bhāgadheyam iti vedim abhimantryottaravedyāvṛtā daśapadām uttaravediṃ purastād aṃhīyasīṃ karoti // (16) Par.?

udumbaraśākhābhiḥ śataśākhābhir vā pracchannāṃ kṛtvāparāhṇikyau śvobhūte carame pūrvāhṇikyau // (17) Par.?

vratārdhaṃ prayacchati sarvaṃ vā // (18) Par.?

tathaivāparāhṇikyau samasya pravargyam udvāsyopasadaṃ kuryād yadi pūrvaḥ pravargyaḥ // (19) Par.?

paśubandhe 'gnipraṇayanaṃ vyākhyātam // (20) Par.?

Duration=0.044122934341431 secs.