Texts

Help

Select a text:
Bibliography

Select a chapter:
(no revisions)

Associated topic(s): agniṣṭoma, uparava

Show parallels Show headlines
Use dependency labeler

Chapter id: 17043

Click on a sentence to show its analysis
Keep the mouse pointer over a lemma to show its meanings.

pra tad viṣṇur iti pūrveṇa dvāreṇa niṣkrāmataḥ // (1) Par.?

ūrdhvam anyayā vaiṣṇavyā vā // (2) Par.?

dakṣiṇasya puro'kṣam uktam uparavakarma // (3) Par.?

devasya tvety abhrim ādāyāvir asīty abhimantrya vyāghāravad akṣṇayā caturaḥ prādeśamukhān prādeśamadhyān uparavān parilikhitam iti triḥ parilikhya rakṣohaṇo valagahana iti bāhumātram uparavān adhastāt saṃtṛṇṇān uparyasaṃbhinnān khātvā bṛhann asīty abhriṃ nidadhāti // (4) Par.?

eṣāṃ purīṣam udupya dakṣiṇasyānasaḥ pūrveṇopastambhanaṃ tena kharaṃ caturaśraṃ karoti yāvad alaṃ somapātrebhyaḥ // (5) Par.?

purastāt saṃcaraṃ śinaṣṭi // (6) Par.?

rakṣohaṇo valagahano vaiṣṇavān khanāmīti punar abhriyā khātvā virāḍ asi sapatnaheti pūrvayor dakṣiṇasminn uparave bāhum upāvahṛtyedam ahaṃ taṃ valagam udvapāmīti pāṃsūn ādāyedam enam adharaṃ karomi yo naḥ samāno yo 'samāno 'rātīyatīti tadbile 'vabādhya nirasto valaga iti hṛtvā gāyatreṇa chandasāvabāḍho valaga iti yajamānasyādhaspadaṃ tān pāṃsūn nivapati // (7) Par.?

samrāḍ asi bhrātṛvyahety aparayor uttarasmin bāhum upāvahṛtya pūrvavad ādānabādhanaharaṇāni // (8) Par.?

traiṣṭubhena chandasāvabāḍho valaga iti tathā nivapati // (9) Par.?

aparayor dakṣiṇasmin svarāḍ asy abhimātiheti bāhum upāvahṛtya tathādānāvabādhanaharaṇāni // (10) Par.?

jāgatena chandasāvabāḍho valaga iti tathā nivapati // (11) Par.?

Duration=0.028272867202759 secs.