Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 17058
  • Click on a sentence to show its analysis
  • Keep the mouse pointer over a lemma to show its meanings.
abhiprayāti pra cyavasva bhuvaspata iti pratipadya yajamānasya svastyayany asīty antena // (1) Par.?
prāñco 'bhiprayāya dakṣiṇam āvartante // (2) Par.?
api panthām agasmahīty uttareṇa rājānam adhvaryur yajamānaś cātikrāmataḥ // (3) Par.?
agnīṣomīyeṇa karṇagṛhītena rājānam ohyamānaṃ yajamānaḥ pratīkṣate namo mitrasya varuṇasya cakṣasa iti // (4) Par.?
agnīn prajvalayanti // (5) Par.?
āhavanīye mahad abhyādadhati // (6) Par.?
adhvaryava āsandīm udgṛhṇanti // (7) Par.?
aratnimātraśīrṣaṇyānūcyā nābhidaghnapādā mauñjavivayany audumbarī bhavati // (8) Par.?
tatraiṣo 'tyantapradeśaḥ / (9.1) Par.?
yatra kva ca bahūn kartṝṃś codayed adhvaryava eva tat kuryuḥ / (9.2) Par.?
yatra dvau pratiprasthātā tatra dvitīyaḥ syāt // (9.3) Par.?
agreṇa prāgvaṃśaṃ vāruṇam asīti śakaṭam ākhidati // (10) Par.?
udagīṣam avasthāpayati // (11) Par.?
varuṇas tvottabhnātv ity uttabhnāti // (12) Par.?
vāruṇam asīti vicṛtati // (13) Par.?
varuṇasya skambhanam asīti śamyām utkhidati // (14) Par.?
unmukto varuṇasya pāśa ity abhidhānīm unmuñcati // (15) Par.?
varuṇasyartasadanir asīti dakṣiṇenāhavanīyam āsandīṃ pratiṣṭhāpayati // (16) Par.?
dakṣiṇo vimukto 'naḍvān bhavati savyo 'vimuktaḥ // (17) Par.?
Duration=0.064529180526733 secs.